2Timothi 3:10 - সান্তালী বাইবেল

¹⁰ Am do ińakʼ sikhnạt, cạl-colon, monsubạ, biswạs, sahao daṛe, sombhuri ar dulạṛ do bestegem nirik akada.

Santali Common Language New Testament

¹⁰ Am do ińakʼ sikhnạt, cạl-colon, monsubạ, biswạs, sahao daṛe, sombhuri ar dulạṛ do bestegem nirik akada.

2Timothi 3:10 Referans Kwoze

1Timothi 6:11

Menkhan am do Isorren hoṛ kanam; noako khon men ńirjoṅme. Ar dhorom, Isor bhokti, biswạs, dulạṛ, sobori, ar mạ̃hir baṛe khudạu me.

Titus lạgitʼ Pạul Apostolakʼ ciṭhi 2:7

Sanamakʼrege am do onko ṭhen bhage kạmi reakʼ nạmuna hoyokʼme. Amakʼ cecetʼakʼre bạṛicʼ monsubạ ar baṅ moneyakʼ mon jemon alo tahen.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

Philipiko lạgitʼ Pạul apostolakʼ ciṭhi 2:22

Menkhan apepe baḍaegea, Timothi do acʼakʼ pạtiạrtetʼe sạbud akada, ente cetʼleka gidrạ do apat tulucʼe kạmiyetʼkan onkage uni do iń tulucʼ Jisu Mạsi reaṅ bhage sombat porcar kạmireye khaṭao akana.

Ibriko 13:9

Aema lekan nãwã nãwã cecetʼakʼte bhul horte jemon aloko bulạu idipe. Aboakʼ mon do dãṛẽ samaṅ akatʼ jomakʼre tahẽ baṅkate Isorakʼ dayare jemon kajakte ṭarhao akae tahen. Okoe ona jomakʼreko ṭehãḍokʼkan tahẽkan, onko do ona jomakʼ khon jãhãn porho baṅ hoylentakoa.

Aposkạmi 11:23

Ar Antiokiạren hoṛko Isorakʼ dayako ńamakada menteye ńelketʼ khan Barnabas do ạḍiye rạskạyena. Onko jemon goṭa ontorte Probhu Isorre biswạsko tahen onate uni do sanamkoe sikhạu paṛhaoketʼkoa.

2 Patras 3:11

Sanamakʼge nonka marao lạgidokʼkan khan enḍekhan cetʼ lekanko hoyokʼ lektapea? Ape do gagojokʼ tulucʼ Isorakʼ din koyokʼ horre tahente sonot ar Isor bhoktite jion khemao lektapea.

2Timothi 4:3

Nonkan okteko hijukʼa tinre hoṛko do sạriyakʼ reakʼ sikhnạt bako sahao daṛeakʼa, bickom akoakʼ sana purạu lạgitʼ nonkan aema gurukoko ḍạṅjoṅa okoe do onko kusi ocoko leka sikhnạtko emokʼ.

2Timothi 2:22

Juạn umer reakʼ bạṛicʼ sanako khon ńirjoṅme ar sapha ontorte okoe do Probhu Isorko hohowaekan onko tulucʼ dhorom, pạtiạr, dulạṛ ar suluk baṛe khudạume.

1 Thessalonikikko 1:5

ente alele porcar akatʼ bhage sombat do eken katha motote do baṅ seṭer akatʼpea, menkhan daṛete, sonot Jiute ar purạ khạṭi salakʼ hecʼatʼpe tahẽkana. Ape sãote tahẽkan jokhecʼ apeakʼ bhạlại lạgitʼ cetʼ lekale colonetʼkan tahẽkan ona mape baḍaege.

2 Korinthiko 1:17

Cetʼpe hudiseda iń do tamasate noań ṭhik akada? Hoṛko cetʼleka mitʼ ghuṛite “Hẽ” arko “Baṅ” onkage cetʼ jãhãnakʼ iń hõń goṭayeda?

Romiko lạgitʼ Pạul Apostolakʼ ciṭhi 16:17

E boehako, okaṭakʼ sikhnạtpe ńamakatʼ ona upạrte okoe do kạphạriạu ar tạkicʼakʼko janam ocoyetʼkan onko oromkakope ar onko khon sahaṛokʼpe,

Aposkạmi 26:4

“Iń do gidrạ khonge, metakʼme ińakʼ jion reakʼ pạhil khon ińakʼ disạmre ar tayomte Jerusalemren hoṛko talare cetʼlekan jioniń khemaoetʼ tahẽkan ona do sanam Jihudikoko baḍaegea.

Aposkạmi 20:18

Ado onko onḍeko seṭeren khan Pạul do onkoe metatʼkoa, “Asiạ disạmreń hecʼen pạhil din khon ape sãote jaoge cetʼ lekań khemaoletʼ ona dope baḍaegea.

Aposkạmi 2:42

Onkoko hoṛ do apostolkoakʼ cecetʼakʼko ańjometʼkan tahẽkana, ar onko sãote mitʼte Probhu kedokʼko ataṅetʼ tahẽkana ar koejoṅre jamaṛ akanko tahẽyena.

Luk 1:3

Ar iń do onako reaṅ pạhil khonge mońj okocʼte suṭhik hataokate, mitʼṭecʼ mitʼṭecʼkate olam do besiń hudiskeda.

1Timothi 1:3

Makedoniạte calakʼ jokhecʼ cetʼ lekań galmaraoatʼme tahẽkan ńitokʼ hõ onkageń metam kana, am do Ephesus nagraharege tahẽ hataṛokʼme, jemon adom adom hoṛem hukumako onko do eṛe cecetʼakʼ aloko emokʼ.

Ephesiko lạgitʼ Pạul Apostolakʼ ciṭhi 4:14

Bạṛicʼ bulạuakʼte eṭakʼko bhul horte idiko lạgitʼ oka bhul sikhnạtko emakokan, ona bhul sikhnạt iạte abo do hoete sokojokʼkan ḍheoko leka hante nate alo bon sokojokʼma.

Daniel 1:8

Daniel do menkhan mone moneteye goṭakeda, rajakʼ jomakʼ ar darkha rasate apnar do bae besaphakʼa. Ar apnar jemon aloe besaphakʼ onate uni cạkrạkoren sordar ṭhene arojkeda.

Philipiko lạgitʼ Pạul apostolakʼ ciṭhi 2:20

Iń sãote nonkan ar okoe hõ bạnukʼkoa, one okoe do Timothi leka ape lạgitʼ sạrigeko dạndikokʼkan.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

2Timothi 4:7

Bhage lạṛhại iń lạṛhại kana, iń lạgitʼ ṭhik akatʼ horre mucạtʼ hạbicʼ iń ńir calao akana ar Mạsiyakʼ dhorom biswạsiń sapʼ dohoakada.