2 Bõsbudạ 1:14 - সান্তালী বাইবেল

¹⁴ Solomon do ạḍi utạr rãt gạḍiko ar sadomkoe jogaṛketʼkoa. Onate uniyakʼ do mitʼ hajar ponsae rãt gạḍiko ar gelbar hajar sadomko hoyentaea. Ar noako rãt gạḍi do nagrahakore ar Jerusalemre acʼ ṭhene dohokeda.

2 Bõsbudạ 1:14 Referans Kwoze

1 Rapajko 4:26

Solomonakʼ rãt gạḍi lạgitʼ do pongel hajar oṛakʼ ar gelbar hajar aswariko tahẽkana.

2 Bõsbudạ 9:25

Sadom ar rãt gạḍiko lạgitʼ Solomonakʼ do pon hajar oṛakʼ tahẽkana. Uniren do gelbar hajar aswariko tahẽkana; onko do rãt gạḍi dohoy reakʼ nagrahakore ar Jerusalemre apnar ṭhene dohoyetʼko tahẽkana.

1 Rapajko 9:19

acʼakʼ sanam gola-nagrahako ar rãt gạḍiko ar aswariko lạgitʼ nagrahakoe benaokeda, metakʼme, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona do jotogeye benaokeda.

1 Rapajko 10:16

Solomon raj do sona kuṭạm capṛa ocokate barsae ḍhalkoe benao ocokeda. Mimitʼ goṭecʼ ḍhalre eae keji irạl sae gram sona lagaolen tahẽkana.

Dosar Biboron 17:16

Uni raj do acʼ lạgitʼ ḍher sadomko aloe dohojoṅma ar inạ tayom arhõ aema sadomko ńamjoṅ lạgitʼ Misor disạmte Israelko aloe kolkoma, ente Probhu Isore menakada, ‘ona disạmte do ar tishõ alope ruạṛ calakʼa.’

1 Rapajko 5:6

“Onate hukum emokʼme iń lạgitʼ Lebanon disạm khon debdạru dareko jemon makʼ ạgukʼ. Ińren hoṛ hõ amren hoṛko sãoteko tahena ar am cetʼleka mujurim ṭhik dohoako onkage iń do amren hoṛkoń emakoa. Entem baḍaegea Sidonrenko do dare makʼ ar gegetʼreko gạkhuṛgea.”

2 Bõsbudạ 8:6

Uni do Balat nagraha ar ona reakʼ joto do gola nagrahae benaokeda ar rãt gạḍiko ar aswariko lạgitʼ hõ mitʼ bar nagrahakoe benaokeda. Jerusalemre, Lebanonre ar acʼakʼ ḍanṭao gobolre okako rajosṭi tahẽkan onako modre okako benao dohṛae menletʼ ona sanamakʼkoe benaokeda.