2 Bõsbudạ 1:8 - সান্তালী বাইবেল

⁸ Solomon do Isorre roṛ ruạṛadea, “Am do ińren ạpuń Dạud cetanre asambheṛ dulạṛem udukʼ akada ar uniyakʼ jaegare ińem raj akadińạ.

2 Bõsbudạ 1:8 Referans Kwoze

1 Bõsbudạ 28:5

Uni do aema hoponkoe emadińa, ar onko hoponińko modre Probhu Isorakʼ rajosṭi Israelakʼ siṅghạsonre duṛubokʼ lạgitʼ uni do ińren hopon Solomone bachao akawana.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

Sereńko 89:49

E Probhu Isor, okayena amakʼ ona asambheṛ dulạṛ do? Amakʼ pạtiạrtetʼ khạtirte ona dulạṛ reakʼ gokʼakʼ oka do Dạud ṭhenem onkaletʼ.

Sereńko 86:13

Iń lạgitʼ amakʼ asambheṛ dulạṛ reakʼ simạ do bạnukʼa; patal puri reakʼ latar utạr jaega khon am do ińakʼ jiwim rukhiyạ akatʼtińạ.

1 Bõsbudạ 29:23

Unre Solomon do acʼren apat Dạud bodolte raj lekate siṅghạsonreye duṛupʼena. Ar sanamakʼre uni doe jo bahayena ar sanam Israelko do uniyakʼ katha lekako calakʼkan tahẽkana.

2 Samuel 22:51

Probhu Isor do acʼren raj ḍher dhaoe jitạu ocoyea; hẽ, acʼren ojokʼicʼ lạgitʼ Dạud ar uniren bõsko lạgitʼ uni do acʼakʼ jaejug asambheṛ dayae udukʼetʼ kana.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

1 Bõsbudạ 17:16

Niạko katha ańjomkate Dạud raj do tạmbu bhitriteye boloyena ar Probhu Isor samaṅre duṛupʼkateye menkeda, “E Probhu Isor, ińge baṅ cetʼ ar ińakʼ bõsge baṅ cetʼ, am do nunạkʼ hạbicʼem ạyur ạguakadińạ.

1 Bõsbudạ 29:28

Uni do ḍher bochor jiwetʼ tahẽkanre dhon ar mane arjawan tahẽkana ar ạḍi haṛam umerreye gocʼena. Uniren hopon Solomon do acʼ apat bodolteye rajena.