2 Bõsbudạ 13:2 - সান্তালী বাইবেল

² Uni do Jerusalemre pe bochore rajlena. Uniren eṅgattetʼakʼ ńutum do Maka; uni do Gibiạ Uriạlren hoponerae tahẽkana. Abiạ ar Jerobiam talare lạṛhại hoylena.

2 Bõsbudạ 13:2 Referans Kwoze

2 Bõsbudạ 11:20

Ona tayom Rehobiam do Absalomren hoponera Makaye baplakedea. Uniyakʼ kukhire do Ạbiạ, Atai, Sisa ar Selomit takoakʼ janam hoylena.

1 Rapajko 15:2

Uni do Jerusalemre pe bochore rajlena. Uniren eṅgatakʼ ńutum do Maka; uni do Abisalomren hoponerae tahẽkana.

1 Samuel 10:26

Sạul hõ acʼakʼ oṛakʼ Gibeateye ruạṛ calaoena. Ar okoe birbanṭakoakʼ ontorre Isor do udgạue ematʼko eken onkoge uni sãoteko senena.

Bikʼcạrko 19:16

Enhilokʼ ạyupʼ jokhecʼ Ephrayim buru ṭoṭharen mitʼṭen haṛam hoṛ do acʼakʼ khet khon kạmi baṛakate Gibeateye boloyena. Uni do ona nagraharegeye girobasokʼ kan tahẽkana, menkhan onḍenko hoṛ do Benjạmin gusṭiren hoṛko tahẽkana.

Bikʼcạrko 19:14

Onate onko do calakʼtegeko tahẽyena. Ar Benjạmin ṭoṭha reakʼ Gibea ṭhenko seṭeren khan siń cando doe hạsurena.

1 Rapajko 14:19

Jerobiamakʼ eṭakʼ eṭakʼ kạmi, uniyakʼ lạṛhạiko ar rajokʼ reakʼ katha do “Israel rajkoakʼ Itihãs” ńutumanakʼ puthire olakana.

2 Bõsbudạ 13:3

Unre Abiạ do pon lakh bachao akan lạṛhại birkoante lạṛhại lạgitʼe oḍok senena ar Jerobiam hõ irạl lakh bachao akan lạṛhại birko uni upạrte lạṛhại lạgitʼe sapṛaoketʼkoa.

1 Rapajko 14:20

Ar bargel bar bochor rajokʼ tayom uni do acʼren hapṛamko ṭhene senena ar uniyakʼ jaegare uniren hopon Nadab do raje hoyena.

2 Bõsbudạ 12:15

Rehobiamakʼ eṭakʼ eṭakʼ kạmi reakʼ katha etohopʼ khon mucạtʼ hạbicʼ do Semaya nạbiyakʼ olakʼ kana ar ńeńelicʼ Eddowakʼ olakʼ bõs tạlikare hõ ol menakʼa. Rehobiam ar Jerobiam talare do jaoge lạṛhại hoyokʼkan tahẽkana.