2 Bõsbudạ 16:4 - সান্তালী বাইবেল

⁴ Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Onko do Ison, Dan, Abel-mayim ar Napthali atoko reakʼ sanam murại nagrahakoe hatkeda.

2 Bõsbudạ 16:4 Referans Kwoze

2 Bõsbudạ 17:12

Jehosaphat do onkate artetʼgeye daṛe idiyena. Uni do Jihudạ disạmre adomakʼ gaṛko ar murại nagrahakoe benaokeda.

2 Bõsbudạ 8:6

Uni do Balat nagraha ar ona reakʼ joto do gola nagrahae benaokeda ar rãt gạḍiko ar aswariko lạgitʼ hõ mitʼ bar nagrahakoe benaokeda. Jerusalemre, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona sanamakʼkoe benaokeda.

1 Rapajko 15:20

Asa rajakʼ kathate Benhadad doe rạjiyena ar Israelkoakʼ ato ar nagrahako upạrte acʼren subedarkoe kolketʼkoa. Uni do Ison, Dan, Abel-Betmaka ar goṭa Kinerot ar ona sãoteakʼ Napthali ṭoṭhae hatkeda.

1 Rapajko 9:19

acʼakʼ sanam gola-nagrahako ar rãt gạḍiko ar aswariko lạgitʼ nagrahakoe benaokeda, metakʼme, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona do jotogeye benaokeda.

Bikʼcạrko 20:1

Inạ tayom Gileadren Israelko ar Dan khon Ber-seba hạbicʼ sanam jaegaren hoṛko oḍokʼ hecʼena ar Mispare Probhu Isor ṭhenko jarwayena.

Exodus 1:11

Onate Misorrenko do gokʼ bhạriạ hotete santaoko lạgitʼ onko cetanre sordarko bahalketʼkoa. Ar Pharaoakʼ phosol jarwae lạgitʼ Israelko hotete Pitạm ar Ramesh noa barea murại nagrahako benaokeda.

Genesis 14:14

Abram do tinreye ańjomkeda, acʼren sor peṛa do onko rajko sapʼ idiakadea unre uni do acʼren pesae irạl gel gạkhuṛ lạṛhại gutikoanteye oḍok calaoena ar Dan nagraha hạbicʼ bạirikoe khudạu idiketʼkoa. Noko gutiko do acʼakʼ oṛakʼregeko janamlena.

2 Patras 2:15

Onko do Beor hopon Biliamakʼ hor secʼko mohnḍa akana. Biliam do bạṛicʼ kạmi reakʼ kuṛại ńam lạgitʼe menleda,

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

2 Bõsbudạ 16:3

“Ińren ạpuń ar amren ạpum leka dela, alaṅ hõ mitʼṭecʼ laṅ bandhaokakʼrege. Iń do sona ar rupạko dan lekateń kolatʼmea. Am do ńitokʼ Israelren raj Basa sãote okaṭakʼem bandhao akatʼ ona baṛe rạpudme, enḍekhan uni do iń ṭhen khone ruạṛ calakʼa.”

2 Bõsbudạ 16:5

Basa do niạ kathae ańjomketʼ khan Ramare gaṛ nagraha benaoe thirena.

Jesaea 9:1

Menkhan lahate okoe do gạr ar muhinreko tahẽkan onko do ńutre ar bako tahena. Lahateakʼ dinkore Isor do Sebulon ar Napthali ṭoṭhae copotʼ ocoleda, menkhan tayom daram dinkore jalapuri aṛeteakʼ hor khon ehopʼkate Jordan gaḍa purub aṛe reakʼ ṭoṭha boṅgan hoṛ jạtrenkoakʼ Gạlil hạbicʼe manot ocoya.

2 Rapajko 16:9

Asurren raj doe rạjiyena ar uni do Dameseke akromonketʼte onae hatkeda. Ar onḍenko hoṛkoe bondi idiketʼkoa ar Resin doe gocʼkedea.