2Timothi 1:8 - সান্তালী বাইবেল

⁸ Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

Santali Common Language New Testament

⁸ Onate aboren Probhu reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniakʼ bhage sombat porcar lạgitʼ iń tulucʼ duk jomme.

2Timothi 1:8 Referans Kwoze

Romiko lạgitʼ Pạul Apostolakʼ ciṭhi 1:16

Jisu Mạsi reaṅ noa bhage sombat iạte iń do bạń lajaokʼ kana, ente noa bhage sombat do Isorakʼ daṛe kana one oka hotete uni do sanam biswạsiko kại khone bańcaoko. Pạhilte do Jihudiko, ar ona tayom do boṅgan hoṛ jạtrenkoge.

Mark 8:38

Niạ piṛhiren bepạtiạr ar kại hoṛko talare iń ar ińakʼ kathako iạte jãhãegeye lajaokʼ, enḍekhan Manwa Hopon hõ sonot goḍetko soṅgekate acʼren Apatakʼ ṭhonokanteye hijukʼre uni hoṛ iạteye lajaokʼa.”

2Timothi 4:5

Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Philipiko lạgitʼ Pạul apostolakʼ ciṭhi 3:10

Iń do Mạsi baḍaeye sanań kana ar oka daṛe hotete gocʼko khone jiwetʼ beretʼ ocolen ona hõ baḍae sanań kana. Iń do uniyakʼ duk sasetre bhạgiyạdar hoyokʼ hõ sanayediń kana. Ar oka monsubạteye gocʼlen iń hõ onkan monsubạge ńańam sanayediń kana.

Luk 9:26

Jãhãege iń ar ińakʼ katha iạteye lajaokʼ khan, Manwa Hopon hõ tinre acʼ ar acʼren Apatakʼ ar sonot goḍetkoakʼ ṭhonokanteye hijukʼa unre acʼ hõ uni hoṛ iạteye lajaokʼa.

2Timothi 1:16

Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiyạdariń hoyakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Jihudạwakʼ ciṭhi 1:24

Eken mitʼ goṭen Isor menaea, okoe doe aboren babańcaoicʼ kan uni do apepe tohodokʼ khon bańcaokate niphuṭge acʼakʼ ṭhonok samaṅre rạskạteye hạjir daṛeapea. Sanam jugko reakʼ pạhil khon cetʼ leka tahẽkan onkage ńit hõ ar jaejug hạbicʼ aboren Probhu Jisu Mạsi hotete Isorakʼge ṭhonok, mạhima, daṛe ar ektiạri tahentae ma. Amen.

1 Patras 1:5

Ar purạ puri bańcao ạuripe ńam hạbicʼ Isorakʼ daṛete biswạs hotete ape dope horho jaṅge ocoakana. Ar mucạtʼ oktere sodorokʼ lạgitʼ ona bańcaokʼ reakʼ do tear dohoakana.

2Timothi 2:3

Mạsi Jisuren mitʼṭen lek lekanicʼ sipạhi leka am do ale sãote duk sahaome.

1 Thessalonikikko 3:4

Duk saset do abore hijukʼgea ona katha do ape tulucʼ tahẽkan jokhecʼre bar barteń lạiyatʼpe tahẽkana, arpe baḍaegea, onkage hoyakana.

Philipiko lạgitʼ Pạul apostolakʼ ciṭhi 1:7

Ape sanamko lạgitʼ ińakʼ monejoṅakʼ do nonka leka hoyokʼge lek kana, ente ape do ińren dulạṛiạko kanape. Iń do hajotreń tahen se bhage sombatreń roṛ dogokʼre hõ ona reakʼ sạritetʼ iń gohayeda, ar onate ape sanamko iń tulucʼ Isorakʼ dayaren bhạgiyạdarkope hoyokʼ kana.

Ephesiko lạgitʼ Pạul Apostolakʼ ciṭhi 3:13

Onateń nehõrokʼ kana, ape lạgitʼ duk ar sasetiń jometʼte dil alope adtapea, ente ona jotowakʼ do apeakʼ man lạgitʼ hoyakana.

Romiko lạgitʼ Pạul Apostolakʼ ciṭhi 16:25

Jisu Mạsi reaṅ oka bhage sombat iń porcaretʼkan ona bhage sombat hotete ṭarhao dohope reakʼ daṛe do Isorakʼ menakʼgetaea. Ar ḍher jug hạbicʼ Isor do acʼakʼ okoakʼko reaṅ okoege bae lại akawatʼkoa,

1 Johan 4:14

Alele ńelakadea ar gohale emetʼkana, Baba do manwakoren babańcaoicʼ mente Hopone kolkedea.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Philipiko lạgitʼ Pạul apostolakʼ ciṭhi 4:13

Ar okoe daṛeye imạńkan uni hotetege iń do jotowakʼiń kạmi daṛeakʼ kana.

Romiko lạgitʼ Pạul Apostolakʼ ciṭhi 9:33

Noa reaṅ sonot sostorre olakana, Ńelpe, Sionre tohotʼakʼ dhiri ar tạkicʼakʼ cạṭạniń dohoyeda, unire pạtiạuicʼ do baṅgeye lajao ocokʼa.

Aposkạmi 5:41

Apostolko do Jisu ńutumte bemanot ocokʼ lek kanako menteko bujhạuketʼ khan rạskạte maraṅ bạisi khonko oḍok calaoena.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Johan sodor 1:2

Isorakʼ katha ar Jisu Mạsiyakʼ goha reaṅ Johan okae ńelletʼ tahẽkan, onako reaṅ uni do nonḍe gohae emakada.

1 Korinthiko 1:6

ente Mạsi reaṅ aleakʼ goha do apeakʼ ontorre gathao akana.

Johan 19:35

Okoe nij mẽtʼte noakoe ńelletʼ unige gohae emakada, ar uniyakʼ goha do sạrigea. Uni doe baḍaegea, acʼ okae roṛetʼ ona do sạrigea, ar ape hõ jemonpe pạtiạukʼ.

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

Kolossiko lạgitʼ Pạul Apostolakʼ ciṭhi 1:24

Ape lạgitʼ oka duk sasetiń jometʼkan onate iń doń rạskạkʼ kana. Mạsiyakʼ hoṛmo reakʼ, metatʼme manḍerko lạgitʼ uniyakʼ oka duk saset ńit hõ sarecʼ menakʼ ona do ińakʼ hoṛmoreń purạueda.

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.

2 Korinthiko 6:7

sạri porcarte ar Isorakʼ daṛe hotete ale dole sạbutetʼkana je, sapʼ dapʼko kanale mente. Arhõ banar tite sạriyakʼ reakʼ khanḍa bhanḍa sapʼkatele sạbudetʼ kana ale do Isorren sapʼdapʼko kanale.

Romiko lạgitʼ Pạul Apostolakʼ ciṭhi 8:36

Sonot sostorre olakana, am iạte jaogele gocʼ ocokʼkana: ar gur ocokʼ bhiḍiko lekageko hudisetʼlea.

Johan 15:27

Ape hõ iń reaṅ gohape ema, ente pạhil khonge ape do iń são sãote menakʼpea.

Jesaea 51:7

“Ińakʼ ańjomtińpe E ape dhorom bakʼḍaeko one okoeyakʼ monre ińakʼ ạnko menakʼ. Ape do manwakoakʼ henosta kathate alope botorokʼa ar onkoakʼ nindạu kathate hõ alope torasokʼa,

Sereńko 19:7

Probhu Isorakʼ ạn do sạbitgetaea, ona do manwae jiwetʼ ocoyea. Probhu Isorakʼ katha do ṭehãḍokʼakʼ kangea, ona do soṛa monanko akele emakoa.

1Timothi 2:6

Uni do sanam manwako chaḍaoko reakʼ dam lekate acʼakʼ jiwigeye emena. Isore ṭhik dohoakatʼ oktere ona reaṅ goha do em akana,

Kolossiko lạgitʼ Pạul Apostolakʼ ciṭhi 1:11

Noa do hoydaṛeakʼgea, ente Isor do acʼakʼ maraṅ daṛete apeye daṛe ocoakatʼpea jemon jao ghuṛi rạskạ salakʼ jotowakʼ sahao ar sombhurikate Isor Babape gun manao joharae. Marsal reakʼ rajosṭire Isorren hoṛko oka ạidạriko hameṭ joṅ ona reakʼ bhạgiyạdar hoyokʼ lạgitʼ uni do lekmankoe hoyoco akatʼpea.

Jesaea 8:20

Ape do Isorakʼ hukum ar gohako ṭhen calakʼ hoyokʼtapea. Ar Isorakʼ katha leka onko bako roṛ enḍekhan bujhạu hoyokʼa onko talare marsal do bạnukʼa.

2Timothi 1:10

Menkhan ńitokʼ aboren babańcaoicʼ Jisu Mạsi do noa dhạrtiteye hecʼente ona dayaye sodorakada. Mạsi do morone bhagao akada ar bhage sombat hotete bin maraokʼ jion reakʼ kathae sodorakada.

2Timothi 2:8

Jisu Mạsi reaṅ noa katha disạ dohoyme, uni do gocʼko khone jiwetʼ beretʼ ocolena ar Dạud bõsren hoṛe tahẽkana. Okaṭakʼ bhage sombat iń porcaretʼkan onarege noa katha do ol menakʼa,