2 Bõsbudạ 15:2 - সান্তালী বাইবেল

² Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 15:2 Referans Kwoze

Jakob 4:8

Isor ṭhen sorokʼpe, enḍekhan uni hõ ape ṭhene sorokʼa. E kạiyanko, ape do apnartege saphakʼpe. E bar monan hoṛko, apeakʼ ontor baṛe khạṭi dohoype.

2 Bõsbudạ 24:20

Unre Isorren jiu do Jehoyada naekeren hopon Sekariạ cetanreye decʼena. Uni do hoṛko samaṅre teṅgoyenteye menkeda, “Isor do niạ kathae meneda, ‘Probhu Isorakʼ hukum do cedakʼpe bemanot akada? Ape do bape jo bahakʼa. Ape do Probhu Isorpe bạgi akadete uni hõ apeye bạgi giḍi akatʼpea. ”

2 Bõsbudạ 15:4

Menkhan duk reakʼ dinre onko do Israelren Probhu Isor secʼko ạcurente uniyakʼ monejoṅakʼ baḍaeko khojkeda arko baḍaekeda.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Ibriko 10:38

Okoe hoṛ dhorom menteń ataṅ akade uni do pạtiạu hotetege jione ńama; menkhan jãhãegeye ruạṛ calakʼ enḍekhan unire do kusi bạń tahena.”

2 Bõsbudạ 15:15

Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

2 Bõsbudạ 20:15

Jahasiyele menkeda, “E Jehosaphat raj ar okoe do Jihudạ ar Jerusalemrepe girobasokʼ kan, ape sanamkoge ańjompe. Probhu Isor do ape ṭhen niạ kathae roṛeda, ‘onko maraṅ lạṛhại phạdko ńelte alope botorokʼa se alope as chuṭạukʼa. Niạ lạṛhại do apeakʼ do baṅ kana, Isorakʼ kana.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

2 Rapajko 21:14

Ińren hoṛkoren sarecʼ hĩsko doń bạgi oṭoakoa ar bạirikoakʼ tireń jimạkoa. Onkoren sanam bạiriko do onkoakʼko luṭtakoa ar jotowakʼ jor julumkateko idiy takoa,

Mathae 13:9

Ado phene lại mucạtʼketʼ khan Jisui menkeda, “Ańjom lạgitʼ lutur menakʼtaeicʼ doe ańjomma.”

2 Bõsbudạ 13:4

Abiạ do Ephrayem reakʼ buru ṭoṭhare Semarayim buru cetanre teṅgoyenteye menkeda, “Jerobiam ar Israelren sanam hoṛko, ińakʼ katha ańjompe.

Johan sodor 2:11

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente. “Jitạukʼicʼ do dosar gujukʼte ohogeye hạ̃nlena.

Johan sodor 2:7

“Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente! Jitạukʼicʼ do Isorakʼ Parades reakʼ jion dare reakʼ joyiń jom ocoyea.

Jesaea 7:13

Menkhan Jesaeae menkeda, “Dạud bõsren hoṛko, ańjompe. Manwawakʼ sombhuri biḍạu aṭkar do cetʼ baṅ ḍhera? Ape do cetʼ ińren Isorakʼ sombhuripe biḍạutaea?

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

Johan sodor 3:22

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana mente.”

Johan sodor 3:13

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metako kana mente!

Johan sodor 3:6

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente.

Johan sodor 2:29

Ańjom lạgitʼ lutur menakʼtae hoṛ doe ańjom ma, sonot Jiu do manḍerrenko cetʼe metakokana mente.

Johan sodor 2:17

Ańjom lạgitʼ lutur menakʼtae hoṛ doe ańjomma, sonot Jiu do manḍerrenko cetʼe metakokana. Ar okoeye jitạukʼ uni do okoakatʼ Manna khon thoṛa Manna ar mitʼṭecʼ ponḍ dhiriń emaea. Ona dhiri cetanre mitʼṭecʼ nãwã ńutum ol tahena one okoehõ ona do bako baḍaekan, eken okoe onae ńam unigeye baḍae daṛeakʼa.

Bikʼcạrko 9:7

Ar Jotham do noa kathako lạiyade khan uni do Gerisim buruteye rakapʼente ãṭ aṛaṅte hoṛkoe metatʼkoa, “Sikemren hoṛko, ińakʼ katha ańjompe, inạkhan Isor hõ apeakʼ kathae ańjoma.

2 Bõsbudạ 33:12

Ar Manase do muhinreye paṛaoen khan uni do acʼren Probhu Isor ṭhen dayae khojkeda ar acʼren hapṛamkoren Isor samaṅreye nindhạnena.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Josuạ 22:31

Ar naeke Eleasarren hopon Phinehas do onkoe metatʼkoa, “Teheńle bujhạu daṛeakʼkana, Probhu Isor do abo sãorege menaea, ente niạ ape do Probhu Isor upạrte bepạtiạrakʼ do bape kạmi akada. Ape do Probhu Isorakʼ ti khon Israel hoponkope rukhiyạketʼkoa.”

1 Rapajko 18:18

Eliại menkeda, “Iń do jạnum doń baṅkana, menkhan am ar ạpum bõsren hoṛge Israelren jạnum kanape. Ape do Probhu Isorakʼ hukum bạgikate Bakʼal debotape sewawae kana.

2 Bõsbudạ 12:5

Semaya nạbi do unre Rehobiam ar Jihudạ mukhiyạko ṭhene hecʼena. Onko mukhiyạko do Sis botorte Jerusalemre hecʼkateko jarwalena. Semaya do onkoe metatʼkoa, “Probhu Isor do niạ kathae meneda, ‘ape dope bạgi giḍiakadińạ, ona iạte iń do ńitokʼ Sisakakʼ tireń jimạ akatʼpea.’ ”

2 Bõsbudạ 26:5

Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.

Esra 8:22

Horre aleren bạirikoakʼ ti khon ale rukhiyạle lạgitʼ raj ṭhen lạṛhại phạdko ar aswariko koeye doń lajaoena, ente ale do rajle metade tahẽkana, “Okoe do Isorakʼ sana lekako calakʼ onko mimitʼko cetanre uniyakʼ bhạlạiyanakʼ ti menakʼa, menkhan okoe uniko bạgiyae onko sanamko cetanre uniyakʼ edre do paṛaokʼa.”

Sereńko 34:4

Iń do Probhu Isoriń hohowadea, uni doe ańjomketʼtińạ; ar ińakʼ sanam botor khon uni doe bańcaokedińa.

Sereńko 53:2

Isor do serma khon latarte manwa secʼe beṅgetʼkeda; ar ńeljoṅe menana sạriyakʼ reakʼ ạkilte jãhãeko taṛameda se baṅa, menkhan okoe hõ Isorakʼ sana leka do bako calakʼ kana.

Jesaea 45:19

Iń do oko danaṅre hõ bạń roṛakada, ńut reakʼ disạmre hõ bạń roṛakada. Ar Jakobren bõsko hõ bạń men akawatʼkoa,, ‘ape do ạuṛiyakʼgepe ńam baṛayedińa.’ Iń Probhu Isor do hok reakʼ kathań roṛeda; ar oka sạriạkʼkan onageń lại jạhireda.

Numeri 14:42

Alope rakapʼ calakʼa, ente Probhu Isor do ape soṅgere bạnuiya. Bạiriko ṭhenpe bhagao ocokʼa.

Numeri 14:43

Onḍe ape do Amalekiko ar Kananrenko samaṅrepe paṛaokʼa. Ar Probhu Isor khonpe sahaṛ akante uni do ape tulucʼ bae tahena. Onate ape do lạṛhạirepe gujukʼa.”

Dosar Biboron 4:29

Menkhan ape do aperen Probhu Isor secʼ monpe ạcurtapea ar onate unipe ńamea, tobe apeakʼ goṭa mon, goṭa jiwi ar ontorte unipe sendrayea.

Josuạ 24:20

Ar Probhu Isor bạgikate eṭakʼ Isorkope sewawako enḍekhan uni doe dea giḍikapea ar lahate leka bae bhạlạipea menkhan ape cetanre bạṛicʼakʼe paṛao ocoyte apeye marao cabapea.”

Bikʼcạrko 10:13

Menkhan ape do iń bạgikate debotakope sewawako kana, onate ar bạń bańcaopea.

1 Samuel 12:14

Ape do Probhu Isorpe botorae, arpe sewawae ar uniyakʼpe bataotaete uni upạrte bape taṛam, ar okoe apeye ḍanṭaope uni aperen raj ar aperen Probhu Isorakʼ sana lekape calakʼ, enḍekhan do bhagegea.

1 Samuel 12:15

Menkhan Probhu Isorakʼ bape batao ar uniyakʼ hukum upạrtepe taṛam, enḍekhan cetʼleka aperen hapṛamko sạjạiye ematʼko tahẽkan onkage ape hõe emapea.

1 Rapajko 11:25

Solomon tinạkʼ din jiwetʼe tahẽkan unạkʼ din Reson do Israelko sãote bạiriye tahẽkana ar onako dinre Hadad hõ Israelko upạrteye kạmikan tahẽkana. Israelko upạrte mitʼṭen bạiri menkate Reson do Aram disạmreye rajokʼkan tahẽkana.

2 Bõsbudạ 11:12

Uni do onako ato ar nagrahakore ḍhal ar borlomkoe dohoketʼte onako do ạḍiye kajakketʼa. Nonkate Jihudạ ar Benjạmin ṭoṭha do acʼ gobolre tahẽyena.

2 Bõsbudạ 33:11

Onate Probhu Isor do onko upạrte Ạsur rajren subedarkoe ạguketʼkoa. Onko do Manaseko bondikedea ar hoṛmore ạṅkusko lagaoadete pitạl reakʼ sikṛikoteko hạṛi paṭakateko idikedea.

Jesaea 51:1

Probhu Isore meneda, “Ape okoe do dhorompe khudạuetʼkan ar ińakʼ sana leka calakʼpe kurumuṭukan, ape do ińakʼ katha ańjompe. Okaṭakʼ dhiri khonpe makʼ totʼ akan ar oka khạn khonpe la totʼ ocoakan ona baṛe beṅgetʼakʼpe.

Jirimiạ 2:17

Amren Probhu Isor do ṭhik horteye idiyetʼme tahẽkanre unim bạgiyadete amtege cetʼ noako do bam ạgu akawana?

Amos 5:14

Ape jemonpe bańcao daṛeakʼ ona lạgitʼ bhageakʼko khudạupe, bạṛicʼakʼ do baṅa; enḍekhan cetʼlekape roṛ baṛae onkage sanam daṛeanicʼ Probhu Isor do sạrige ape sãoteye tahena.

Sakariạ 1:3

Ona iạte am do hoṛkom metakoa, phạdkoren Probhu Isore meneda, ‘iń ṭhen ruạṛ hijukʼpe, enḍekhan iń hõ apeń beṅgetʼapea.