2 Bõsbudạ 10:16 - সান্তালী বাইবেল

¹⁶ Israelkoko ńelkeda raj do onkoakʼ katha bae ańjomeda unre onko do rajko metadea, “Dạud cetanre jãhãn dạbiteakʼ do bạnukʼtalea. Jisạiren hopon cetanre aleakʼ ạidạri hõ bạnukʼtalea. E Israelko, ape do apan ạpin oṛakʼte ruạṛ calakʼpe. E Dạud, ńitokʼ amakʼ gusṭi do amtege ńel joṅme.” Onate Israelko do apan ạpin oṛakʼteko ruạṛ calaoena.

2 Bõsbudạ 10:16 Referans Kwoze

2 Bõsbudạ 10:19

Nonkate Israelko do Dạudren bõsko cetanreko hulkeda; ar teheń hạbicʼ hõ onkage menakʼa.

2 Samuel 20:1

Benjamin-gusṭiren Bikri hopon Seba ńutuman mitʼṭen haḍrap hoṛ do unre onḍeye tahẽkana. Uni do sakwa oroṅketʼteye menkeda, “Dạud cetanre aleakʼ do jãhãn dạbiteakʼ bạnukʼtalea, Jisạiren hopon cetanre jãhãn ạidạri hõ bạnukʼtalea. E Israelko, ape do apan ạpin oṛakʼte ruạṛ joṅpe.”

Johan sodor 22:16

“Iń Jisuge ińren goḍet iń kol akadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

1 Korinthiko 15:25

Isor do tin hạbicʼ Mạsiren sanam bạiriko uniyakʼ jaṅga latarre bae dohoko un hạbicʼ Mạsi doe rajokʼa.

Aposkạmi 2:30

Uni do mitʼṭen nạbiye tahẽkana, are baḍaekan tahẽkana Isor do kiriạkate noae gokʼade tahẽkana je, uniyakʼ siṅghạsonre uni bõsrenge mitʼṭen hoṛe duṛubea.

Johan 6:66

Jisuakʼ noa katha iạte celako modre ḍher hoṛgeko pạcena ar uni tulucʼ ar bako dãṛãleda.

Luk 19:27

Ińren bạiriko one okoe ińakʼ raj reakʼ bako khojkan, onko do nonḍe ạgukope ar iń samaṅre gocʼ giḍikakope.’ ”

Amos 9:11

Probhu Isore meneda, “Enhilokʼ Dạudakʼ lạnduṛ akan oṛakʼ do arhõń beretʼ ruạṛa. Uniyakʼ rạputʼ ṭhạ̃ikoń jut aroya, ar dhaṅdhaserakʼ koń ṭhika ar lahate lekageń beretʼ ruạṛa.

Jesaea 11:1

Jesaeakʼ gonḍa khon mitʼṭecʼ nãwã kahle do oḍokokʼa; ar rehetʼ reakʼ ona kahlre do jo bahakʼa.

Sereńko 132:17

Onḍe iń do Dạud lạgitʼ mitʼṭen daṛean bõskoń benao rakapʼkoa; ar ińren ojokʼicʼ lạgitʼ iń do mitʼṭecʼ diuheń tear dohoya.

Sereńko 76:10

Khạṭige manwakoakʼ raṅgao hõe sarhaomea, ar ona raṅgao reakʼ sarecʼakʼte apnar baṛe sajokʼme.

1 Bõsbudạ 17:14

Ińakʼ oṛakʼ ar ińakʼ rajosṭi do jaejug hạbicʼ iń dohoya ar uniyakʼ siṅghạson do jaejug hạbicʼ tahentaea.’ ”

1 Rapajko 11:13

Amakʼ rajosṭi reakʼ jotowakʼ do bạń recʼ cabamea, menkhan ińren guti Dạudakʼ katha ar ińiń bachao akawan Jerusalem reakʼ katha disạite mitʼ gusṭirenko do amren hoponiń danaea.”

2 Samuel 16:11

Dạud do unre Abisae ar uniren sanam kạmiyạkoe metatʼkoa, “Ińren hoponge ińakʼ jiwi hatao reakʼe kurumuṭu kan khan Benjamin gusṭiren nui hoṛ do cetʼ artetʼge bae onkaea. Uni okae cekayetʼkan ona baṛe onka ocoaepe, ente Probhu Isorge ona onkae lạgitʼe metaekana.

2 Samuel 15:13

Mitʼṭen hoṛ Dạud ṭhen hecʼkateye metadea, “Israelkoakʼ mon do Absalom secʼ ạcur akantakoa.”

1 Samuel 22:13

Sạul do uniye metadea, “Am ar Jisạiren hopon aben do iń upạrte cedakʼ ben soṛojontrokeda? Iń upạrte tãṛãkʼkate jemone hul daṛeakʼ onate am do piṭhạ ar tarwaṛem emadea ar unire Isorakʼ sana do cetʼ kana mente ona hõm kuliyana.”

1 Samuel 22:9

Edomren hoṛ Doeg do unre Sạulren kạmiyạko sorregeye tahẽkana. Uni doe menkeda, “Iń do Jisạiren hopon Nob atore Ahiṭubren hopon Ahimelek ṭhen senokʼ iń ńelakadea.

1 Samuel 22:7

Uni do onkoe metatʼkoa, “Benjamin gusṭiren hoṛko ańjompe, Jisạiren hopon do cetʼ jaega-jumi ar darkha bagwankoe emakatʼpea? Uni do cetʼ hajarko cetanre ar sae saeko cetanre subedare bahalpea?

1 Samuel 20:27

Dosar hilokʼ, metakʼme molok cando porob reakʼ dosar hilokʼ hõ Dạudakʼ ṭhạ̃i do khạlige tahẽyena. Unre Sạul do acʼren hopon Jonathane kulikedea, “Jisạiren hopon do cedakʼ jojom bae hecʼlena? Hola hõ bae hecʼlena, ar teheń hõ baṅ.”

Bikʼcạrko 8:35

Jerubakʼal, metakʼme Gideon cetʼlekae bhạlạiyletʼko onko do uniyakʼ gharońj lạgitʼ onka bako kạmileda.

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

2 Bõsbudạ 10:17

Menkhan Jihudạ gusṭirenko reakʼ atoko ar nagrahakore okoe Israelkoko girobasokʼ kan tahẽkan Rehobiam do onko cetanre rajokʼe ehopʼena.