2 Bõsbudạ 1:11 - সান্তালী বাইবেল

¹¹ Unre Isor do Solomone metadea, “Amakʼ mon reakʼ sana do bhagegea. Am do dhon-durib, sonman se bạirikoakʼ gujukʼ hõ bam khoj akada, se ḍher dinem bahaokʼ reakʼ hõ bam khoj akada. Ona khon boroṅ amren okoe hoṛko cetanreń raj akatʼme onko ḍanṭaoko lạgitʼ bud ar ạkilgem khoj akada.

2 Bõsbudạ 1:11 Referans Kwoze

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.

Kạhtukko 23:7

ente uni doe nonkan hoṛ kana okoe do sanam ghạṛicʼ acʼakʼ jomakʼ reakʼ dame hisạb baṛayetʼ. Uni doe metama, “Ne jomme ar ńũime,” Menkhan uniyakʼ mon do am tulucʼ bạnukʼtaea.

1 Samuel 16:7

Menkhan Probhu Isor do Sạmuele metadea, “Uniyakʼ rup se tinạkʼe usula ona do alom ńela, ente uni doń nihạ̃t akadea. Manwa okaṭakʼe ńel onate do jãhãnakʼ do baṅ cekakʼa, ente manwa do bahre rupko ńela menkhan Probhu Isor do ontorgeye ńeleda.”

Jakob 3:13

Ape modre akel ar budan hoṛ doe okoekana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

Ibriko 4:12

Isorakʼ katha do jiwetʼgea ar jojaoakʼ kangea ar dene banar dharanakʼ tarwaṛe khon hõ bạ̃ṛti lasergea. Noa katha do manwa jiwi ar jiu, uṭi ar tumul hạṭiń begar hạbicʼ hõ sobokʼakʼ kana ar manwa ontor reakʼ sanam monejoṅakʼ ar hudisko biḍạu aṭkarakʼ kana.

Aposkạmi 5:4

Ạkhriń lahare jumi do cetʼ amakʼge baṅ tahẽkana? Ar ạkhriń tayom hõ ṭaka do cetʼ amakʼ tirege baṅ tahẽkana? Enḍekhan cedakʼ nonkan kạmi dom kạmikeda? Am do manwa ṭhen eṛe do bam roṛ akada, menkhan Isor ṭhengem roṛ akada.”

Kạhtukko 14:8

Acʼakʼ hore orom ona kangea budan hoṛakʼ ạkil do, menkhan chol kopoṭ do bebuj hoṛkoakʼ lelhatetʼge.

1 Bõsbudạ 28:2

Ar Dạud raj do teṅgoyente onkoe metatʼkoa, “E ińren boehako ar ińren hoṛko, ińakʼ katha baṛe luturakʼpe. Probhu Isorakʼ bondobos sinduk lạgitʼ, metakʼme aleren Isorakʼ jaṅga dohoytae lạgitʼ mitʼṭecʼ oṛakʼ benao reakʼ mone tahẽkantińạ, ar iń do ona benao lạgitʼ hõń sapṛaolena.

1 Rapajko 8:18

Menkhan Probhu Isor do ińren ạpuń Dạude metade tahẽkana, ‘iń lạgitʼ mitʼṭecʼ oṛakʼ benao reakʼ monsubạ amakʼ ontorre menakʼtam ona do bhagegea.

2 Bõsbudạ 1:12

Ona iạte am do bud ar ạkilem em ocoyena. Ona chaḍa iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”

1 Rapajko 10:24

Solomonakʼ ontorre Isor do oka ạkile emade ona ạkilte perecʼ katha ańjom lạgitʼ dhạrti reakʼ sanam disạm khon uni sãote ńapamokʼ lạgitʼko kurumuṭuyetʼ tahẽkana.

Kạhtukko 8:15

Rajko do iń hotete rajosṭiko calaoeda, ar mukhiyạko do hokte perecʼ ạnko benaoeda;