1 Samuel 9:21 - সান্তালী বাইবেল

²¹ Sạule roṛkeda, “Am do cedakʼ niạ katha dom mitạń kana? Israelkoakʼ sanam gusṭiko modre Benjạmin gusṭige sanam khon huḍiń utạrakʼ kana, ar iń do ona gusṭiren hoṛ kạnạń. Arhõ Benjạmin gusṭiren tinạkʼ bõsko menakʼle onako modre aleakʼ bõsren do celegele baṅkana.”

1 Samuel 9:21 Referans Kwoze

1 Samuel 15:17

Sạmuele menkeda, “Mitʼ din am do amakʼ nońjorre huḍińicʼem tahẽkana, menkhan enrehõ cetʼ Israelkoakʼ sanam gusṭikoren matha do bam hoyakana? Probhu Isorge Israel disạm cetanre raj lekateye ojokʼ bahalketʼmea.

Ephesiko lạgitʼ Pạul Apostolakʼ ciṭhi 3:8

Isorren sanam hoṛko modre iń khon huḍińko ar bạnukʼkore hõ, enrehõ Mạsiyakʼ okaṭakʼ dhon reakʼ katha purạpuri baṅ bujhạukʼ, ona dhon reakʼ bhage sombat boṅgan hoṛko baḍae ocoko reakʼ bhar Isor do dayate ińgeye em akadińạ.

Luk 14:11

Okoe acʼte usulokʼe menetʼkan uni doe copotʼ ocokʼa, ar okoe acʼteye copodokʼ uni doe usul ocokʼa.”

Sereńko 68:27

Jotoko khon huḍiń utạricʼ Benjạmin, hankoko calakʼkana uniren bõsko, one okoeyakʼ tire do rajakʼ sạjại menakʼ; hanko Jihudi mukhiyạko, okoe doko saṅgege; hanko Sebulonren mukhiyạko ar hankoko calakʼkan Naphtạliren mukhiyạko.

Hosea 13:1

Ephrayim kathae roṛlere hoṛko doko thar tharaokan tahẽkana; Israel gusṭirenko modre uni do maraṅ utạrice hoylena. Menkhan Bakʼal debota sewawae iạte dusiyente uni doe gocʼena.

1 Samuel 18:23

Onko do noa katha Dạudko baḍae ocokede khan uni doe menkeda, “Rajren jãwãe gomkeń hoyokʼ do cetʼ ạḍi algagepe bujhạueda? Iń doń reṅgecʼ hoṛ kana, mitʼṭen sadharon hoṛ kạnạń.”

1 Samuel 18:18

Dạud do Sạule metadea, “Iń baṅ iń celekan ar ińakʼ ghãrońj ar Israelko talare ińren ạpuńakʼ bõs baṅ cetʼkan, onate rajren jãwãe gomkeńiń hoedaṛekokʼ?”

1 Samuel 10:27

Menkhan mitʼ bar bạṛicʼ hoṛ doko menkeda, “Nui hoṛ do cetʼ lekateye rukhiyạ bona?” Onko do uniko nihạ̃tkedea ar cetʼ sandesge bako emadea. Menkhan khan Sạul do hapegeye tahẽyena.

1 Samuel 9:22

Samuel do unre Sạul ar uniren gutiye soṅgeketʼkinte jojom oṛakʼteko boloyena ar neota akanko modre joto khon manotakʼ jaegare unkine duṛupʼketʼ kinạ. Neota akanko do lekhare pe gel hoṛko tahẽkana.

1 Samuel 14:51

Sạulren apat Kis ar Abnerren apat Ner do Abiyelren hoponkin tahẽkana.

Sereńko 68:28

Amren Isor ṭhen khon amakʼ daṛe do hecʼakana. E Isor, amakʼ daṛe udugme, lahate am do ale secʼ hoekate kạmim udukʼletʼa.