2 Bõsbudạ 17:3 - সান্তালী বাইবেল

^3-4 Probhu Isor do Jehosaphat sãoteye tahẽkana, ente uniren hapṛam Dạud pạhilre cetʼlekae calakʼkan tahẽkan onkage uni hõe calakʼkan tahẽkana. Uni do Bakʼal debota do baṅa bickom uniren hapṛamkoren Isorgeye dewa sewawae kan tahẽkana ar Israelko leka calakʼ baṅkate Isorakʼ hukum lekae calakʼ kan tahẽkana.

2 Bõsbudạ 17:3 Referans Kwoze

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

2 Rapajko 22:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana ar etom se końe secʼ do bae taṛametʼ tahẽkana.

2Timothi 4:22

Probhu Isor do am tulucʼ baṛeye tahenma. Isorakʼ daya ape tulucʼ tahẽakan tahenma.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 1:23

“Mitʼṭen kũạri kuṛi doe bhạrti hoṛmokʼa, ar uniren do mitʼṭen koṛa gidrại hoyokʼtaea; ar uniyakʼ ńutum do Immanuel dohokʼtaea.” Ona reakʼ mane do, Abon tulucʼ Isor.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

1 Bõsbudạ 22:18

“Aperen Probhu Isor do cetʼ ape sãote bạnugicʼan? Uni do sanam secʼtege cetʼ sulukte bae dohoakatʼpea? Uni do niạ disạmren hoṛko ińakʼ tireye soprotketʼkote disạm do Probhu Isor ar uniren hoṛko tabere hoyakana.

2 Samuel 5:10

Uni do dinke dine daṛe idiyena, ente sanam daṛean Probhu Isor do uni sãoteye tahẽkana.

Bikʼcạrko 6:12

Unre Probhu Isorren goḍet do Gideon ṭhen ńel ocoyenteye metadea, “E daṛean bir, Probhu Isor do am sãore menaea.”

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Josuạ 1:5

Ar tinạkʼ din jiwetʼem tahen celege am upạrte do ohoko teṅgo daṛelena. Cetʼleka Mose sãoteń tahẽkan onkage am sãote hõń tahena; iń do tishõ bạń bạgi giḍimea ar bạń alaemea.

Exodus 3:12

Isore menkeda, “Ińge am sãoteń tahena. Am do Misor khon hoṛkom oḍok ạgukoa ar ape do noa burure ińpe sewawạńạ. Ar ińiń koletʼme noage uni ṭhen amakʼ cinhạ do hoyokʼa.”

Mathae 18:20

ente okare bar se pe hoṛ iń ńutumteko jarwakʼa, onḍege iń do onko talareń tahena.”

Jirimiạ 2:23

Ar cekatem meneda, iń do bạń bhõnḍ akana, am do cetʼ Bakʼal debota tayomte bam ńir sen akana? Buru nalakore amakʼ horko beṅgetʼatam; ar am okam ceka akatʼ ona hõ hudisokʼme. Am do mecka mecki baṛaekan phẽṭaṛ ũṭ leka hante natem piḍgạu baṛaekana.

Jesaea 8:10

Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Rapajko 18:3

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

1 Rapajko 11:6

Ar Solomon do Probhu Isorakʼ mẽtʼre okaṭakʼ bạṛicʼakʼkan onageye kạmikeda. Uniren apat Dạud cetʼleka Probhu Isore botoraekan tahẽkan onka do bae kạmikan tahẽkana.

2 Samuel 8:15

Dạud do goṭa Israel disạm cetanre rajokʼe ehopʼena. Uniren hoṛko cetanre uni do hok ar dhorom reakʼe bicạretʼ tahẽkana.

Exodus 4:12

Ńitokʼ do calakʼme. Ińge katha roṛ lạgitʼ iń goṛowama ar okaṭakʼ roroṛ hoyokʼtam ona hõń cetʼama.”

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

2 Rapajko 16:2

Uni do bargel bochor umer tahẽkanre raje hoylena ar Jerusalemre gel turui bochor raje calaokeda. Uniren hapṛam Dạud do cetʼ leka Probhu Isorakʼ mẽtʼre bhageakʼe kạmikan tahẽkan onka Ahas do bae kạmiyetʼ tahẽkana.

Bikʼcạrko 8:33

Gideonakʼ gujukʼ tayom Israelko do arhõ Probhu Isor bạgikate Bakʼal debota sewawaeko ehopʼena. Onko do Bakʼal-Beritge akoren debota menteko dohowana.

Bikʼcạrko 2:18

Probhu Isor do tinre onko lạgitʼ jãhãe disạm cakʼlaoyicʼe teṅgoyetʼko tahẽkana unrege uni do onko tulucʼe tahenkan tahẽkana. Ar disạm cakʼlaoyicʼ tinạkʼ din jiwetʼe tahenkan tahẽkan unạkʼ din bạirikoakʼ ti khon Israelkoe rukhiyạyetʼko tahẽkana. Onko do santao iạte tinreko rakʼetʼ tahẽkana unre Probhu Isor do onko cetanreye dayakʼ kan tahẽkana.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

2 Rapajko 14:3

Amasiạ do Probhu Isorakʼ mẽtʼre okaṭakʼ bhageakʼkan onageye kạmiyetʼ tahẽkana, menkhan uniren hapṛam Dạud leka do baṅa. Uni do acʼren apat Joas leka sanamakʼgeye kạmiyetʼ tahẽkana.

1 Rapajko 22:43

Jehosaphat do jotowakʼrege acʼren apattetʼakʼ hortegeye taṛametʼ tahẽkana, ar tishõ ona hor do bae bạgiyada. Probhu Isorakʼ mẽtʼre oka ṭhikakʼ kan onageye kạmiyetʼ tahẽkana. Menkhan than boṭkocʼko do bae marao utạrleda ar hoṛko do onḍe janwarko dãṛẽyetʼko tahẽkana ar dhup hõko jeretʼetʼ tahẽkana.

2 Bõsbudạ 17:2

Uni do Jihudạ reakʼ sanam pạcrite esetʼ nagraha ar atokore lạṛhại phạdkoe dohoketʼkoa ar Jihudạ disạm ar uniren apate dokholan tahẽkan Ephrayim reakʼ atoko ar nagrahakore hõ lạṛhại phạdkoe dohoketʼkoa.

2 Bõsbudạ 21:12

Unre Jehoram do Eliạ nạbi ṭhen khon mitʼṭecʼ ciṭhiye ńamkeda. Onare ol tahẽkana, “Amren hapṛam Dạudren Probhu Isore meneda, ‘am do amren ạpum Jehosaphat se Jihudạren Asa rajakʼ horte do bam taṛameda, menkhan Israelren rapajko lekagem taṛameda. Am iạte Ahab bõsren hoṛko leka Jihudạ ar Jerusalemren hoṛko do boṅga sewa secʼko ạcur akana. Ona chaḍa am do amren boehakom gocʼ ocoakatʼkoa, onko do am khon hõ bhagegeko tahẽkana.

1 Samuel 18:5

Ar Sạul do Dạud jãhãtegeye kolkaekan tahẽkan onḍegeye calakʼkan tahẽkana ar bud salakʼe kạmi purạuetʼ tahẽkana. Ona iạte Dạud do lạṛhạiko cetanreye dohokedea. Onate sanam hoṛ do unireko kusiyena ar onko sãote Sạulren kạmiyạko hõ.

1 Samuel 18:12

Sạul do Dạud botoraeye ehopʼena, ente Probhu Isor do Dạud sãoteye tahẽkana menkhan Sạul khon doe sahaṛ akan tahẽkana.

1 Samuel 18:14

Probhu Isor do uni sãoteye tahẽkante jotowakʼrege bud salakʼ kạmikateye jo bahakʼkan tahẽkana.

1 Rapajko 3:3

Solomon do Probhu Isore dulạṛedekan tahẽkana, onate acʼren apattetʼ Dạudakʼ hukum lekageye senokʼkan tahẽkana; menkhan uni do than boṭkocʼkore janwarkoe dãṛẽyetʼko tahẽkana ar dhupe jeretʼetʼ tahẽkana.

2 Bõsbudạ 20:32

Jehosaphat do acʼren apattetʼ Asawakʼ hortegeye taṛametʼ tahẽkana ar tishõ ona hor do bae bạgiyada. Ar Probhu Isorakʼ mẽtʼre oka ṭhikakʼ kan onageye kạmiyetʼ tahẽkana.

2 Bõsbudạ 22:9

Ona tayom uni do Ahasiạ sendraye lạgitʼe oḍokena. Ahasiạ do unre Samariạreye oko akan tahẽkana ar hoṛko do uniko sapʼkedete Jehu ṭhen idikateko gocʼkedea. Arko topakadea, ente onkoko metade tahẽkana, “Nui do Jehosaphat ren goṛomtetʼ koṛa kanae uni do goṭa ontorte Probhu Isorakʼ sana lekae calakʼkan tahẽkan.” Ar Ahasiạwakʼ bõsre raj hoyokʼ leka ektiạri do okoeyakʼge baṅ tahẽkana.

2 Bõsbudạ 27:6

Nonkate Jotham doe daṛe idiyena, ente uni do pạtiạr salakʼ Probhu Isorakʼ horteye calakʼkan tahẽkana.

2 Bõsbudạ 29:2

Hiskiạ do acʼren hapṛam Dạud lekage Probhu Isorakʼ mẽtʼre oka bhageakʼkan onageye kạmikan tahẽkana.

2 Bõsbudạ 34:2

Uni do Probhu Isorakʼ mẽtʼre oka bhageakʼkan onageye kạmiyetʼ tahẽkana ar uniren hapṛam Dạudakʼ hortegeye calakʼkan tahẽkana; ar ona hor khon oka secʼge bae ghańjeṛlena.

Mathae 25:16

Ado okoe mõṛẽ hajar ṭakae ńamletʼ uni do onateye bạnij beparketʼte arhõ mõṛẽ hajar ṭakae labkeda.