2 Bõsbudạ 15:6 - সান্তালী বাইবেল

⁶ Mitʼ jạtrenko do eṭakʼ jạtrenko cetanre, mitʼ nagraharenko do eṭakʼ nagraharenko cetanre bạṛicʼ lạgitʼko kurumuṭukan tahẽkana, ente Isor ạḍi lekan be bhạlại iạteye kosṭoyetʼko tahẽkana.

2 Bõsbudạ 15:6 Referans Kwoze

Mark 13:8

Mitʼ jạtko do eṭakʼ jạtko upạrte, ar mitʼ rajosṭi do eṭakʼ rajosṭi upạrteko lạṛhạiya; ar aema jaegare dhạrti laṛaokʼa ar akal hoyokʼa. Menkhan noako do eken saset reakʼ etohopʼ kana.

Mathae 24:7

Mitʼ jạtrenko do eṭakʼ jạtrenko upạrte ar mitʼ rajosṭi do eṭakʼ rajosṭi upạrteko lạṛhạiya. Jaega jaegakore akal hoyokʼa ar dhạrti laṛaokʼa.

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Jesaea 10:6

Uni do Isor baṅ botorae kan mitʼ jạtrenko upạrteń kolekana ar okoe ińko khĩs ocoakadiń onko upạrteń kolekana jemon uni do luṭ are recʼko ar hor reakʼ losotʼ lekae lebetʼ gańjao daṛeako.

Sereńko 106:41

Uni do eṭakʼ jạtrenkoakʼ tireye soprotkatʼkoa; ar onkoko kurudakokan hoṛ do onko cetanreko mạlikena.

2 Bõsbudạ 36:17

Onko upạrte Probhu Isor do Babelren raje ạgukedea. Uni raj do mundil oṛakʼre onkoren juạnkoe gocʼketʼkoa, uni do juạn kuṛi ar koṛako, haṛamko se umerte laha akanko okoege bae mãyãwatʼkoa. Isor do onko sanamkoge uni rajakʼ tireye jimạkatʼkoa.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

2 Bõsbudạ 13:17

Abia ar uniren hoṛko do ạḍi utạr hoṛko gocʼketʼkoa. Onate Israelkoren bachao akan hoṛko mod khon mõṛẽ lakh hoṛko gocʼena.

2 Bõsbudạ 12:15

Rehobiamakʼ eṭakʼ eṭakʼ kạmi reakʼ katha etohopʼ khon mucạtʼ hạbicʼ do Semaya nạbiyakʼ olakʼ kana ar ńeńelicʼ Eddowakʼ olakʼ bõs tạlikare hõ ol menakʼa. Rehobiam ar Jerobiam talare do jaoge lạṛhại hoyokʼkan tahẽkana.

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Jirimiạ 25:32

Phạdkoren Probhu Isore meneda, “Ńelme, mitʼ jạtrenko khon ar mitʼ jạtrenko cetanre muhin do pasnao akana; dhạrti reakʼ ses simạnako khon mitʼṭecʼ birbão hoe do rakapʼakana.”

Jesaea 19:2

Probhu Isore meneda, “Iń do Misorren hoṛkoge Misorren hoṛko upạrteń uskurkoa; onate boeha do boeha upạrte, aḍepaseren hoṛ do aḍepaseren hoṛko upạrte, nagraharen hoṛ do nagraharen hoṛko upạrte, ar rajosṭiren hoṛ do rajosṭiren hoṛko upạrteko lạṛhạiya.

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.