2 Bõsbudạ 17:1 - সান্তালী বাইবেল

¹ Asawakʼ jaegare do uniren hopon Jehosaphat raje hoyena. Uni do Israel upạrte apnartetʼe keṭecʼena.

2 Bõsbudạ 17:1 Referans Kwoze

1 Rapajko 15:24

Tayomte Asa do acʼren hapṛamko ṭhene calaoena ar acʼren hapṛam Dạudakʼ nagrahare acʼren hapṛamko sãoteko topakadea. Ar uni hopon Jehosaphet do uniyakʼ jaegareye rajena.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Mathae 1:8

Asaph do Josaphat jonome emadea; Josaphat do Joram jonome emadea; Joram do Usiạ jonome emadea;

2 Bõsbudạ 32:5

Hiskiạ do pạcri reakʼ joto rạputʼ akan hĩsko ar usul pahra oṛakʼkoe jut aro ocoketʼteye keṭecʼkeda. Ona chaḍa pạcri bahrete uni do ar mitʼṭecʼ bhite benaokeda ar Dạud nagraha reakʼ Miloye kajakkeda. Uni do ạḍi utạr khanḍa bhanḍa ar ḍhalkoe benao ocokeda.

Jeheskel 7:27

Raj doe homor halaṅa, rajkumar doe andesalekʼa, ar disạmren hoṛkoakʼ ti do thar tharaokʼtakoa. Iń do onkoakʼ colon lekage onko sãoteń beohara ar onkoakʼ kuṛại lekageń sạjạikoa. Unre onkoko baḍae daṛeakʼa, ińkangeạń Probhu Isor do.”

2 Bõsbudạ 26:8

Amonrenko do Usiạ khajnako emaekan tahẽkana. Uni doe daṛe idikʼkan tahẽkante Misor reakʼ simạ hạbicʼ uniyakʼ ńutum do pasnao idiyentaea.

2 Bõsbudạ 12:1

Rehobiamakʼ raj hudạ tinre keṭecʼena are daṛe idiyena unre uni ar sãoten sanam Israelko do Probhu Isorakʼ ạn-ạriko bạgiyada.

1 Bõsbudạ 11:10

Probhu Isorakʼ gokʼakʼ lekate Dạud jemon goṭa disạm cetanre acʼakʼ ạidạriye teṅgo daṛeakʼ ona lạgitʼ daṛean hoṛko modre okoe mukhiyạko tahẽkan onko do sanam Israelko soṅgekate uni secʼko hoyente uniyakʼ raj daṛeko keṭecʼketʼtaea. Onko daṛean hoṛkoakʼ katha do noa kana: Jasbiam ńutuman Hokmoniạkoren mitʼṭen hoṛe tahẽkan uni do “Pe gel” ńutuman bir banṭaren mukhiyại tahẽkana. Uni do mitʼ dhao borlomte pe sae hoṛe sobokʼ gocʼletʼkoa.

1 Rapajko 22:41

Israelren raj Ahabakʼ rajokʼ ponakʼ bochorre Asaren hopon Jehosaphat do Jihudạren raje hoylena.

1 Samuel 23:16

Unre Sạulren hopon Jonathan do Horesre Dạud ṭhen hecʼkate Isor cetanre bhorsakʼ reakʼe udgạukedea.

2 Bõsbudạ 17:2

Uni do Jihudạ reakʼ sanam pạcrite esetʼ nagraha ar atokore lạṛhại phạdkoe dohoketʼkoa ar Jihudạ disạm ar uniren apate dokholan tahẽkan Ephrayim reakʼ atoko ar nagrahakore hõ lạṛhại phạdkoe dohoketʼkoa.

2 Rapajko 1:17

Eliạ hotete Probhu Isor okaṭakʼ kathae roṛketʼ ona lekage Ahasiạ doe gocʼena. Ahasiạren do cele hoponge bako tahẽkante uniyakʼ jaegare Jehorame rajena. Jihudạren raj Jehosaphatren hopon Jehoramakʼ rajokʼ dosar bochorre uni do raje hoylena.