2Timothi 4:17 - সান্তালী বাইবেল

¹⁷ Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Santali Common Language New Testament

¹⁷ Menkhan Probhu do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

2Timothi 4:17 Referans Kwoze

1 Patras 5:8

Apnar sambṛaokʼpe ar sontor akae tahenpe, ente aperen bạiri Soetan do hạnḍrạukʼkan dhạcri kul lekae dhãoṛa dhạ̃uṛi baṛaekana jãhãegeye utʼgotʼkaea mente.

Sereńko 22:21

Onko dhạcri kulkoakʼ moca khon de bańcaoińme. Onko bir sanḍ ḍaṅgrawakʼ dereń khon hõ amgem rukhiyạ kedeńạ.

1 Samuel 17:37

Dạud do arhõe menkeda, “Probhu Isor, okoe do dhạcri kul ar banako khone rukhiyạ akadiń, unige uni Philisṭi hoṛ khone rukhiyạyińạ.” Unre Sạul do Dạude metadea, “Enḍekhan do calakʼme, Probhu Isor do am sãoteye tahenma.”

Aposkạmi 9:15

Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Ibriko 11:33

Biswạs hotetege onko do rajosṭiko jitạuleda, hok reakʼko bicạrleda, Isorakʼ gokʼakʼko ńamleda, dhạcri kulkoakʼ mocako bondletʼtakoa,

Sereńko 109:31

ente uni do reṅgecʼ orecʼko aṛereye tahena, jemon behok reakʼ bicạr khon onkoakʼ jiwiye rukhiyạitako.

Aposkạmi 23:11

Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

2 Patras 2:9

Noako khon ńelokʼkana, okoe Probhu Isorko botoraekan onko do biḍạu tala khon bańcaoko doe baḍaegea.

Mathae 10:19

Hoṛkoko soprot lepere alope bhabnakʼa cetʼ leka se cetʼkope roṛa mente. Ente cetʼko roroṛ hoyokʼa ona do unregepe lại ocokʼa.

Daniel 6:27

Uni do rurukhiyạ are babańcaoa; uni do sermare ar dhạrtire hõ cinhạ lekate ạḍi lekan hahaṛa kạmikoe kạmikana. Uni do dhạcri kulkoakʼ moca khon Daniele rukhiyạ akadea.”

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.

1Timothi 1:12

Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Luk 21:15

ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Kạhtukko 28:15

Hạnḍrạukʼka dhạcri kul ar ghis ghisạu baṛaekan bana cetʼleka, onkage uni bạṛicʼ hoṛ do one okoe nandankoren cakʼlaoicʼe hoyokʼkan.

Kạhtukko 20:2

Rajakʼ raṅgao do dhạcri kulakʼ gondrao leka; uni okoeye raṅgao ocoye uni do acʼakʼ jiwi muskilreye paṛao ocoytaea.

Luk 1:1

Manotan Thiophil, aboko talare okako ghoṭna hoylen ar pạhil khon okoekoko ńelletʼ ar Isorakʼ bhage sombatko porcarletʼ, onko do ale sanamakʼko baḍae ocoakatʼlea, ar onkoakʼ katha lekage ḍher hoṛ do ona reaṅko ol akada.

Romiko lạgitʼ Pạul Apostolakʼ ciṭhi 15:31

Koejoṅpe, Jihudiạre okoe do Isorko henostawekan onkoakʼ ti khon jemon rukhiyạń ńam, ar Jerusalemre Isorren hoṛko jemon ińakʼ noa goṛoko ataṅ daṛeakʼ.

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

2Timothi 4:5

Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.

Titus lạgitʼ Pạul Apostolakʼ ciṭhi 1:3

Aboren babańcaoicʼ Isorakʼ hukum leka okań lại jạhiretʼkan ona hotete Isor do acʼakʼ katha ṭhik okteregeye sodor akada.