1 Samuel 9:3 - সান্তালী বাইবেল

³ Sạulren apattetʼ Kisren tinạkʼ gadha eṅgako tahẽkan onko do mitʼ dinko atʼena. Onate Kis do acʼren hopon Sạule metadea, “Am do mitʼṭen guti soṅgekate gadha eṅga sendrako lạgitʼ calakʼme.”

1 Samuel 9:3 Referans Kwoze

1 Samuel 10:2

Am do iń ṭhen khon senkate teheń Benjạmin ṭoṭha reakʼ simạna Selsah ńutuman jaegare Rahelakʼ topa ṭhen bar hoṛem ńamkinạ. Unkin dokin lạiyama, ‘okoe gadha eṅgako sendram oḍok akan onko doko ńamakana. Menkhan ńitokʼ amren baba do gadha eṅgako reakʼ cintạ badkate am lạgitʼ cintạreye paṛao akana. Uniye meneda, acʼren hopon lạgitʼ ńitokʼ do cetʼe cekaea?’

Bikʼcạrko 10:4

Jayirren do pegel hoponko tahẽkantaea; ar onko do pegel gadhare decʼkateko dãṛã baṛaekan tahẽkana. Gilead reakʼ pegel ato do onkoakʼ gobolre tahẽkana. Teheń hạbicʼ ona atoko do Hawot-Jayirko metakʼ kana.

Bikʼcạrko 5:10

Ape okoe do ponḍ gadha eṅgare decʼkate ar kombol reakʼ godire duṛupʼkate hortepe calakʼkan, ape do niạko reaṅ baṛe sereńpe.

1 Samuel 9:2

Kisren do Sạul ńutuman mitʼṭen hopone tahẽkantaea. Uni do juạn ar ńelokʼte ạḍi napae koṛae tahẽkana. Israelko modre uni lekan ńelokʼte mońj do ar okoe hõ bako tahẽkana. Uni do eṭakʼko khon mitʼ phuṭ usule tahẽkana.

1 Samuel 9:4

Unre Sạul do sendra sendrate Ephrayim buru ṭoṭha ar Salesa ṭoṭhakoteye calaoena, menkhan onko do bae ńamletʼkoa. Ona tayom unkin do Salim ṭoṭhatekin senena, menkhan onḍe hõ gadha eṅgako do bạkin ńamletʼkoa. Ona tayom unkin do Benjạmin ṭoṭhatekin calaoena, ar onḍe hõ bạkin ńamletʼkoa.

1 Samuel 9:20

Pe din lahare amren okoe gadha eṅgako atʼakan onko lạgitʼ do ar alom cintạkʼa; onko doko ńamakana. Israel disạm reakʼ sanam bhageakʼ jinisko do okoe lạgitʼ kana? Ona do cetʼ am ar am apatren bõsrenko lạgitʼ do baṅkana?”

1 Samuel 10:14

Sạulren kakattetʼ do Sạul ar uniren gutiye kuliketʼkinạ, “Okate ben calaolena?” Sạule menkeda, “Gadha eṅga sendrako lạgitʼ liń senlena, menkhan onko do okarege bạliń ńamletʼkote Sạmuel ṭhen liń calaoena.”