2 Bõsbudạ 15:4 - সান্তালী বাইবেল

⁴ Menkhan duk reakʼ dinre onko do Israelren Probhu Isor secʼko ạcurente uniyakʼ monejoṅakʼ baḍaeko khojkeda arko baḍaekeda.

2 Bõsbudạ 15:4 Referans Kwoze

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

2 Bõsbudạ 15:15

Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.

Hosea 6:1

Dela, abo do Probhu Isor ṭhen bon ruạṛ calakʼa. Unigeye or cirạ akatʼbona, ar unigeye boge bona; unige abo doe ghạl akatʼbona, ar unige aboakʼ ghaokoe bedhaokata bona.

Romiko lạgitʼ Pạul Apostolakʼ ciṭhi 10:20

Ona tayom Jesaea do arhõ murukteye menakada, “Onko ṭhengeń tahẽkana, menkhan jãhãn goṛo ńam lạgitʼ iń ṭhen do bako hecʼlena. Iń do onko hoṛko nehõrokʼ lạgitʼ ạtiń ematʼko tahẽkana, menkhan iń ṭhen do cetʼge bako arojlakʼa.”

Sereńko 106:44

Enhõ uni do onkoakʼ rakʼjoṅ iạteye beṅgetʼatʼkoa.

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 33:12

Ar Manase do muhinreye paṛaoen khan uni do acʼren Probhu Isor ṭhen dayae khojkeda ar acʼren hapṛamkoren Isor samaṅreye nindhạnena.

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

Jesaea 55:7

Bedhorom hoṛ do acʼakʼ hore bạgiyakʼma ar dusṭạmi hoṛ do acʼakʼ sanam hudisakʼkoe bạgiyakʼma. Uni do Probhu Isor secʼe ạcur ruạṛokʼma, inạkhan uni cetanre Probhu Isor doe mãyãkʼa; aboren Isor secʼgeye ruạṛ ma, ente uni do asambheṛe ikạitaea.

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.