2Timothi 1:16 - সান্তালী বাইবেল

¹⁶ Onesiphoros gharońjrenko Probhu Isore mãyãwakoma; uni do ạḍi dhaogeye cerṭha ocoakadińa, ar ińakʼ hajot iạte bae lajaolena.

Santali Common Language New Testament

¹⁶ Onesiphoros gharońjrenko Probhui mãyã akoma; uni do ạḍi dhaoye cerṭha ocoakadińa, ar ińakʼ hajot iạte bae lajaolena.

2Timothi 1:16 Referans Kwoze

2Timothi 4:19

Priskilạ ar Ạkuilạ ar Onesiphoros gharońjrenko ińakʼ johar emakom.

Philimon 1:20

E boeha, Probhu Isorren bon hoyakante ińakʼ monejoṅakʼ do noage je, am do mitʼṭecʼ upʼkạrińme. Biswạsi boeha lekate am do ińakʼ monre nãwãte udgạu ińme.

Philimon 1:7

E boeha, amakʼ dulạṛ ńelte iń do ạḍiń rạskạkʼ kana ar udgạuiń ńamakada, ente am do Isorren hoṛkoakʼ ontorre nãwãte udgạu monem sagen ocoakada.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Aposkạmi 28:20

Onate iń do apeko sãote ńapamokʼ ar galmarao lạgitʼ iń khojkeda. Ar Israel jạtrenkoakʼ oka as menakʼ ona lạgitʼge iń do noa sikṛiteń tol ocoakana.”

Ibriko 10:34

ar okoeko hajot ocoakan tahẽkan onkoakʼ duktepe duklena. Apeakʼ jinisko luṭlenre rạskạ salakʼpe manaoleda, entepe baḍaekan tahẽkana, arhõ bhage ar jaejug dhon menakʼtapea mente.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

2Timothi 1:18

Ephesusre okalekae sapʼ dapʼetʼ tahẽkan, ona do bes okocʼtem baḍaegea. Probhu Isore danae ma, jemon Mạsiyakʼ hijukʼ dinre Probhu Isor ṭhen khon mãyãe ńam.

2Timothi 1:8

Onate aboren Probhu Isor reaṅ goha emokʼ do alom lajaokʼa, ar uni iạte hajotre minạń, onate hõ alom lajaokʼa. Ona bodolte Isor okaṭakʼ daṛeye emakatʼme ona daṛete uniyakʼ bhage sombat porcar lạgitʼ iń tulucʼ duk jomme.

1 Korinthiko 16:18

Onko do ińakʼ ar apeakʼ jiuko khạtirketʼ tabona. Ape do nonkan hoṛge manotkope.

Mathae 5:7

Mãyãkʼkogeko bhạgana, ente onko do mãyãko ńama.

Sereńko 37:26

Isor botoraeko do jao oktegeko dayakʼa ar pańcako emokʼa; onkoren bõsko do bhorko ńama.

Sereńko 18:25

E Probhu Isor, biswạsiko tulucʼ do biswạstegem beohareda ar dhoromko tulucʼ do dhoromem beohareda,

Nehemiạ 13:31

Ona chaḍa okte nạpitre kaṭko ar pạhilte rakabokʼ phosol ạgui reakʼ hõń bebostawatʼkoa. E ińren Isor, iń bhạlạyiń lạgitʼ disạyińme baṛe.

Nehemiạ 13:22

Ona tayom iń do liwikoń hukumatʼkoa onko do apnartetʼko sapha maṛaṅokʼte jirạukʼ mãhã sonot dohoy lạgitʼ senkate jemon phaṭok duạrko horhoe. E ińren Isor, noa iạte hõ disạ dohoyińme ar amakʼ asambheṛ dulạṛte dayawạńme.

Nehemiạ 13:14

E ińren Isor, niạko kạmi lạgitʼ disạyińme baṛe. Ińren Isorakʼ oṛakʼ ar onaren sapʼdapʼ kạmi lạgitʼ pạtiạr salakʼ okań ceka akatʼ ona do alom muchạu giḍikakʼa.

Nehemiạ 5:19

E ińren Isor, noko hoṛko lạgitʼ iń okakoń kạmi akatʼ ona iạte bhạlạyiń do alom hiṛińa.

Rut reakʼ kạhini 1:8

Naomi do acʼren banar kimintetʼgeye metatʼkinạ, “Aben do bạhu bana hoṛge abenren eṅgat apatakʼ oṛakʼte ruạṛ senokʼ ben. Ar cetʼleka aben do gocʼakan jãwãere ar ińre pạtiạr ben tahẽkan onkage Probhu Isor hõ abenre daya baṛe tahentae ma.

2 Samuel 2:6

Uni do ńitokʼ acʼakʼ dulạṛ ar pạtiạrtetʼ apeye udukʼape ma, ar apeakʼ ona kạmi iạte ińhõ ape tulucʼ mońjiń beohara.

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

2Timothi 1:17

Romreye tahẽkanre uni do jidkateye sendra ńamledińạ.

Jirimiạ 39:17

menkhan iń do amiń bańcaomea. Am okoeyem botor akokan onkoakʼ tire bam jimạ ocokʼa.

Mathae 25:17

Ar okoe bar hajar ṭakae ńamletʼ uni hõ onkakate arhõ bar hajar ṭakae labkeda.