2 Bõsbudạ 14:6 - সান্তালী বাইবেল

⁶ Disạmre suluk tahẽkante adom adomakʼ atoko doe pạcri esetʼ ocokeda. Onako oktere Asa tulucʼ do okoe hõ bako lạṛhạiylena, ente Isor do sulukteye doholedea.

2 Bõsbudạ 14:6 Referans Kwoze

2 Bõsbudạ 15:15

Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.

Jobakʼ 34:29

Hape akane tahẽlenre hõ okoege uni do bako dusi daṛelea; Mocae jhicʼletaere hõ uni do celege bako ńel ńamea. Enhõ uni do manwa ar jạtrenko cetanreye tahẽnkana,

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

Sereńko 46:9

Uni do dhạrti reakʼ joto lạṛhạiye thir ocoyeda, uni do akʼe rạputʼ kaca kucạyeda, ar borlom doe kaṭra kuṭrạyeda, ar rãt gạḍi do seṅgelreye atar giḍiyeda.

1 Rapajko 5:4

Menkhan ńitokʼ ińren Probhu Isor do joto secʼ khon sulukteye dohoakadińạ. Ar ńitokʼ do cele bạirige bạnukʼkotińa ar jãhãn ghoṭna hõ baṅ hoyakana.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

Bikʼcạrko 3:30

Ar enhilokʼ Moab disạm do Israelkoakʼ hatre hecʼena, ar irạlgel bochor hạbicʼ disạmre suluk tahẽyena.

Bikʼcạrko 3:11

Kenas hopon Othniyelakʼ gujukʼ hạbicʼ disạmre pon gel bochor suluk tahẽkana.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

2 Bõsbudạ 20:30

Onate Jehosaphat raj do sulukteye tahẽyena, ente uniren Isor do sanam secʼtege suluke emade tahẽkana.

1 Bõsbudạ 22:13

Probhu Isor do Mose hotete Israelko lạgitʼ okaṭakʼ ạn-ạri ar hukumkoe emakan onako jodi sontortem pańjae enḍekhan am dom khạṭigem jo-bahakʼa. Am do daṛeanicʼ hoyokʼme ar monre dil dohoyme. Alom botorokʼa se alom torasokʼa.

2 Bõsbudạ 26:5

Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.

2 Bõsbudạ 31:21

Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.

2 Bõsbudạ 34:3

Uniyakʼ rajokʼ irạlakʼ bochorre uniyakʼ umer komge tahẽkanre hõ uniren hapṛam Dạudren Isorakʼ sana leka calakʼ reaṅgeye mone murukkeda. Uniye rajokʼ gelbar bochor oktere uni do than boṭkocʼko, Asera muṭhạnko, lakʼ rokʼ murtiko ar dul benao murhutʼko Jerusalem ar Jihudạ khone sạṅgińketʼkoa.