2 Bõsbudạ 15:11 - সান্তালী বাইবেল

¹¹ Ar okako jinisko luṭ ạguletʼ onako mod khon un jokhecʼ onko do Probhu Isor ńutumte eae sae ḍaṅgra ar eae hajar bhiḍiko samaṅketʼkoa.

2 Bõsbudạ 15:11 Referans Kwoze

2 Bõsbudạ 7:5

Solomon raj do bargel bar hajar ḍaṅgra ar mitʼ lakh bargel hajar bheḍae samaṅketʼkoa. Nonkate raj ar sanam Israelko do Isorakʼ oṛakʼko uḍhạukeda.

2 Bõsbudạ 1:6

Unre Solomon do ona pitạl reakʼ pinḍ ṭhen senkate Probhu Isor samaṅre ona cetanre mitʼ hajar janwarkote jeredokʼ samaṅokʼakʼ porobe hoyocokeda.

1 Samuel 15:21

Ar ḍahao maraoakʼ jinisko khon lạṛhại phạdko do thoṛa mońj mońj ḍaṅgra ar bheḍako ạguakatʼkoa, jemon Gilgolre amren Probhu Isor ńutumte onkoko samaṅ daṛeako.”

1 Samuel 15:15

Sạule roṛ ruạṛkeda, “Onko do Amalekiko ṭhen khonko ạguakana. Amren Probhu Isor ńutumte samaṅokʼ lạgitʼ iạtege lạṛhại phạdko do mońj mońj ḍaṅgra ar bheḍako dohoakatʼkoa; tobe sarecʼakʼ jotowakʼ dole marao giḍi akada.”

Numeri 31:50

Onate ale mimitʼko do oka sona reakʼ bạjuko, balako, chapakʼ mundạmko, lutur reakʼ pagrako ar hoṭokʼ reakʼ malakole ńamakatʼ, ona do aleakʼ kại reakʼ puruchun lạgitʼte Probhu Isor ṭhen samaṅ lạgitʼle ạgu akada.”

2 Bõsbudạ 15:10

Asawakʼ rajokʼ gel mõṛẽakʼ bochor reakʼ tesarakʼ candore noko hoṛko do Jerusalemre hecʼkateko jarwayalena.

2 Bõsbudạ 14:12

Unre Asa ar Jihudạren hoṛko samaṅ khon Probhu Isor do Kusrenkoe ńẽtʼketʼkoa. Onate Kusren hoṛko doko dạṛkeda.