2 Bõsbudạ 13:9 - সান্তালী বাইবেল

⁹ Ape do Probhu Isorren naekeko, metakʼme Aronren hoponko ar Liwikope laga ńir akatʼkoa ar eṭakʼ eṭakʼ disạmren hoṛko leka apnar lạgitʼ naekepe bahal akatʼkoa. Naeke lekate apnartetʼ begarokʼ lạgitʼ jãhãege mitʼṭen damkom ar eae goṭen bheḍae ạguko unige onko debotakoren naekeye hoedaṛeakʼa.

2 Bõsbudạ 13:9 Referans Kwoze

Jirimiạ 2:11

Jạtkoren debota do Isorko baṅkanre hõ enhõ jãhãe jạtrenkoge akoren debota do bako bodol akatʼkoa; menkhan ińren hoṛ do akoren ṭhonokren Isor bodolte ạuṛiyakʼren debotako aṅgocetʼkoa.

Exodus 29:35

“Aron ar uniren hoponko cetanre okakoń hukumatʼme am do ona jotowakʼgem onkaea. Noa sid emokʼ porob do eae din hạbicʼem hoeocoya.

Galathiko lạgitʼ Pạul Apostolakʼ ciṭhi 4:8

Pạhilre Isor bape baḍae akade tahẽkanre okoepe sewawako kan tahẽkan onko do cele debgeko baṅkana.

Aposkạmi 19:26

Menkhan ar hõpe ńeletʼkana arpe ańjometʼgea, Pạul ńutuman uni hoṛ do aboakʼ noa Ephesusre ar goṭa Asiạ Prodesren ḍher hoṛkoe biswạs ocoyetʼkote bhul horteye idiyetʼkoa. Uni doe metako kana tite benaoetʼko debota do cele hõko baṅkana.

Hosea 8:6

Israelren hoṛge uni mĩhũ doko benao akadea. Mitʼṭen kạrigolge uni doe benao akadea; onate uni do Isor doe baṅkana. Samariạren uni mĩhũ hopon doe rạputʼ gejer ocokʼa.

Jirimiạ 5:7

Probhu Isore meneda, “E Jerusalem, am do cedakʼ iń ikạmea? Amren hoponko doko bạgi giḍiakadińạ ar okoe do Isorko baṅkan onkoakʼ ńutumteko kiriạkʼ kana. Iń do onkoakʼ jạruṛokʼakʼ jotowakʼ iń purun akatʼtakore hõ, enhõ onko doko laṭghaṭ akada ar kusumbikoakʼ oṛakʼte gad gadko calaoena.

2 Rapajko 19:18

Onkoren debotako do seṅgelre giḍikateko nosṭo caba akatʼkoa. Onko do Isor doko baṅkana, onko do manwa tite benaoakʼ eken kaṭ ar dhiri kanako; ona iạtege onko doko marao giḍi daṛeatʼko tahẽkana.

1 Rapajko 13:33

Niạ tayom hõ Jerobiam do acʼakʼ bạṛicʼ hor khon bae ruạṛlena bickom than boṭkocʼko lạgitʼ sanam hoṛko mod khon naekeye bahalketʼkoa. Okoe naeke hoyokʼe khojketʼ unige usul than boṭkocʼren naeke lekateye bahalede kan tahẽkana.

Dosar Biboron 32:17

Onko do bạṛicʼ jiuko teṅgenatʼkoa. okoe do Isorko baṅkan, onko do nãwã boṅga ńutumte samaṅokʼakʼ porobko porobena, okoe do sor din lahareko upelakan, okoe do aperen hapṛamko bako botorakokan tahẽkan.

Levitikus 16:32

Jãhãe naekege maraṅ naeke lekate tinre acʼ apattetʼakʼ hudạreye ojokʼ bahal ocokʼa unre uni hõ noa kại ńutumte puruchun reakʼ kạmi hoyokʼtaea. Uni do mĩhĩ musnạ kicricʼ horokʼkate sonot utạrakʼ ṭhạ̃i reakʼ, ńapamokʼ tạmbu reakʼ, pinḍ reakʼ, naeke reakʼ ar goṭa Israel jạtrenkoakʼ besaphawakʼ ar kại ńutumte puruchun reakʼe kạmiya.

Levitikus 8:2

“Am do Aron ar uniren hoponko nonḍem ạgukoa. Ar ona sãote onkoakʼ kicricʼko, ojokʼ bahalokʼ reakʼ sunum, kại ńutumte samaṅokʼren ḍaṅgra, barea bheḍa ar bin khạmiyanakʼ piṭhạ reakʼ ḍạlicʼ hõm ạgu daraya.

Exodus 32:29

Ona tayom Moseye menkeda, “Teheńge Probhu Isor ńutumte begar dohokʼpe, ente apan ạpin hoponko ar boehako upạrte teṅgokʼ hõ bape pạclena. Ona iạte teheń ape do Probhu Isorakʼ bhorpe ńamkeda.”

Exodus 29:1

“Naeke lekate jemon ińko sewawạń onate iń ńutumte onkom begar dohokoa. Am do mitʼṭen ḍaṅgra ar barea bheḍam hataokinạ. Onkoakʼ hoṛmore jemon jãhãn khũt alo tahen.

Exodus 29:29

“Aronakʼ sonot kicricʼko do uniren hoponkoko ńama. Noa kicricʼ horokʼkatege onko do naeke hudạreko ojokʼ bahal ocokʼa.

2 Bõsbudạ 13:10

“Menkhan ale do onka dole baṅkana, Probhu Isorge aleren Isor do. Ale do bale bạgi giḍiakadea. Okoeko naeke do Probhu Isorko sewawae kan onko do Aron bõsren hoṛ kanako, ar Liwiko hõ akoakʼ niṭ akatʼakʼ reakʼgeko kạmikana.

2 Bõsbudạ 29:31

Inạ tayom Hiskiyại menkeda, “Ńitokʼ do Probhu Isor ṭhen apnrartetʼpe emakana. Ape do ńitokʼ hijukʼpe ar janwar samaṅokʼakʼ ar sarhao samaṅokʼakʼ jinisko Probhu Isorakʼ oṛakʼte ạguipe.” Unre sanamkoge onako ạgukeda ar okoe do jeredokʼ samaṅokʼ reakʼko menetʼ tahẽkan onko do ona jiniskoko ạgukeda.