2 Bõsbudạ 14:4 - সান্তালী বাইবেল

⁴ Uni do Jihudạren hoṛko akoren hapṛamkoren Probhu Isorakʼ sana leka senokʼ ar uniyakʼ ạn-ạriko ar hukumko manao idiy lạgitʼe metakokan tahẽkana.

2 Bõsbudạ 14:4 Referans Kwoze

Amos 5:4

Probhu Isor do Israelren hoṛkoe metakokana, “Iń ṭhen hijukʼpe, enḍekhanpe bańcaokʼa.

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

Nehemiạ 13:9

Ona tayom ińakʼ hukumte ona oṛakʼ iń sapha ocokeda ar Isorakʼ oṛakʼ reakʼ jinisko, jomakʼ samaṅokʼakʼ jinisko ar dhupko ạgukate arhõ onḍegeń dohokada.

2 Bõsbudạ 33:16

Ona tayom uni do Probhu Isorakʼ pinḍ arhõe jut arokeda ar ona cetanre helmel ar gun makʼnao samaṅokʼakʼe samaṅkeda. Uni do Jihudạren hoṛkoe hukumatʼkoa jemon onko do Israelren Probhu Isorko sewawae.

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

2 Bõsbudạ 29:30

Hiskiạ raj ar uniren gutiko do Dạud ar ńeńelicʼ Ashapakʼ joṛao akatʼ sereńate Probhu Isor ńutumte oṛhẽ sereń lạgitʼ Liwikoe hukumatʼkoa. Unre onko do kusite sarhao sereńko sereńkeda ar otre ombakʼkateko sewawadea.

2 Bõsbudạ 29:27

Ona tayom Hiskiạ do pinḍ cetanre jeredokʼ samaṅokʼakʼ porob reakʼe hukumkeda. Ar niạ samaṅokʼakʼ porob ehopʼen khan Probhu Isor ńutumte sereń hõko sereńkeda ar ona sãote Israelren raj Dạudakʼ bajna ar sakwa hõko oroṅkeda.

2 Bõsbudạ 29:21

Onko do rajosṭi lạgitʼ, mundil oṛakʼ lạgitʼ ar Jihudạ hoṛko lạgitʼ kại samaṅokʼakʼ lekate eae goṭen ḍaṅgra, eae goṭen bheḍa, eae goṭen bheḍa hopon ar eae goṭen meromko ạguketʼkoa. Ona tayom raj do naekeko, metakʼme Aronren bõsko Probhu Isorakʼ pinḍ cetanre onko samaṅko lạgitʼe hukumkeda.

2 Bõsbudạ 11:16

Israelren sanam gusṭiko modre okoe do Israelren Probhu Isorakʼ sana baḍaejoṅ lạgitʼko udgạulen onko do akoren hapṛamkoren Probhu Isor ńutumte Liwiko soṅgekate Jerusalemteko hecʼena.

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

Josuạ 24:15

Ar aperen Probhu Isor sewawae bape menjoṅkan khan enḍekhan teheń ṭhik joṅpe okoepe sewawaea. Aperen hapṛamko Phurạt gaḍa hanasare okoe debotakoko sewawako kan tahẽkan onkope sewawakoa se okoeyakʼ disạmrepe girobasokʼ kan onko Amorikoren debotakope sewawakoa? Menkhan iń ar ińakʼ gharońjrenko do Probhu Isor gele sewawaea.”

Genesis 18:19

Iń Probhu Isor do noa lạgitʼge uniń bachao akadea jemon acʼren hoponko ar oṛakʼren eṭakʼ sanamko dhorom ar ińakʼ sanaleka calakʼ reakʼ solhae emako. Ar onko do uniyakʼko ańjomtaete onka lekako calakʼ, enḍekhan iń Probhu Isor do Abraham reaṅ okań menakatʼ onageń onkaea.”

2 Bõsbudạ 14:3

Uni do debotakoakʼ pinḍko, than boṭkocʼko ar pujạwakʼ dhirikoe rạputʼ gejer giḍikakʼ kan tahẽkana ar Asera muṭhạnko hõe makʼ giḍikada.

2 Bõsbudạ 14:5

Uni do Jihudạ disạm reakʼ mimitʼ atoko ar nagrahako reakʼ than boṭkocʼko ar dhudhup-pinḍkoe marao giḍikada. Uniyakʼ tabere rajosṭi do sulukte perecʼ tahẽkana.