2Timothi 2:10 - সান্তালী বাইবেল

¹⁰ Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭjoṅ.

Santali Common Language New Testament

¹⁰ Onate Isor okoeye bachao akatʼko onko lạgitʼ jotowakʼ iń sahao akada, jemon onko hõ Jisu Mạsi hotete kại khon bańcaoko ńam ar jaejug ṭhonokko hameṭ joṅ.

2Timothi 2:10 Referans Kwoze

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

1 Patras 5:10

Joto secʼteye dayawape kan Isor do acʼakʼ jaejug ṭhonokren bhạgiyạdarko hoyokʼ lạgitʼe hohoakatʼpea, ente ape do Mạsi tulucʼpe kolom mitʼ akana. Ar thoṛa din dukpe jomle anecʼ Isor do acʼgeye sạbit utạrpea are kajak ocopea, daṛeye emapea ar keṭecʼ rehetʼ cetanreye teṅgopea.

2Timothi 2:3

Mạsi Jisuren mitʼṭen lek lekanicʼ sipạhi leka am do ale sãote duk sahaome.

2 Korinthiko 1:6

Ale okaṭakʼ dukle jometʼkan ona do apeakʼ jiwi raṛecʼ ar bańcaope lạgitʼgele onkayeda; ar oka jiwiraṛecʼle ńametʼkan ona do ape lạgitʼgele ńametʼkana. Ale leka tinre ona dukpe joma unre niạ jiwi raṛecʼ do ona duk sahao lạgitʼe goṛowapea.

2 Korinthiko 4:17

Ale do ńitokʼ mitʼ ghạṛi lạgitʼ okale dukokʼkan ona khạtirte jaejug ṭhonokle hameṭ joṅa. Noa ṭhonok do nunạkʼge ḍhera je, ona do ohoge soṅlena.

1 Patras 2:10

Mitʼ jokhecʼ Isorren hoṛ do bape tahẽkana, menkhan ńitokʼ dope hoyakana; mitʼ jokhecʼ ape do daya bape ńamakatʼ tahẽkana, menkhan ńitokʼ dope ńamakada.

1 Thessalonikikko 5:9

Sạjại ńam lạgitʼ do baṅ bickom aboren Probhu Jisu Mạsi hotete bańcao ńam lạgitʼge Isor doe ṭhik dohoakatʼ bona.

Kolossiko lạgitʼ Pạul Apostolakʼ ciṭhi 1:27

Isor doe khojkana, boṅgan hoṛ jạtrenko talare hõ uniyakʼ noa sạri okoakʼ reakʼ maraṅ ṭhonok cetʼkana mente, ona jemon acʼren sanam hoṛko baḍae daṛeakʼ. Ona sạriyakʼ do noage, Mạsi do apeakʼ ontorre menaete uniyakʼ ṭhonok ńam reakʼpe as akana.

Ephesiko lạgitʼ Pạul Apostolakʼ ciṭhi 3:13

Onateń nehõrokʼ kana, ape lạgitʼ duk ar sasetiń jometʼte dil alope adtapea, ente ona jotowakʼ do apeakʼ man lạgitʼ hoyakana.

2 Korinthiko 4:15

Sanamakʼ do apeakʼ bhạlại lạgitʼge hoyakana, jemon Isorakʼ oka daya ḍher hoṛkore emakan ona daya iạte ḍher hoṛge arhõ bạ̃ṛti Isorko sarhaoe ar nonkate Isorakʼ ṭhonok hoyokʼ kana.

1 Korinthiko 9:22

Pạtiạure okoeko nijorge onko ṭhen do onko lekan hoṛgeń hoyakana, jemon Mạsi lạgitʼ purạteń lab daṛeako. Metakʼme sanamko ṭhen iń do sanamakʼgeń hoyakana jemon jãhãlekate thoṛa hoṛiń bańcao daṛeako.

Romiko lạgitʼ Pạul Apostolakʼ ciṭhi 9:23

Arhõ uni do acʼakʼ bin mucạtʼ ṭhonok reakʼ katha hõ baḍae ocokoe menletʼ tahẽkana. Okoe uniyakʼ dayako ńamakatʼ onko do laha khongeye tear akatʼko tahẽkana acʼakʼ ṭhonok ńam lạgitʼ.

Romiko lạgitʼ Pạul Apostolakʼ ciṭhi 2:7

Okoe sombhuri salakʼ bhage kạmikote Isor ṭhen khon ṭhonok, man ar bin maraokʼ jionko khojkan, onkoge Isor do jaejug jione emakoa.

Johan 17:24

“E Baba, menjoṅ kạnạń am okoekom emakawạdiń, ińakʼ ṭhonok ńel ocoko lạgitʼ onko do jemon iń okareń tahen onḍeko tahẽ daṛeakʼ. Ona ṭhonok do amgem emakawạdińa, ente dhạrti ạuri sirjạu khonge am dom dulạṛedeń kana.

Johan 17:9

“Sanamko lạgitʼ do bạń nehõrokʼkana, menkhan okoekom emakawạdiń onko lạgitʼ iń nehõramkana, ente amren kangeako.

Johan 11:52

Ar eken Jihudi jạtrenko lạgitʼ do baṅa, menkhan Isorren chirchạtur akan gidrạko samṭaoko lạgitʼ hõ uni doe gujukʼa.

Mathae 24:31

Ar murukte siṅgạ saḍekʼa ar ona são sãote Manwa Hopon do acʼren goḍetkoe kolkoa. Onko do dhạrti reakʼ mitʼ mucạtʼ khon eṭakʼ mucạtʼ hạbicʼ ar ponon secʼ khon acʼren bachao akan hoṛkoko jarwakoa.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Mathae 24:22

Ona saset reakʼ dinko Isor bae khaṭo lekhan okoe hõ ohoko bańcaolena. Menkhan acʼren bachao hoṛko lạgitʼ Isor do onako dine khaṭo ocoya.

Kạhtukko 8:35

Ente okoe ińe ńameńkan uni do jione ńama ar Probhu Isor ṭhen khon dayae ńama.

2 Thessalonikiko 2:14

Ale oka bhage sombatle porcaretʼkan ona hotete bańcao ńam lạgitʼ uni doe hohoakatʼpea, jemon ape do aboren Probhu Jisu Mạsiyakʼ ṭhonok reakʼ bhạgiyạdarkope hoyokʼ.

Luk 18:7

Enḍekhan okoe siń ńindạ Isorko hohoaekan, onko bachao akan acʼren hoṛko lạgitʼ Isor do cetʼ dhorom reakʼ bae bicạra? Uni do cetʼ ona onkae lạgitʼe biloma?

1 Korinthiko 1:21

Isor do acʼakʼ akele ṭarhao akatʼte dhạrtirenko do akoakʼ akelte Isor bako orom daṛeadea. Onate Isor do bhage sombat reakʼ lelhatetʼ iạte biswạsiko kại khon bańcaokoe kusiyena.

2 Korinthiko 12:15

Iń do ạḍi kusikatege oka menakʼtiń ona jotowakʼ ape lạgitʼiń khoroca ar apnartetʼ hõń emokʼa. Asambheṛeń dulạṛetʼpe khan cetʼ ape do komgepe dulạṛińạ?

2Timothi 1:1

Mạsi Jisu hotete jaejug jion reakʼ gokʼakʼ lekate Isorakʼ monejoṅ leka iń Pạul do Mạsi Jisuren mitʼṭen apostoliń hoyakana.

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

Titus lạgitʼ Pạul Apostolakʼ ciṭhi 1:1

Iń Pạul do Isorren golam ar Jisu Mạsiren mitʼṭen apostoliń hoyakana, jemon Isorren bachao hoṛko biswạs reakʼ horteń ạgu daṛeako, ar Isor bhokti sãote oka sạriyakʼtetʼ menakʼ ona baḍae lạgitʼ iń goṛo daṛeako.

Luk 22:57

Menkhan Patras do baṅketʼteye menkeda, “Uni do bạń oromakadea.”