2 Bõsbudạ 13:16 - সান্তালী বাইবেল

¹⁶ Jihudạ samaṅ khon Israelko doko dạṛkeda ar Isor do Jihudikoakʼ tireye jimạkatʼkoa.

2 Bõsbudạ 13:16 Referans Kwoze

2 Bõsbudạ 16:8

Kusrenko ar Lubiạko do ḍher rãt gạḍiko ar aswariko sudhạge cetʼ bako tahẽkana. Unre am do Probhu Isor cetanre bhorsa akanem tahẽkante uni do amakʼ tireye jimạkatʼkoa.

1 Samuel 23:7

Dạud Kayilare menaea menteye ańjomketʼ khan Sạule menkeda, “Niạ dhao Isor do ińakʼ tire Dạude jimạ akadea, ente phaṭok-duạranakʼ ar hurkạṛanakʼ nagrahateye boloakante uni do apnarteye siń esetʼ akana.”

Bikʼcạrko 11:21

Unre Israelkoren Probhu Isor do Israelkoakʼ tire Sihon ar uniren sanam hoṛkoe soprotkatʼkoa ar Israelko do onkoko bhagaoketʼkoa. Ar ona disạmreko girobasokʼkan sanam Amorikoakʼ jaega do Israelkoko hatkeda.

Bikʼcạrko 1:4

Ar Probhu Isor do Jihudạ gusṭiren hoṛkoakʼ tire Kananrenko ar Pherisikoe jimạkatʼkoa. Onkoren gel hajar hoṛ do Besek nagrahareko gocʼ ocoyena.

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.

Josuạ 10:12

Oka hilokʼ Probhu Isor do Israelkoakʼ tire Amorikoe jimạketʼko enhilokʼge Josuạ do Israelko samaṅre Probhu Isore metadea, “E siń cando, Gibeon cetanre teṅgo thir akae tahenme, E ńindạ cando, Ajalon buru sokṛare senkate teṅgokʼ hapekokʼme.”

Dosar Biboron 3:3

“Nonkate aboren Probhu Isor do Basonren Og raj ar uniren sanam lạṛhại phạdko aboakʼ tireye jimạletʼkoa. Ar abon do onko sanamkoge bon gocʼketʼkoa; cele hõ jiwetʼ do babon doholetʼkoa.

Dosar Biboron 2:36

Ar Arnon soḍokʼ aṛe reakʼ Aroer nagraha ar ona soḍokʼ tala reakʼ ato khon ehopʼkate Gilead hạbicʼ nonkan jãhãn daṛeanakʼ atoko se nagraha do baṅ tahẽkana one okaṭakʼ do babon jitạu daṛeakʼ tahẽkan. Aboren Probhu Isor do onako sanamakʼge aboakʼ tireye jimạkeda.

Genesis 14:20

Okoe do amren bạiriko amakʼ tireye jimạketʼko uni maraṅ Isorakʼ sarhao baṛe hoyokʼtae ma.” Unre Abram do acʼakʼ ruạṛ ạguakatʼ jinisko reakʼ gel hĩs khon mitʼ hĩs do Melkisedeke emadea.

2 Bõsbudạ 13:17

Abia ar uniren hoṛko do ạḍi utạr hoṛko gocʼketʼkoa. Onate Israelkoren bachao akan hoṛko mod khon mõṛẽ lakh hoṛko gocʼena.