2Timothi 3:17 - সান্তালী বাইবেল

¹⁷ jemon Isorren hoṛ purạte lek leka hoykate bhage kạmi lạgitʼ sajakanicʼe hoydaṛeakʼ.

Santali Common Language New Testament

¹⁷ jemon Isorren hoṛ purạte lek leka hoekate bhage kạmi lạgitʼ sajakanicʼe hoedaṛeakʼ.

2Timothi 3:17 Referans Kwoze

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

2Timothi 2:21

Okoe do noako bemanotakʼ bhajan leka kanko, onko khon pharakokʼte jãhãe apnare saphakʼ enḍekhan uni do nonkanakʼ bhajan lekae hoyokʼa okaṭakʼ do manot lạgitʼ beoharokʼkan. Sonot lạgitʼge uni doe bachao doho ocokʼa, uni do Probhu Isorakʼ kạmireye lagaokʼa ar sanam lekan bhage kạmi lạgitʼ tear akane tahena.

2 Korinthiko 9:8

Isor do joto secʼte dayawape reakʼ daṛe menakʼtaea, jemon apeakʼ oka jạruṛokʼ ona do jaoge tahentape; ar onate jemon joto lekan bhage kạmi lạgitʼ khulạsatepe dan daṛeakʼ.

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Ibriko 10:24

Dela, mimitʼko reaṅ bon dạndikʼma jemon dulạṛ ar bhage kạmi lạgitʼ mimitʼko uskur bon emako.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Titus lạgitʼ Pạul Apostolakʼ ciṭhi 3:1

Isorren hoṛko disạ ocokom jemon onko do mạliki ar ektiạri menakʼtako hoṛ gobolreko tahente, onkoakʼ hukumko batao ar hoṛkoakʼ sanam lekan bhage kạmi lạgitʼ sapṛao akanko tahen.

Nehemiạ 2:18

Ińren Isor cetʼlekae bhạlại akadiń ar raj okae men akawạdiń ona do onkoń baḍae ocoketʼkoa. Onkoko roṛ ruạṛadińa, “Dela enḍekhan, benao bon ehopʼlege.” Ar niạ menkate ona bhage kạmi ehopʼ lạgitʼko sapṛaoena.

Titus lạgitʼ Pạul Apostolakʼ ciṭhi 1:16

Onko do Isorko baḍaeyede kana menteko lạiyogokʼ kana, menkhan akoakʼ kạmi hotete uni doko baṅekana. Onko do hirkhạ ocokʼko ar bebataoko kanako ar sanam bhage kạmi lạgitʼ doko okạjuạgea.

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.