2 Bõsbudạ 15:8 - সান্তালী বাইবেল

⁸ Asa do niạ katha ańjomkate, metakʼme Obedren hopon Asariạwakʼ nạbi katha ańjomkate dil hecʼadea. Uni do Jihudạ ar Benjạmin reakʼ goṭa ṭoṭha khon ehopʼkate ar acʼe ạidạriyan tahẽkan Ephrayim buru ṭoṭha reakʼ atoko ar nagrahako khon hirkhạwan murhutʼ boṅgakoe marao giḍikatʼkoa. Uni do Probhu Isorakʼ oṛakʼ reakʼ pinḍạ samaṅre dohoakan Probhu Isorakʼ pinḍ do arhõe benao arokeda.

2 Bõsbudạ 15:8 Referans Kwoze

2 Bõsbudạ 13:19

Abia do Jerobiame khudạukedea ar uni ti khon Bethel, Jesana ar Ephron nagraha ar ona aḍepase reakʼ ṭoṭhakoe hatkeda.

2 Bõsbudạ 8:12

Koejoṅ oṛakʼ reakʼ pinḍạ samaṅre Solomon do Probhu Isorakʼ oka pinḍe benaoletʼ tahẽkan ona cetanre Probhu Isorakʼ ńutumte jeredokʼ samaṅokʼakʼ porobe porobokʼkan tahẽkana.

2 Bõsbudạ 4:1

Solomon do bargel moka jeleń, bargel moka osar ar gel moka usul mitʼṭecʼ pitạl reakʼ pinḍe benao ocokeda.

1 Patras 4:3

Okoe Isor bako baḍae akade onko leka ape hõ lahate umtạ umti, bạṛicʼ sana, ńũ bhuteṛokʼ, rij roṅ, matalokʼ, ar hirkhạwakʼ boṅga sewarepe taṛametʼ tahẽkana.

Aposkạmi 28:15

Onḍenko biswạsi boehako do aleakʼ hijukʼ reaṅko ańjom akatʼ tahẽkana. Ar horte ale sãote soṅgekʼ lạgitʼ onkoren adomko do Appius Haṭ, ar adomko do Pe Sạrại ato hạbicʼ ale daramko oḍok hecʼena. Khan noko hoṛko ńelte Pạul do Isore sarhaokedea ar acʼ hõ monre udgạue ńamkeda.

Jeheskel 8:10

Onate iń do bhitrite bolokateń beṅgetʼ ạcurkeda ar bhit reakʼ sanam ṭhạ̃ire leńokʼkan jiwiyanko ar besapha janwarko ar Israelren sanam boṅga muṭhạnko ol caṛhao akan iń ńelkeda.

Jirimiạ 16:18

Onkoakʼ dusṭạmi ar kại gunạkʼte onko do doboṛageń hala ruạṛakoa, ente ińakʼ disạm doko bhonḍ akada ar akoren dhiri murti ar boṅga muṭhạnkote ińakʼ ona ạidạriko tuhetʼ akada.”

Jesaea 65:4

Onko do topakoreko ikṛum baṛaekana ar danaṅ ṭhạ̃ireko tahẽ aṅgakʼkana; onko do sukri jelko jomeda ar bespha jel reakʼ suṛạ hõ onkoakʼ celaṅre tahenkana.

Jesaea 44:14

Okoe do debdạru dareye makʼeda, ar okoe do tirsạ dare se mitʼṭecʼ elon dareye bachao joṅkana. Uni do bir reakʼ dare sãote onae hara ocowakʼkana, ar baṅkhan debdạru dareye rohoe joṅkana ar serma dakʼ do onae hara ocoyeda.

2 Bõsbudạ 29:18

Ona tayom onko do Hiskiạ raj ṭhen senkateko menkeda, “Ale do jeredokʼ samaṅokʼakʼ reakʼ pinḍ ar ona reakʼ bhajanko ar samaṅakʼ piṭhạ dohowakʼ ṭebil ar ona reakʼ jotowakʼ jinisko seletʼ Probhu Isorakʼ oṛakʼle sapha akada.

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

2 Rapajko 23:13

Jerusalem purub secʼ dhaṅ dhaserakʼ buru reakʼ dạkhin secʼre okako than boṭkocʼ tahẽkan onako hõ uni doe bhõnḍ ocokeda. Israelren raj Solomon do Sedonikoren Astoret debota lạgitʼ, Moabikoren Kemos debota lạgitʼ ar Amonren Melok debota lạgitʼ niạko than boṭkocʼ doe benaoleda.

2 Rapajko 18:22

Menkhan aperen Probhu Isor cetanrepe bhorsakʼ kana mentepe mitạń, enḍekhan uni do cetʼ uni Isor doe baṅkana one uniyakʼ than boṭkocʼko ar pinḍko Hiskiạ doe marao giḍiakatʼtae ar one Jihudạ ar Jerusalemren hoṛkoe metakokan Jerusalem reakʼ pinḍ samaṅrege dewa sewae hoyokʼtakoa mente?

2 Rapajko 16:14

Ar Probhu Isor samaṅre dohoakan pitạl reakʼ pinḍ do Probhu Isorakʼ oṛakʼ ar nãwã pinḍ reakʼ tala khon ocokʼkate nãwã pinḍ reakʼ utạr secʼreye dohokeda.

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

1 Rapajko 11:5

Uni do Sidonikoren debota Astoret ar Amonikoren debota Milkom sewawạkine ehopʼena.

Dosar Biboron 27:15

‘Onko hoṛ doko sarapangea, okoe do chãńchre dulakʼ muṭhạnko, kaṭren se dhiriren murhutʼko rokʼ benaoetʼko ar sewawako lạgitʼ danaṅ ṭhạ̃ireko dohoyetʼko. Noko sanam murhutʼko do Probhu Isor ṭhen hirkhạwan jinis kanako, ar eken kạrigolakʼ titegeko benao akana.’ Unre sanamkoko mena, ‘Amen.’

Levitikus 18:30

Ińakʼ hukumko senakʼpe ar onḍe seṭerkate lahaten hoṛko leka do alope colona. Ar noako kạmikate alope besapha ocokʼa. Ar iń kangeạń aperen Probhu Isor do.”

2 Bõsbudạ 17:2

Uni do Jihudạ reakʼ sanam pạcrite esetʼ nagraha ar atokore lạṛhại phạdkoe dohoketʼkoa ar Jihudạ disạm ar uniren apate dokholan tahẽkan Ephrayim reakʼ atoko ar nagrahakore hõ lạṛhại phạdkoe dohoketʼkoa.

2 Bõsbudạ 19:4

Jehosaphat do Jerusalemreye girobasokʼ kan tahẽkana. Uni do Ber-seba khon ehopʼkate Ephrayim reakʼ buru ṭoṭha hạbicʼ hoṛko ṭhen senkate onkoren hapṛamkoren Probhu Isor secʼ arhõ mone ruạṛketʼtakoa.

Bikʼcạrko 10:16

Inạ tayom onko talare tinạkʼ debotako tahẽkan onko jotoko ocokʼ giḍikatʼkoa ar Probhu Isor sewawaeko ehopʼena. Israelkoakʼ kosṭo ńelte Probhu Isor do monre duke ńamkeda.

1 Rapajko 15:9

Israelkoren raj Jerobiamakʼ rajokʼ bargel bochor oktere Asa do Jihudạren raje hoyena.

Mathae 25:16

Ado okoe mõṛẽ hajar ṭakae ńamletʼ uni do onateye bạnij beparketʼte arhõ mõṛẽ hajar ṭakae labkeda.