2 Bõsbudạ 1:10 - সান্তালী বাইবেল

¹⁰ Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

2 Bõsbudạ 1:10 Referans Kwoze

1 Rapajko 3:9

Onate amren hoṛko ḍanṭaoko lạgitʼ okaṭakʼ ṭhik ar okaṭakʼ do bhul kan ona baḍae lạgitʼ amren gutiyakʼ ontorre bujhạu lạgitʼ daṛe emaeme; ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”

Kạhtukko 4:7

Ạkilge asolakʼ do ạkil hatao joṅme; ar amakʼ menakʼakʼkote buj kiriń joṅme.

2 Samuel 5:2

Sạul do aleren raje tahẽkanre Israelkoren lạṛhại phạdko do amgem ạyuretʼko tahẽkana; ar Probhu Isor do amgeye metatʼme tahẽkana acʼren hoṛko, metatʼme Israelko ńel todarotkom ar onkoren mukhiyạ hoyokʼme.”

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

2 Korinthiko 3:5

Menkhan apnarte jãhãnakʼ cekae reakʼ daṛe menakʼtalea mentele dạbi daṛeakʼa ona do baṅ, bickom ona lektetʼ do Isor ṭhen khonge hijukʼ kana.

Sereńko 119:73

Amakʼ titege ińem tear akadińạ, arem benao rakapʼ akadińạ; iń bujhạu lạgitʼ daṛe imạńme jemon amakʼ sanam hukumkoń baḍae daṛeakʼ.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Dosar Biboron 31:2

“Ińakʼ umer do mitʼsae bargel bochor hoyakana. Iń do ar bạń kạmi daṛeakʼkana. Probhu Isor doe men akawạdińạ, iń do jordan gaḍa bạń parom daṛeakʼa.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

1 Bõsbudạ 22:12

Probhu Isor do Israelko ḍanṭaoko reakʼ bhar tinre am cetanreye emokʼa unre uni do bud ar ạkil hõe jimạwama jemon amren Probhu Isorakʼ ạn-ạrikom dohoytae.

Kạhtukko 8:15

Rajko do iń hotete rajosṭiko calaoeda, ar mukhiyạko do hokte perecʼ ạnko benaoeda;