2 Bõsbudạ 10:14 - সান্তালী বাইবেল

¹⁴ Ar onko juạnkoakʼ sopolha lekageye metatʼkoa, “Ińren ạpuń do apeakʼ arãṛe hamal ocoleda menkhan iń do artetʼgeń hamal ocoya. Ińren ạpuń doe cạbukteye dalletʼpea, menkhan iń do kidiń kaṭkomkoteń dalpea.”

2 Bõsbudạ 10:14 Referans Kwoze

Jakob 3:14

Menkhan apeakʼ ontor do hiskạte haṛhatʼ ar dola duli menakʼ khan enḍekhan akel reakʼ do alope sarhaokʼa, ar sạriyakʼ do alope ạuṛiyaga.

Daniel 6:7

Sanam raj-cakʼlaoko, disạm cakʼlaoko ar subedarko, sopolhako ar bibhagren cakʼlaoko onko sanamkoge mitʼ kathareko rạjiyena je, maharaj do mitʼṭecʼ kajak hukum jemone emokʼ. Ar ona hukum do hoyokʼ kana, jãhãe hoṛ pegel din hạbicʼ E maharaj, am chaḍa eṭakʼ debotako se manwa ṭhene koejoṅ enḍekhan uni do dhạcri kulakʼ ghaḍlakʼre giḍikae hoyokʼa.

Sosolhayic̕ 10:16

Hae, ona disạm do! Okare kạ̃ṛmĩren bacṛa hopon do raj hudại ńam ar onḍenko mukhiyạko do setakʼ hạbicʼ bhojko jom.

Sosolhayic̕ 7:8

Jãhãnakʼ reakʼ etohopʼ khon mucạtʼge bhagea, ar bạḍại khon sombhurikʼge bhagea.

Sosolhayic̕ 2:19

Uni hoṛ do ạkilan se lelhayicʼe hoyokʼa ona do okoeye baḍaea? Enhõ uni do ińakʼ khaṭaoakʼ reakʼ mạlike hoyokʼa, oka do siń cando latarreń khaṭaolen ariń hameṭakatʼ. Noa hõ ạuṛiyakʼgea.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Kạhtukko 12:5

Isor botorae hoṛkoakʼ hudisko do bhageakʼkote perecʼgea, menkhan bedhoromkoakʼ solhare do phạsiạratetʼ menakʼa.

Johan sodor 9:3

ar ona dhũạ khon ạḍi utạr pohoko dhạrtiteko oḍok hecʼena. Onko do dhạrtiren kidiń kaṭkom leka ektiạriko emocoyena.

Johan sodor 9:5

Noko hoṛko do gocʼko reakʼ jãhãn ektiạri do bako emocolena, menkhan mõṛẽ cando hạbicʼ saset emako reakʼ ektiạriko emocoyena. Kidiń kaṭkomkoko totoṛre cetʼleka hasoa, onkage noko pohoko hõko haso ocoa.

Johan sodor 9:10

Onkoakʼ canḍbol ar suṅgạ do kidiń kaṭkomakʼ canḍbol ar suṅgạ leka tahẽkana. Mõṛẽ cando hạbicʼ hoṛko hạ̃nko reakʼ ektiạri onkoakʼ canḍbolre tahẽkana.

2 Bõsbudạ 10:13

Raj do murubbikoakʼ sopolha bae hetawatʼte ạḍi keṭecʼ kathateye roṛ ruạṛatʼkoa.

2 Bõsbudạ 10:15

Nonkate raj do hoṛkoakʼ katha bae luturada. Siloren Ạhiạ hotete Probhu Isor do Nabatren hopon Jerobiamakʼ oka kathae menletʼ ona purạu lạgitʼ Isor khonge noa ghoṭna do hoyena.