2 Bõsbudạ 16:6 - সান্তালী বাইবেল

⁶ Unre Asa raj do Jihudạren sanam hoṛkoe ạguketʼkote Basa okako dhiri ar kaṭko beoharetʼ tahẽkan onako do Rama khone idikeda. Onakote uni do Geba ar Mispare gaṛ lekae benaokeda.

2 Bõsbudạ 16:6 Referans Kwoze

Sakariạ 14:10

Goṭa dhạrtige Araba reakʼ tapol ot leka hoyokʼa, Geba khon Jerusalem dạkhin secʼre menakʼ Rimon hạbicʼ, menkhan Jerusalem do usulrege tahena. Benjạmin reakʼ phaṭok duạr khon pạhilakʼ phaṭok duạr ar konac reakʼ phaṭok duạr hạbicʼ ar Hannanelakʼ usul pahra oṛakʼ khon rajakʼ darkha lelen ṭhạ̃i hạbicʼ goṭa nagraha do ṭhikge tahena.

Jesaea 10:29

Onko do buru sinit (giripoth) paromkateko hecʼakana, “Abo do Geba ṭhen ḍerakate bon tahẽ aṅgakʼa.” Onate Rama do thar tharaokʼ kana, Sạulakʼ Geba khon hoṛko doko ńir joṅkana.

2 Bõsbudạ 21:17

Onko do Jihudạrenko akromonketʼkoa ar onḍe bolokate raj oṛakʼ reakʼ sanamakʼ jinisko, Jehoramren hoponko ar uniren bạhukoko bondi idiketʼkoa. Uniren huḍińicʼ hopon Jehoahas chaḍa ar celege bako sarecʼlena.

1 Bõsbudạ 6:60

Benjạmin gusṭiren jaegako khon doko emocoyena Geba, Alemet, Onathot ar onako beṛhaeteakʼ janwar ạtiń ṭạnḍiko. Jotote gelpe nagraha ar ato do Kohat bõsrenko talareko hạṭińatʼkoa.

1 Rapajko 15:22

Ona tayom Asa raj do Jihudạren sanamko cetanre hukume emkeda, ar okoe hõ bae badletʼkoa. Onate hoṛko do Ramare Basae beohar akatʼ dhiri ar sanam kaṭko idikeda. Ar Asa raj do onakote Benjạmin reakʼ Geba ar Mispa gaṛ lekae benaokeda.

1 Samuel 10:17

Tayomte Samuel do Mispare Probhu Isor samaṅre Israelkoe hoho jarwaketʼkoa.

1 Samuel 7:16

Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.

1 Samuel 7:6

Onate onko joto do Mispareko jarwayena. Onko do dakʼ lo rakapʼkate Probhu Isor samaṅreko dulkeda ar enhilokʼ onḍe upạskateko menkeda, “Ale do Probhu Isor upạrtele kại akada.” Samuel do Mispa khon Israelkoakʼe bicạretʼkan tahẽkana.

1 Rapajko 15:16

Asa ar Israelren Basa raj do jiwetʼ bhor ạkin talarekin lạṛhại kan tahẽkana.

2 Bõsbudạ 16:5

Basa do niạ kathae ańjomketʼ khan Ramare gaṛ nagraha benaoe thirena.

2 Bõsbudạ 16:7

Onako dinre ńeńelicʼ Hanani do hecʼkate Jihudạren Asa raje metadea, “Amren Probhu Isor cetanre bhorsa baṅkate am do Aramren raj cetanrem bhorsalente Aram rajren lạṛhại phạdko do amakʼ ti khonko puskucʼena.

Jirimiạ 40:6

Unre Jirimiạ do Mispate Ahikamren hopon Gedaliạ ṭhen senkate disạmren sarecʼ hoṛko talareye tahẽyena.