2Timothi 2:12 - সান্তালী বাইবেল

¹² Sombhurikate bon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

Santali Common Language New Testament

¹² Sombhuri katebon sahao daṛeakʼ khan, enḍekhan uni tulucʼ raj hõ bon calaoa. Ar uni bon baṅle khan, enḍekhan uni hõ aboe baṅbona.

2Timothi 2:12 Referans Kwoze

Romiko lạgitʼ Pạul Apostolakʼ ciṭhi 8:17

Ar gidrạko bon hoyakan khan, enḍekhan Isor acʼren gidrạko okaṭakʼ emokʼ reakʼe gokʼatʼko tahẽkan abo hõ ona bon ńama. Mạsige Isor ṭhen khon onae ńama ar abo hõ uni sãote ona bon ńama, ente Mạsi sãote bon harket sasetlen khan abo hõ uni sãote ṭhonokren bhạgiyạdar bon hoyokʼ.

Mathae 10:33

Menkhan okoe hoṛko samaṅre ińe baṅeń iń hõ ińren sermare menae Baba samaṅre uniń baṅea.

Johan sodor 20:4

Ona tayom adomakʼ siṅghạsonkoń ńelkeda, ar okoe onareko duṛupʼ akan tahẽkan onko do bicạr reakʼ ektiạriko em ocoakan tahẽkana. Isorakʼ katha ar Jisu reakʼ cecetʼakʼ lekate calakʼ iạte okoe do bohokʼko makʼ ńur ocoakan tahẽkan, onko hoṛakʼ jiwikoń ńelkeda. Onko do uni janwar ar uniyakʼ muṭhạn hõ bako sewawakʼkan tahẽkana ar moloṅre se tire cinhạ hõ bako hataoleda. Onko doko jiwetʼente mitʼ hajar bochor hạbicʼ Mạsi tulucʼ rajosṭiko calaokeda.

Johan sodor 20:6

Menkhan ona hajar bochor ạuri purạukʼ hạbicʼ sarecʼ akan gocʼ hoṛ do bako jiwetʼlena.

Luk 12:9

Menkhan okoe hoṛko samaṅre ińe baṅeń, uni do Isorren goḍetko samaṅreye baṅ ocokʼa.

Johan sodor 5:10

Am do onko hotete mitʼṭecʼ rajosṭim benao akada ar aboren Isorakʼ sewae lạgitʼ naekekom hoyocoketʼkoa. Dhạrtire onkoge rajosṭiko calaoa.”

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiyạdariń hoyakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Jihudạwakʼ ciṭhi 1:4

Noa do jạruṛgea, ente sedaere okoe hoṛkoakʼ sạjại reaṅ katha sostorre olakan onko do ape talare hape hapeteko bolo akana. Noko hoṛkore Isor bhokti do bạnukʼanaṅ; ar aboren Isorakʼ daya do lucạ lamoṭ menteko ạnḍuṅeda ar okoe aboren mitʼ goṭen mạlik are Probhu kan uni Jisu Mạsi do bako aṅgoc edekana.

Philipiko lạgitʼ Pạul apostolakʼ ciṭhi 1:28

Okoe ape upạrte menakʼko onkoakʼ okaṭakʼtege ape do alope botorokʼa. Ar noatege sạbudokʼa, onko do nosṭokʼ secʼko calakʼ kana ar ape do bańcao secʼ; ar noa bańcao do Isor ṭhen khonge hijukʼkana.

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

Mathae 26:35

Patrase menkeda, “Am saõte gujukʼ hoyokʼtińre hõ iń do ohogeń baṅlema.” Ar eṭakʼ celako hõ onka lekako menkeda.

Johan sodor 3:8

uni do noa kathae meneda; iń do amakʼ kạmi reakʼ kathań baḍaegea. Ńelme, iń do am lạgitʼ jhicʼ akatʼ mitʼṭecʼ duạriń dohoakada, one oka siń reakʼ ektiạri do okoeyakʼ hõ bạnukʼtako. Ińiń baḍaea amakʼ daṛe do thoṛagetama, menkhan enhõ am do ińakʼ katham dohoakada ar bam baṅ akadińạ.

Kạhtukko 30:9

Jemoniń bilenre aloń hiṛińme ariń men, “Probhu doe okoe kana?” Ar reṅgecʼlenre aloń kombṛoe ar ińren Isorakʼ ńutum aloń besonot ocoytae.

Mark 10:33

Uni doe metatʼkoa, “Ńelpe, Jerusalemte bon calakʼ kana. Onḍe Manwa Hopon do maraṅ naekeko ar sostor baḍaeko ṭhenko soprotea. Onko do gujukʼ lek kanae menteko bicạr dusiyea ar boṅgan hoṛ jạtrenkoakʼ tireko soprotea.

Mathae 26:75

Unre Patras do Jisui metade tahẽkan kathae disạkeda, “Sim sạnḍi ạuriye ragre pe dhaoem baṅeńa.” Ar bahrete oḍok senkate hũk hũke rakʼkeda.

Johan sodor 1:6

Uni do aboko hotete mitʼṭecʼ rajosṭiye benao rakapʼakada ar acʼren Baba ar Isorakʼ sewa lạgitʼ naekeye hoyoco akatʼbona. Jaejug hạbicʼ Jisu Mạsiyakʼge ṭhonok hoyokʼtae ma ar jaejug hạbicʼ uniyakʼ daṛe do tahẽakae tahen ma. Amen.

Luk 22:29

Ińren Baba cetʼleka ektiạriye emakawạdiń onkage iń hõ apeko ektiạriń dan akawatʼpea.

Luk 22:30

Onate ińakʼ rajre ape do iń tulucʼpe jom ńũiya ar siṅghạsonre duṛupʼkate Israelren gel bar khũṭrenkoakʼpe bicạrtakoa.

Romiko lạgitʼ Pạul Apostolakʼ ciṭhi 5:17

Mitʼṭen manwawakʼ kại gunạkʼte gujukʼ ar uni mitʼ hoṛ hotetege rajokʼe ehopʼleda. Menkhan okoe do Isorakʼ asambheṛ daya ar dhorom menteko ataṅ ocokʼ, onko do uni mitʼ hoṛ, metakʼme Jisu Mạsi hotete sạri jion reakʼ perecʼtetʼ iạte khạṭigeko rajokʼa.

1Timothi 5:8

Okoe acʼren peṛako, asokaete apnar gharońjrenko bae ńel jutko uni do biswạse baṅ akada; ar bepạtiạuicʼ khon hoe bạṛicʼgea.

Johan sodor 3:10

Sobori reakʼ okań hukumatʼme tahẽkan ona dom dohoakada; onate dhạrtire oka duk reakʼ ghuṛi daraekan ona khon iń doń rukhiyạmea. Ar okoe doko noa dhạrtirenkan onko biḍạuko lạgitʼge noa duk reakʼ okte do hijukʼa.

Johan sodor 3:21

“Jitạukʼkate cetʼleka iń do ińren Baba tulucʼ uniyakʼ siṅghạsonreń duṛupʼ akan, onkage okoeye jitạukʼa, uni do iń tulucʼ ińakʼ siṅghạsonre duṛupʼ reakʼ ạidạriń emaea.