2 Bõsbudạ 13:13 - সান্তালী বাইবেল

¹³ Jerobiam do hape hapete Jihudạren lạṛhại phạdkoakʼ tayom secʼ mitʼ dol lạṛhại phạdkoe kolketʼkoa; onate uniren mitʼ dol lạṛhại phạdko do Jihudạ samaṅ secʼre ar mitʼ dol lạṛhại phạdko do Jihudạ tayom secʼreko tãṛãkʼena.

2 Bõsbudạ 13:13 Referans Kwoze

Josuạ 8:9

Inạ tayom Josuạ do onkoe kolkatʼkoa. Onko do Ae nagraha reakʼ pạchim secʼre senkate mitʼṭecʼ jaegareko okoyena. Ona jaega do Bethel ar Ae reakʼ talare tahẽkana. Josuạ do enhilokʼ ńindạ sarecʼ lạṛhại phạdko sãoteye tahẽyena.

Jirimiạ 4:22

Probhu Isore meneda, ‘Ińren hoṛko doko lelhagea; onko do bako baḍae akadińạ. Onko do bebuj hopon ar hoponera kanako; onko do bujhạu reakʼ daṛege bạnukʼtakoa. Bạṛicʼakʼ kạmiren guruko kanako, menkhan bogeakʼ kạmi do bako baḍaea.”

Kạhtukko 21:30

Jãhãn ạkil, jãhãn bud ar jãhãn goṭawakʼge Probhu Isor upạrte ohoge teṅgo daṛelena.

2 Bõsbudạ 20:22

Hoṛko tinre sereń ar sarhaoko ehopʼena unre Probhu Isor do Jihudạko upạrte lạṛhại lạgitʼ hijukʼkan Amonrenko, Moabrenko ar Seyir bururen hoṛko upạrte lạṛhại phạdkoe tãṛãkʼ dohokatʼkoa. Ar unre Amonrenko ar Moabren hoṛko do Seyir bururen hoṛko upạrteko rakapʼ calaoen khan sanamkoko gocʼ cabaketʼkoa. Ar Seyirrenko gocʼ cabaketʼko khan onko do ako ako mapakʼ gopocʼko dhurạuena. Ar nonkate onko doko bhagao ocoyena.

1 Rapajko 15:1

Nobaṭren hopon Jerobiamakʼ rajokʼ gel irạlakʼ bochorre Abiạm do Jihudạren raje hoyena.