2 Bõsbudạ 10:4 - সান্তালী বাইবেল

⁴ “Amren ạpum do ale cetanre mitʼṭecʼ hamal arãṛe lade akawatʼlea, menkhan ńitokʼ am do aleakʼ hamal arãṛ baṛe rawal kataleme; enḍekhan ale do am ṭhenle khaṭaokʼa.”

2 Bõsbudạ 10:4 Referans Kwoze

1 Rapajko 12:4

“Amren ạpum do ale cetanre mitʼṭecʼ hamal arãṛe lade akawatʼlea, menkhan ńitokʼ ale cetanre lade akan ona hamal arãṛ baṛe rawal kataleme; enḍekhan ale do amle sapʼ sorama.”

1 Johan 5:3

Isorakʼ hukumko dohoyge hoyokʼkana Isor dulạṛ do. Uniyakʼ hukum do hamal bojha leka do baṅkana,

Mathae 23:4

Onko do hamal hamal bojha tolkate hoṛkoakʼ tarenreko ladea, menkhan ako do kạtupʼte hõ bako laṛao legaea.

Jesaea 47:6

Ińren hoṛko cetanre ińakʼ edre do caṛhaolentińạ ar ińakʼ sompotti doń bhõnḍ ocoleda. Onko do amakʼ tireń soprotletʼkoa ar am do onko cetanre bam mãyãlena. Ar haṛam hoṛko hõ hamal bojham ladeyatʼko tahẽkana.

1 Rapajko 9:22

Menkhan uni do Israelko modren okoe hõ golam do bae benaoletʼkoa; onko do acʼren lạṛhại birko, acʼren kạmiyạko, acʼ latarren subedarko, mukhiyạko, rãt gạḍi cakʼlaoko ar aswarikoko tahẽkantaea.

1 Rapajko 5:15

Solomon tabere do eaegel hajar gokʼ bhạriạkoko tahẽkana ar buru khon dhiri la ạgui lạgitʼ do irạlgel hajar hoṛko tahẽkana.

1 Rapajko 4:25

Solomonakʼ jionre Jihudạ ar Israel, metakʼme, Dan khon Berseba hạbicʼ sanamkoge apan ạpin darkha nạ̃ṛĩ ar loa dareko tahẽkana ar onko do khạtirjomako girobasokʼ kan tahẽkana.

1 Rapajko 4:20

Jihudạ ar Israelkoakʼ lekha do jalapuri aṛe reakʼ gitil leka tahẽkana. Ar ạḍi sukre tahẽkate onko do dinko khemaoetʼ tahẽkana.

Exodus 2:23

Ḍher din tayom Misorren raj doe gocʼena. Ar Israelko do golam khaṭao iạte ạḍi ala jhalareko paṛao akan tahẽkana. Noa khon chaḍao ńam lạgitʼ onkoakʼ rakʼ do Isor ṭhen seṭerena.

1 Rapajko 5:13

Solomon raj do goṭa Israel khon pegel hajar hoṛ kạmireye jormoṭketʼkoa.

2 Bõsbudạ 10:3

Hoṛko do Jerobiamko hoho ạgukede khan uni ar sanam Israelko do Rehobiam ṭhen senkateko menkeda,

2 Bõsbudạ 10:5

Rehobiame roṛ ruạṛatʼkoa, “Ape do pe din hilokʼre arhõ ruạṛ hijukʼpe.” Onate onko hoṛ doko ruạṛ calaoena.