2Timothi 1:6 - সান্তালী বাইবেল

⁶ Onate iń do arhõ noa kathań disạ ocoyetʼme kana, jemon ińakʼ tikin reakʼ capote amre menakʼ Isorakʼ daya danem salgao aroy.

Santali Common Language New Testament

⁶ Onate iń do arhõ noa kathań disạ ocoyetʼme kana, jemon ińakʼ tikin capote amre menakʼ Isorakʼ daya danem salgao aroe.

2Timothi 1:6 Referans Kwoze

1Timothi 4:14

Manḍerren murubbiko capokateko koeyatʼme tahẽkanre nạbi lekate katha roroṛ hotete okaṭakʼ danko ematʼme tahẽkan, ona daya dan do alom ḍhilạua.

1 Thessalonikikko 5:19

Sonot Jiu do alope ĩṛĩjea.

2 Patras 3:1

E dulạṛiạ boehako, ape ṭhen noa do ińakʼ dosar ciṭhi kana. Banar ciṭhirege iń do adomakʼko babotreń disạ ocoyetʼpete apeakʼ soṛa mon udgạu reakʼ iń kurumuṭuyeda.

2Timothi 4:2

Isorakʼ katha lại jạhirme; batarre ar bin batarre, am do jao okte lại jạhir lạgitʼ sapṛao akae tahenme; ạḍi sobori salakʼ cetʼakote hoṛkoakʼ dosko udukʼakome, onko sontorkom ar sopolha emakom.

2 Patras 1:12

Onate noako reaṅ iń do jaogeń disạ ocoyetʼpea. Menkhan ape do noakope baḍaegea ar oka sạritetʼ apeakʼ ontorre menakʼ onare hõ kajak menakʼpea.

Aposkạmi 19:6

Ar Pạul do onkoe capoketʼko khan onkore sonot Jiue hecʼena, ar onko do eṭakʼ eṭakʼ pạrsite roroṛkan ar nạbi leka Isorakʼ katha lạlạiko ehopʼena.

Exodus 36:2

Mose do noa sanamakʼ kạmi lạgitʼ Besalel ar Oholiab tạkine hohoatʼkinạ ar ona chaḍa nonkan gạkhuṛ kạrigolko hõe hohowatʼkoa okoe do Probhu Isor khon daṛeko ńamakatʼ ar monre uskur menakʼtako.

Exodus 35:26

Ar tinạkʼ do ontorre uskurko ńamketʼ ar sutạm takoe reakʼ kạmiko baḍaekan tahẽkan onko maejiuko hõ meromakʼ upʼko takokeda.

2Timothi 2:14

Noako katha do hoṛko disạ ocokom. Ar Isor samaṅre sontorkom jemon ạuṛiyakʼ kathakote aloko reṭepeṭekʼ. Noa reakʼ do cetʼ damge bạnukʼa, bickom okoe onako ańjom onko doko bangla bhaṭokʼa.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

Luk 19:13

Ado calakʼ lahare acʼren gel goṭen gutikoe hohowatʼkoa ar mimitʼ hoṛ mitʼ sae Dinarkate ematʼkoteye metatʼkoa, ‘iń ạuriń ruạṛ hijukʼ hạbicʼ noate bạnij bepar hataṛpe.’

Jesaea 43:26

Amakʼ bisoeko reaṅ disạ ocoyińme; ar dela hijukʼme, dela ona reaṅ laṅ reṭepeṭelenge, am do apnar secʼ katha roṛme jemon dhoromem ṭarhaokʼ.

Jihudạwakʼ ciṭhi 1:5

Ape do noako reaṅ bestegepe baḍaegea; enrehõ iń do noako kathań disạ ocoyetʼpe kana je, Misor disạm khon Israelko bańcaokate ạguko tayom okoe bako pạtiạulen Probhu Isor do onkoe ḍahao maraoletʼkoa.

Ibriko 6:2

eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nãwãte jemon rehetʼ alo bon bạisạu.

Aposkạmi 6:6

Onko do apostol ṭhenko idiketʼkoa. Ar apostolko do onko lạgitʼko koekeda ar kạmire bahalko lạgitʼ capokateko bhoratʼkoa.