Biblia Todo Logo
Bib sou entènèt

- Piblisite -




2 Bõsbudạ 13:12 - সান্তালী বাইবেল

12 Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

Gade chapit la Kopi




2 Bõsbudạ 13:12
27 Referans Kwoze  

Menkhan Isor secʼ khonakʼ kan khan ohope thir ocodaṛelekoa. Ente hoedaṛeakʼa ape do Isor upạrtegepe lạṛhại kan.”


Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?


Unre Jihudạren hoṛ do nonkan daṛean hoṛ lekako hoyokʼa onko do lạṛhạire ḍahar reakʼ losotʼ leka bạiriko lebetʼ khadbadaokoa. Ar iń do onko sãoteń tahente lạṛhạire aswarikoko bhagaokoa.


Sanamakʼ do Isor lạgitʼ kangea ar uni hotetege sanamakʼ do hoyakana. Onate ạḍi utạr hoponko acʼakʼ mạhimaren bhạgiyạdarko hoyocoko lạgitʼ Jisu do duk jom talate sạbit ocoye reakʼ lek tahẽkantaea.


“Am do onkom metakoa, Probhu Isore meneda, ‘uni do cetʼe hara rakabokʼgea? Cetʼ uni do ona reakʼ rehetʼ bae or toda ar ona reakʼ thopako bae geda jemon rohoṛokʼ ar nãwã sagenakʼ sanam sakamko tolmojokʼ? Ar ona reakʼ rehetʼ sudhạ or totʼ giḍikakʼ lạgitʼ ḍher hoṛakʼ jạruṛ do baṅ lagaokʼa.


E Babel, iń do am lạgitʼ mitʼṭecʼ jhạliń oḍao akada ar begor baḍaete onarem jhạli akana; am dom ńamakana ar sapʼ hõm sapʼ ocoakana, ente am do iń upạrtem teṅgolena.


Am do bohokʼre ti capokate ona ṭhạ̃iyem bạgiyakʼa, ente okoe cetanrem bhorsalen onko do iń Probhu Isorgeń nihạ̃t giḍi akatʼkoa; onko hotete jãhãn porho do baṅ hoyokʼtama.”


Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”


“Hae uni hoṛ do, okoe do acʼren sisirjạuicʼ sãoteye reṭepeṭekʼ kan. Uni do hasa bhajanko modren chaḍa ar cetʼgeye baṅkana. Jaṭaṅ hasa do cetʼ kuṅkạle kuli daṛekea, ‘cedakʼem sirjạukedińa?’ Amakʼ benaoakʼ jinis do cetʼ ame men daṛeama, ‘am do cetʼ dhej hõ bạnukʼtama?’


Ape dope goṭaegea, menkhan bape jo bahakʼa; goṭae reakʼ kathape roṛa, menkhan ona do baṅ ṭikạukʼtapea, ente ‘Isor do ale tulucʼ menaea.’ ”


Ḍher hoṛge akoakʼ rãt gạḍi iạteko bạḍạiyokʼa ar adomko do akoren sadomko iạte, menkhan abo do aboren Probhu Isor iạtege.


Amakʼ do cetʼ Isor leka daṛe menakʼtama? Uniyakʼ aṛaṅ lekam hạnḍrạukʼ daṛeakʼa?


Uniyakʼ akel do khạndrigea, ar daṛe hõ asambheṛgetaea; uni upạrte teṅgokate okoe haleye rukhiyạ daṛekokʼa?


Unre Isorren jiu do Jehoyada naekeren hopon Sekariạ cetanreye decʼena. Uni do hoṛko samaṅre teṅgoyenteye menkeda, “Isor do niạ kathae meneda, ‘Probhu Isorakʼ hukum do cedakʼpe bemanot akada? Ape do bape jo bahakʼa. Ape do Probhu Isorpe bạgi akadete uni hõ apeye bạgi giḍi akatʼpea. ”


Kãṛã hoṛ ńutre cetʼ lekae ṭạmḍạu baṛae onkage ape hõ sińrepe ṭạmḍạu baṛaea; ar jãhãnakʼ kạmirege bape jo-bahakʼa. Ape do jaoge santao arpe luṭ ocokʼa; ar ona khon bańcaope lạgitʼ celege bako tahena.


Ente bạiriko sãote lạṛhạikate jitạu ocope lạgitʼ iạte aperen Probhu Isor do ape sãoteye calakʼ kana.’


Ar Mose do mimitʼ gusṭiko khon mitʼ hajarkate hoṛ hataokate lạṛhại lạgitʼe kolketʼkoa. Onko sãote naeke Eleasarren hopon Pinhas hõ lạṛhại lạgitʼe kolkedea. Uni do thoṛa sonot jinisko ar pẽpṛẽtʼkine soṅge torakeda.


Uni do Jakobre cetʼ ghạṭge bae ńel akada, ar Israelkoakʼ bhạgre jãhãn dukge bae dohoakada. Onkoren Probhu Isor do onko sãorege menaea, ar onkoren rajakʼ sạhnạs do onko ṭhenge menakʼa.


Menkhan Moseye metatʼkoa, “Cedakʼ ape do Probhu Isorakʼ hukum upạrtepe calakʼ kana? Apeakʼ noa kạmi do baṅ jo bahakʼ tapea.


Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)


Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.


Swiv nou:

Piblisite


Piblisite