2 Bõsbudạ 13:10 - সান্তালী বাইবেল

¹⁰ “Menkhan ale do onka dole baṅkana, Probhu Isorge aleren Isor do. Ale do bale bạgi giḍiakadea. Okoeko naeke do Probhu Isorko sewawae kan onko do Aron bõsren hoṛ kanako, ar Liwiko hõ akoakʼ niṭ akatʼakʼ reakʼgeko kạmikana.

2 Bõsbudạ 13:10 Referans Kwoze

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Numeri 16:40

Mose hotete Probhu Isor oka lekae hukumletʼ onkage uni do sanamakʼe kạmikeda. Noa do Israel hoponko ṭhen mitʼṭecʼ dikʼsạwakʼ leka hoyena, Aron bõsrenko chaḍa ar okoehõ dhup jered lạgitʼ Probhu Isor samaṅre bako sen daṛeakʼa; ar jãhãegeye calakʼ enḍekhan uni hõ Korah ar uniyakʼ dolrenko leka hoyokʼtaea.

2 Bõsbudạ 13:9

Ape do Probhu Isorren naekeko, metakʼme Aronren hoponko ar Liwikope laga ńir akatʼkoa ar eṭakʼ eṭakʼ disạmren hoṛko leka apnar lạgitʼ naekepe bahal akatʼkoa. Naeke lekate apnartetʼ begarokʼ lạgitʼ jãhãege mitʼṭen damkom ar eae goṭen bheḍae ạguko unige onko debotakoren naekeye hoedaṛeakʼa.

2 Bõsbudạ 13:11

Onko do dinạm hilokʼ setakʼ ar ạyupʼ jokhecʼ Probhu Isor ńutumte jeredokʼ samaṅokʼakʼko samaṅeda ar jut so dhupko jeretʼeda. Onko do saphawakʼ ṭebilre dohoakan samaṅakʼ piṭhạko sajao dohokakʼ kana ar din hilokʼ ạyupʼ jokhecʼ sona reakʼ diuhe dohowakʼre diuheko jeretʼeda. Ale do aleren Probhu Isorakʼ hukum lekatele kạmikana, menkhan ape do unipe bạgi giḍiakadea.

Numeri 1:53

Israelko cetanre Probhu Isorakʼ edre jemon alo paṛaokʼ onate Liwiko do sekʼwa tạmbu beṛhaeteko ḍerakʼa. Ar sekʼwa tạmbu ńej jut reakʼ bhar hõ onkorege tahena.”

Josuạ 24:17

Aboren Probhu Isor do acʼge abo ar aboren hapṛamko Misor disạm khon, golam oṛakʼ khon nonḍeye oḍok ạgu akatʼbona ar aboakʼ mẽtʼãhã samaṅrege maraṅ maraṅ hahaṛawakʼ kạmikoe kạmi akada. Aboakʼ goṭa dãṛãn horre tinạkʼ jạtrenko talate bon hecʼakan onkoakʼ ti khon unigeye bańcao akatʼbona.

Nehemiạ 13:30

Nonkate iń do sanamko tala khon porjạtrenkoakʼ jotowakʼ iń sạṅgiń giḍikada. Tayomte naeke ar liwikoakʼ kạmi lekate onko mimitʼko do kạmiń hạṭińatʼkoa.