2 Bõsbudạ 13:18 - সান্তালী বাইবেল

¹⁸ Nonkate Israelren hoṛko doko bhagao ocoyena, ar Jihudạren hoṛ doko jitạuena, ente onko do akoren hapṛamkoren Probhu Isor cetanreko bhorsalena.

2 Bõsbudạ 13:18 Referans Kwoze

2 Bõsbudạ 14:11

Unre Asa do uniren Probhu Isor hohowadeteye metadea, “E Probhu Isor, cetʼleka daṛeankom goṛowako onkage am do nijorko hõm goṛo daṛeakoa. Ona iạte E aleren Probhu Isor, ale goṛowaleme baṛe, ente ale do am cetanrele bhorsakʼkana ar amakʼ ńutumtege noko maraṅ dolrenko upạrtele oḍok hecʼakana. E Probhu Isor, am kangeam aleren Isor do; manwa do am upạrte alom jitạu ocokoa.”

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

Nạhum 1:7

Probhu Isor doe bhagegea, ar gạr hilokʼren doe aotan gaṛ kana. Ar acʼre okoeko hirlạkʼkan onko doe baḍaeyetʼkogea.

Daniel 3:28

Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Sereńko 146:5

Bhạgangeae uni hoṛ, okoe do Jakobren Isore goṛowae kan, okoeyakʼ as do uniren Probhu Isorre.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

2 Rapajko 18:5

Hiskiạ do Israelren Probhu Isor cetanreye jamaṛ akane tahẽkana. Uni lahate ar uni tayomte Jihudạren rapajko modre uni leka do ar okoege bako tahẽkana.

Ephesiko lạgitʼ Pạul Apostolakʼ ciṭhi 1:12

Okoe laha khon Mạsirele asakan, ale hotetege jemon Isorakʼ mạhima sodorokʼ ona lạgitʼge uni doe bachao akatʼlea.

2 Bõsbudạ 13:17

Abia ar uniren hoṛko do ạḍi utạr hoṛko gocʼketʼkoa. Onate Israelkoren bachao akan hoṛko mod khon mõṛẽ lakh hoṛko gocʼena.

2 Bõsbudạ 13:19

Abia do Jerobiame khudạukedea ar uni ti khon Bethel, Jesana ar Ephron nagraha ar ona aḍepase reakʼ ṭoṭhakoe hatkeda.

2 Bõsbudạ 14:10

Unre Asa hõ uni upạrteye oḍok calaoena ar banar dolge Maresa ṭhenakʼ Sephata reakʼ buru lodamre lạṛhại lạgitʼko sapṛaoena.

Sereńko 25:2

E ińren Isor, am cetanregeń bhorsa akana, am do lajaore alom paṛao ocoyińạ; ińren bạiriko jemon iń upạrte hulạsokʼ reakʼ ạt aloko ńam.