2 Bõsbudạ 16:8 - সান্তালী বাইবেল

⁸ Kusrenko ar Lubiạko do ḍher rãt gạḍiko ar aswariko sudhạge cetʼ bako tahẽkana. Unre am do Probhu Isor cetanre bhorsa akanem tahẽkante uni do amakʼ tireye jimạkatʼkoa.

2 Bõsbudạ 16:8 Referans Kwoze

2 Bõsbudạ 12:3

Sisak sãote do gelbar sae rãt gạḍiko, turui gel hajar aswariko ar alekha Lubiren, Sukiren ar Kusiren lạṛhại phạdko do Misor khonko hecʼlena.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

2 Bõsbudạ 13:16

Jihudạ samaṅ khon Israelko doko dạṛkeda ar Isor do Jihudikoakʼ tireye jimạkatʼkoa.

2 Bõsbudạ 13:18

Nonkate Israelren hoṛko doko bhagao ocoyena, ar Jihudạren hoṛ doko jitạuena, ente onko do akoren hapṛamkoren Probhu Isor cetanreko bhorsalena.

2 Bõsbudạ 24:24

Jihudạren hoṛko do akoren hapṛamkoren Probhu Isorko bạgiyade tahẽkante Aramren lạṛhại phạdko do thoṛageko tahẽkanre hõ Probhu Isor do maraṅ lạṛhại phạdko onkoakʼ tireye jimạkatʼkoa. Nonkate Aramrenko hotete Joas doe sạjại ocoyena.

Jesaea 18:2

Ona disạm do dakʼ cetante pạṭiolte benaoakʼ lạukạte pathaonakoe koletʼkoa. E coṭkar paṭhaonako, okoe jạtren hoṛko doko usulge arko cĩkạ̃ṛge ar boṅgan jạtrenkanko, ar okoe jạtrenko do sor ar sạṅgińren hoṛko botorako, ar okoe daṛean jạtrenko do eṭakʼkoko lebetʼ gasmanḍaoetʼko ar okoekoakʼ disạm do gaḍa ar soḍokʼkote hạṭińge, ape do onko ṭhen ruạṛ calakʼpe.

Nạhum 3:9

Kus ar Misor do asambheṛ daṛekin emaekan tahẽkana; uniren gateko modre Puṭ ar Libia hõkin tahẽkana.

2 Bõsbudạ 14:8

Jihudạ gusṭiwakʼ ṭoṭhare Asa rajren do ḍhal ar borlom akʼsen lạṛhại phạdko do pe lakh hoṛko tahẽkana, ar Benjạmin gusṭi reakʼ ṭoṭhare do ḍhal ar akʼ sar sasapʼko bar lakh irạlgel hajar lạṛhại phạdko tahẽkana. Noko sanamkoge bir baṅṭako tahẽkana.