2 Bõsbudạ 15:7 - সান্তালী বাইবেল

⁷ Menkhan ape do daṛeanko hoyokʼpe, ar alope as chuṭạukʼa, ente kạmi reakʼ kuṛại dope ńamgea.”

2 Bõsbudạ 15:7 Referans Kwoze

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

Josuạ 1:7

Daṛean hoyokʼme ar dil dohoyme. Ińren guti Mose okako ạn-ạrikoe em oṭoakatʼ onako moneyakʼme ar dohoyme ona khon thoṛa hõ alom hante natekʼa. Ar onate jãhãregem calakʼ onḍege sarhekʼtama.

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

1 Bõsbudạ 28:20

Dạud do acʼren hopon Solomon noa katha hõe metadea, “Daṛean hoyokʼme, ar dil dohoyme ar kạmime. Ar alom botorokʼa, ar alom hadosokʼa, ente Probhu Isor, do am sãoreye menaea. Probhu Isorakʼ sekʼwa kạmi lạgitʼ sekʼwa oṛakʼ ạuri benao sạtokʼ hạbicʼ uni do bae aṛakʼmea se bae bạgiyama.

2 Johan 1:8

Ape do sontor akae tahenpe, jemon apepe kạmiakatʼ reakʼ kuṛại purạtepe ńam daṛeakʼ.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Sereńko 58:11

Ona ńelte hoṛkoko mena, “Isor botoraekan hoṛkoakʼ jionre sạri kuṛại do menakʼgea; sạrige eken mitʼ goṭen Isorge menaea one uni dhạrtirege bạṛicʼkoe bicạrko.”

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Kolossiko lạgitʼ Pạul Apostolakʼ ciṭhi 3:24

entepe baḍaegea, Probhu Isor do acʼren hoṛko lạgitʼ okae dohoakatʼ onage kuṛại lekate uni ṭhen khonpe ńama. Ar ape okoe ṭhenpe khaṭaokʼkan uni doe Probhu Jisu kana.

Rut reakʼ kạhini 2:12

Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

1 Korinthiko 3:8

Rohoeyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

1 Korinthiko 3:14

Okoe okaṭakʼe benao akatʼ onage ṭikạu tahentae khan enḍekhan uni do kuṛạiye ńama;

Mathae 6:6

Menkhan amem koejoṅre bhitri oṛakʼre bolokate duạr sińme, ar amren Baba, okoe do bae ńelokʼkanre hõ hạjirge menae, uni ṭhen koejoṅme. Enḍekhan amren Baba okoe do danaṅ khon jotowakʼe ńeńel kan, unige kuṛạiye emama.

Mathae 6:4

Jemon amakʼ dan emokʼ do okoge tahentam. Enḍekhan okoe danaṅ khon jotowakʼe ńeńelkan uni amren Baba do kuṛạiye emama.

Sereńko 27:14

Ape do Probhu Isor cetanre as dohojoṅpe; monre daṛe ar dil baṛe dohoytape ar Probhu Isorre as akae tahenpe.

Mathae 5:46

Okoe apeko dulạṛetʼpe eken onkogepe dulạṛetʼko khan enḍekhan cetʼ kuṛại menakʼtapea? Mạsul uṭhạuko hõ cetʼ bako onkayeda?

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Mathae 6:18

jemon eṭakʼko aloko baḍae daṛeakʼ, am dom upạsetʼ kana. Enḍekhan amren Baba okoe do bae ńelokʼkanre hõ hạjirge menae ar danaṅ khon jotowakʼe ńeńelkan unige kuṛạiye emama.

Mathae 6:1

“Husiạrokʼpe, hoṛ ṭhen ńel ocokʼ leka do alope dhorom koroma; arpe onkae khan aperen sermaren Baba ṭhen khon jãhãn kuṛại do bape ńama.

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Sereńko 19:11

Ona do amren golame sontorede kana, ar ona manao lekhan ḍher lab hoyokʼa.

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Josuạ 14:14

Ar enhilokʼ khon Hebron do Kenisiren Jephun hopon Kalebakʼ ạidạrire menakʼa, ente uni do Israelren Probhu Isorakʼ katha purạteye manaoleda.

2 Bõsbudạ 19:11

“Probhu Isor do sanamakʼre maraṅ naeke Amoriạ ar rajakʼ jotowakʼre Jihudạ gusṭiren mukhiyạ Ismael ren hopon Sebadia do ape cetanrekin bahal ocoyena, ar Liwiko do apeko goṛowapea. Ape do dil salakʼpe kạmiya. Ar okoe dhorom reakʼe kạmi Probhu Isor do uni sãotegeye tahena.”

2 Bõsbudạ 32:7

“Ape do daṛean ar dilanko hoyokʼpe. Ạsurren raj ar uniren saṅge lạṛhại phạdko ńelte alope botorokʼa se alope hadosokʼa, ente uni sãote okoe menakʼko onko khon abo soṅgete okoe menae uni do arhõe maraṅgea.

Jirimiạ 31:16

Thirokʼme alom raga ar mẽtʼ dakʼ jodtam, ente amakʼ kạmi reakʼ kuṛại dom ńamgea. Onko do bạirikoakʼ disom khonko ruạṛ hijukʼa.

Sakariạ 8:9

“Iń phạdkoren Probhu Isorgeń meneda, ińakʼ oṛakʼ benao lạgitʼ rehetʼ bạisạu jokhecʼ nạbiko do ona kathageko roṛleda, ar ńitokʼ ape do inạ kathagepe ańjomeda; onate ape do daṛeanko hoyokʼpe.