2 Bõsbudạ 10:8 - সান্তালী বাইবেল

⁸ Menkhan Rehobiam do murubbikoakʼ solha bae hetawatʼte juạn koṛako tulucʼe solhawana, okoe do acʼ sãoteko haralen ar uniko sapʼsorae kan tahẽkan.

2 Bõsbudạ 10:8 Referans Kwoze

Kạhtukko 1:25

Ape do ińakʼ hukumkoge bape hetawatʼa, doskoń udukʼatʼpere hõ bape aṅgocleda,

2 Samuel 17:14

Absalom ar Israelren sanam hoṛko menkeda, “Ahitophelakʼ sopolha khon Erekren Husaiyakʼ sopolhage bhagea.” Ente Absalom cetanre jarkhar ạgui lạgitʼ Probhu Isorge Ahitophelakʼ bhage sopolhae ạuṛiyakʼ ocoytae lạgitʼe ṭhik dohoakatʼ tahẽkana.

Jesaea 30:1

Probhu Isore meneda, “Hae onko ṭhoṭhok hoponko do, okoe do ponthawakʼko kạmikan menkhan iń leka do baṅa. Onko do bondobosko bandhaoeda menkhan ińren Jiu reakʼ sana leka do baṅ. Jemon kại cetan kạiko ḍạṅjoṅ.

Sosolhayic̕ 10:16

Hae, ona disạm do! Okare kạ̃ṛmĩren bacṛa hopon do raj hudại ńam ar onḍenko mukhiyạko do setakʼ hạbicʼ bhojko jom.

Kạhtukko 25:12

Sona reakʼ pagra se bhage sona reakʼ abhran cetʼleka, onka kangea ạkilan hoṛkoakʼ nisṛạu katha do.

Kạhtukko 19:20

Solha moneyakʼme, ar ḍanṭao manaome; tayomte am do ạkilanicʼ em hoyokʼa.

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Kạhtukko 9:9

Ạkilan hoṛ solha emaeme, inạkhan arhõ ạkilanicʼe hoyokʼa; Isor botorae hoṛ cetʼaeme, uni do arhõ cecetʼakʼe hameṭjoṅa.

2 Bõsbudạ 10:9

Uni do onkoe metatʼkoa, “Hoṛko meneda, ‘amren ạpum okaṭakʼ hamal arãṛe gokʼ akawatʼle ona do ńitokʼ rawal kataleme.’ Niạ babotre apeakʼ sopolha do cetʼ? Abo do cetʼbon roṛ ruạṛakoa? ”

Kạhtukko 27:10

Apnarren se babaren gate do alom bạgi giḍiyea; Muhinre boehawakʼ oṛakʼte alom calakʼa; sạṅgińre tahen boeha khon do aḍepaseren boehageko bhagea.