Biblia Todo Logo
Bib sou entènèt

- Piblisite -




2 Bõsbudạ 11:16 - সান্তালী বাইবেল

16 Israelren sanam gusṭiko modre okoe do Israelren Probhu Isorakʼ sana baḍaejoṅ lạgitʼko udgạulen onko do akoren hapṛamkoren Probhu Isor ńutumte Liwiko soṅgekate Jerusalemteko hecʼena.

Gade chapit la Kopi




2 Bõsbudạ 11:16
28 Referans Kwoze  

Ona tayom uni do Jihudạ ar Benjạinren sanam hoṛko ar Ephrayim, Manase ar Simeon ṭoṭhakoren okoeko hoṛ do onko talareko girobasokʼ kan tahẽkan onkoe jarwa mitʼketʼkoa. Ar Probhu Isor do Asa sãote menaea menteko ńelketʼ khan Israelren ḍher hoṛgeko uni secʼena.


Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.


Iń phạdkoren Probhu Isorgeń meneda, okalekape calakʼkan ona mońjte hudiskate ńelpe.


Ińren hoṛkoakʼ kại gunạkʼte onkoakʼ do lab hoyokʼ kana ar ińren hoṛko kại lạgitʼko udgạuetʼkoa.


Raj do niạ katha ańjomkate ạḍiye dukena; ar Daniele rukhiyạyea mente monreye goṭawana ar uni bańcaoe lạgitʼ siń cando ạuriye hạsurokʼ hạbicʼ joto lekanakʼe kurumuṭukeda.


E Isor, ińakʼ mon do uricʼgea; iń do ińakʼ goṭa ontorteń sereńama ariń õṛhẽmea.


Ape do jor julumre alope bhorsakʼa; ar ona luṭakʼre as alope dohojoṅa; ar baḍhaokʼkan dhonre mon hõ alope gaḍaotapea.


Uni do eken acʼakʼ kathageye hudisle khan ar acʼren jiu ar sahẽtʼ do acʼ ṭhengeye ruạṛ idile khan,


Enhõ Aser, Manasi ar Sebulon gusṭiren adom hoṛ do Jerusalemteko hecʼena.


Inạ tayom Dạude menkeda, “Probhu Isorakʼ oṛakʼ ar Israelkoakʼ jeredokʼ samaṅokʼ reakʼ pinḍ do nonḍege hoyokʼa.”


Sanam sarhaoteakʼ do Probhu Isorakʼ mente aṅgocpe; ar samaṅokʼakʼ jinisko uni samaṅre ạguipe. Probhu Isorakʼ ṭhonokte perecʼ sonot reakʼ kathako hudiskate uni manotepe.


Okaṭakʼ disạm apeakʼ ạidạrire hoyakan ona chut akan khan ape do parom hecʼkate Probhu Isorakʼ disạmte hijukʼpe. Nonḍe do Probhu Isorakʼ ḍera tạmbu menakʼa. Ar ale sãotege girobasokʼpe. Menkhan aboren Probhu Isorakʼ pinḍ chaḍa ar eṭakʼ jãhãn pinḍ benaokate Probhu Isor ar ale upạrte alope hula.


Unre uni do acʼ sodorokʼ lạgitʼ okaṭakʼ ṭhạ̃i acʼ tahen lạgitʼe bachaojoṅ onḍege ape do oneń hukum akawatʼpe jotowakʼ jinisko idikate apeakʼ jeredokʼ samaṅokʼakʼ ar eṭakʼ janwar samaṅokʼakʼ, apeakʼ gel hạṭiń reakʼ mitʼ hạṭiń, tulokʼ samaṅokʼakʼ ar Probhu Isor ṭhenpe manotakatʼ reakʼ samaṅokʼakʼko uni ṭhenpe ạguiya.


Menkhan okoe ona bako luturatʼ onko do akoren golamko ar gại-ḍaṅgrako ṭạnḍiregeko dohokatʼkoa.


Ńitokʼ ape do aperen Probhu Isorakʼ sana baḍae lạgitʼ apeakʼ goṭa jiwi, daṛete ar monte Probhu Isor ńutumte uniyakʼ sonot oṛakʼ benao lạgitʼ lạgiyạ paṛaokʼpe, jemon Probhu Isorakʼ bondobos reakʼ sinduk ar sonotakʼ jinisko do ạgukʼte onare dohokʼ.”


Onko do pe bochor hạbicʼ Jihudạ rajosṭi ar Solomonren hopon Rehobiamakʼ tiko keṭecʼletʼtaea, ente niạ pe bochor do Dạud ar Solomonakʼ horteko taṛamleda.


Onko do noako gokʼkeda, goṭa mon ar ontorte akoren hapṛamkoren Probhu Isorakʼ sana lekako calakʼa mente;


Niạ kiriạ iạte Jihudạ disạmren sanam hoṛ doko rạskạyena, ente goṭa ontortege onko doko kiriạlena. Onko do Isorakʼ monejoṅakʼko baḍae lạgitʼgeko khojletʼa arko baḍaekeda.


Tobe amre thoṛa bhageakʼ hõ menakʼa, ente am do disạmren Asera-muṭhạnkom marao giḍi akatʼkoa ar Isorakʼ sana leka calakʼ lạgitʼ amakʼ monem keṭecʼakada.”


Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.


Jihudạren hoṛko do Probhu Isorakʼ goṛo ńam lạgitʼ mitʼ ṭhenko jarwayena; ar Jihudạ reakʼ sanam atoko khon hõ hoṛko hecʼena.


ar mitʼ nagraharen hoṛko do eṭakʼ nagrahare senkateko mena, ‘sanam phạdkoren Probhu Isorakʼ bhor ataṅ lạgitʼ ar uniyakʼ sewae lạgitʼ, ńitge bon calakʼma.’ Unre ḍher hoṛgeko mena, ‘iń hõń calakʼa.’


Swiv nou:

Piblisite


Piblisite