2 Bõsbudạ 13:11 - সান্তালী বাইবেল

¹¹ Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

2 Bõsbudạ 13:11 Referans Kwoze

2 Bõsbudạ 2:4

Ńitokʼ iń do ińren Probhu Isor lạgitʼ mitʼṭecʼ oṛakʼ benao lạgitʼ ar uni ńutumte ona samaṅ lạgitʼ iń sapṛao akana, jemon uni samaṅre jut so mosolako jeredokʼ, ar jaoge samaṅokʼakʼ reakʼ piṭhạ hõ jemon sajao akae tahen ar dinạm hilokʼ setakʼ ar ạyupʼ jokhecʼ, jirạukʼ mãhã hilokʼre, ambas ńutre ar aboren Probhu Isor niṭakatʼ judạ judạ porobre jeredokʼ samaṅokʼ reakʼ porobiń porob daṛeakʼ. Ar niạko palon do Israelko lạgitʼ mitʼṭecʼ jaejug reakʼ niạm kana.

Exodus 29:38

“Ona tayom khon ona pinḍ cetanre dinạm hilokʼ bareakate bheḍa hopon samaṅ kin hoyokʼa; unkinakʼ umer do mitʼ bochor hoyokʼ jạṛurạ.

Luk 1:9

Naeke kạmi reakʼ cạli leka gulibãṭ hotete unirege paṛaoena jemon uni do Probhu Isorakʼ mundil reakʼ sonot jaegare dhupe jeretʼ daṛeakʼ.

Jeheskel 48:11

Noa bises hĩs do hoyokʼa iń ńutumte begar dohoakatʼ Sadok bõsren naekeko lạgitʼ. Onko do iń sewawạńre pạtiạranko tahẽkana ar Israelko sãote bạṛicʼ horteko senlen Liwiko leka bạṛicʼ horte do bako senlena.

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Jeheskel 44:8

Ińakʼ sonot jinisko cetanre okaṭakʼ dạyik tahẽkan ona baṅkate ińakʼ oṛakʼ reakʼ bhar do eṭakʼkoakʼ tirepe jimạ akada.

Numeri 16:46

Ona tayom Mose do Arone metadea, “Amakʼ dhup dạni hataome ar pinḍ reakʼ seṅgel ecʼkate onare dhup emakʼme ar usạra onko hoṛko ṭhen senkate kại ńutumte puruchunme. Probhu Isorakʼ edre do sodor akana, mahamạri ehopʼakana.”

Numeri 16:6

E Korah, am ar amakʼ dolren hoṛ do mitʼṭecʼ kạmipe. Ape do gapage Probhu Isor samaṅre dhup dạnire seṅgel ar dhuppe jereda. Ar Probhu Isor okoeye bachaoe unige acʼ ńutumte begar dohoakade hoṛe hoyokʼa. E Liwi hoponko apege ḍherpe taṛam lahayeda.”

Numeri 9:19

Sekʼwa tạmbu cetanre rimil tinre ḍher din tahenkan tahẽkana unre Israelko do Probhu Isorakʼko bataoetʼ tahẽkana ar bako uṭhạukʼkan tahẽkana.

Genesis 26:5

ente Abraham do ińre tabe akane tahẽkana ar ińakʼ emakʼ sanam hukumko, niạmko ar solhako ańjom are manaoleda.”

2 Bõsbudạ 13:10

“Menkhan ale do onka dole baṅkana, Probhu Isorge aleren Isor do. Ale do bale bạgi giḍiakadea. Okoeko naeke do Probhu Isorko sewawae kan onko do Aron bõsren hoṛ kanako, ar Liwiko hõ akoakʼ niṭ akatʼakʼ reakʼgeko kạmikana.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

2 Bõsbudạ 2:3

Solomon do Turren raj Hirạm noa khobore koladea, “Ińren ạpuń Dạudakʼ mitʼṭecʼ raj oṛakʼ benao lạgitʼ cetʼleka debdạru kaṭkom kolletʼ tahẽkan onkage iń hõ debdạru kaṭko kolạńme.

2 Bõsbudạ 4:20

ar okaleka lại hoylen onkage sonot utạrakʼ jaega samaṅre jered lạgitʼ khạṭi sona reakʼ diuhe dohowakʼ ar ona reakʼ diuheko;