2 Bõsbudạ 14:7 - সান্তালী বাইবেল

⁷ Uni do Jihudạren hoṛkoe metatʼko tahẽkana, “Dela bon, noako ato beṛhaete pạcri bon benaoa ar onare usulge pahra oṛakʼ benaokate, phaṭok duạr ar huṛkạṛko bon benaoakʼa ar bon keṭeja. Disạm do ńit hõ aboakʼ tirege menakʼa, ente abo do aboren Probhu Isorakʼ sana leka bon calakʼ kana; onate joto secʼ khon uni do sulukreye doho akatʼbona.” Ar nonkate onko do jotowakʼ kạmireko jo bahayena.

2 Bõsbudạ 14:7 Referans Kwoze

1 Patras 3:12

Okoe dhorom horteko calakʼkan Probhu Isorakʼ mẽtʼ do onkore menakʼa, ar onkoakʼ koejoṅ ańjom lạgitʼ uniyakʼ lutur do jhicʼge menakʼtaea; menkhan okoe bạṛicʼakʼko kạmikan, Probhu Isor do onko upạrteye teṅgona.

2 Bõsbudạ 14:6

Disạmre suluk tahẽkante adom adomakʼ atoko doe pạcri esetʼ ocokeda. Onako oktere Asa tulucʼ do okoe hõ bako lạṛhạiylena, ente Isor do sulukteye doholedea.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Johan 9:4

Okoeye kol akadiń, uniyakʼ do siń tahenrege kạmi hoyokʼ tabona. Ńindạ daraekana unre okoe hõ bako kạmi daṛeakʼa.

2 Bõsbudạ 32:5

Hiskiạ do pạcri reakʼ joto rạputʼ akan hĩsko ar usul pahra oṛakʼkoe jut aro ocoketʼteye keṭecʼkeda. Ona chaḍa pạcri bahrete uni do ar mitʼṭecʼ bhite benaokeda ar Dạud nagraha reakʼ Miloye kajakkeda. Uni do ạḍi utạr khanḍa bhanḍa ar ḍhalkoe benao ocokeda.

2 Bõsbudạ 14:4

Uni do Jihudạren hoṛko akoren hapṛamkoren Probhu Isorakʼ sana leka senokʼ ar uniyakʼ ạn-ạriko ar hukumko manao idiy lạgitʼe metakokan tahẽkana.

2 Bõsbudạ 8:5

Uni do cetan reakʼ Bet-horon phaṭok duạr ar huṛkạṛakʼ pạcrikoe benaoketʼte onae keṭecʼkeda.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

2 Bõsbudạ 15:15

Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.

2 Bõsbudạ 20:30

Onate Jehosaphat raj do sulukteye tahẽyena, ente uniren Isor do sanam secʼtege suluke emade tahẽkana.

1 Rapajko 15:23

Asakʼ eṭakʼ eṭakʼ kạmiko, lạṛhạire jitạukʼ reakʼ katha, ar uni cetʼkoe cekaletʼ ar okako ato nãwãteye benao aroletʼ ona do “Jihudạ rapajkoakʼ Itihãs” ńutumanakʼ puthire ol menakʼa. Haṛam umerre Asa do jaṅgare mitʼṭecʼ rog ńamkedea.

2 Bõsbudạ 17:13

Uni do Jihudạ reakʼ nagrahakore aema jiniskoe jogao dohokada ar Jerusalemre do gạkhuṛ lạṛhại birkoe dohoketʼkoa.

2 Bõsbudạ 17:17

Benjạmin gusṭirenko khon namḍak birbanṭaren subedar Eliyada ar uniren akʼ sar ar ḍhal sasapʼ bar lakh lạṛhại birko;

2 Bõsbudạ 25:5

Amasiạ do Jihudạren sanam hoṛkoe hoho jarwaketʼkote bõsko lekate goṭa Jihudạ ar Benjạminren hoṛko mod khon hajarko cetanren subedarko ar saeko cetanren lạṛhại phạdkoren subedarko do gobolreye dohokatʼkoa. Uni do bargel bochor se arhõ bạ̃ṛti umerren hoṛko lekha kateye ńelketʼkoa, pe lakh hoṛ do lạṛhạite oḍok calakʼ leka menakʼkoa ar onko do borlom ar ḍhalko beohar daṛeakʼa.