1 Samuel 9:17 - সান্তালী বাইবেল

¹⁷ Probhu Isor do Sạule ńelkede khan Sạmuele metadea, “Ńelme, nui kangeae uni hoṛ do, one uni reakʼ kathań lạiyatʼme tahẽkan. Nuige ińren hoṛkoe bicạrkoa.”

1 Samuel 9:17 Referans Kwoze

Hosea 13:11

Onate iń do edrete mitʼṭen rajiń ematʼme tahẽkana ar raṅgaote uni doń uṭhạukedea.

Aposkạmi 13:21

Ona tayom disạmren hoṛko do rajko khojkedea. Unre uni do Benjamin khũṭren, Kisren hopon Sạulgeye ematʼkoa. Sạul do pongel bochor hạbicʼ raje calaoketʼa.

Nehemiạ 13:25

Iń do onkoń ruhetʼketʼkoa ar onko cetanre jemon sarap hecʼako ona hõń metatʼkoa. Onkoren adomko doń dalketʼkoa ar bohokʼ upʼkoń racakʼ tutʼketʼtakoa. Isor ńutumte noań kiriạ ocoketʼkoa jemon porjạtren koṛako sãote akoren hoponerako aloko baplako ar akoren hoponko hõ jemon porjạtren kuṛiko tulucʼ aloko baplako.

Nehemiạ 13:19

Iń do niạ hukumiń emokʼ kana je, jirạukʼmãhã ehobokʼre tinre Jerusalem reakʼ phaṭok duạrko cetanre ńut pheḍ hijukʼa unre jemon phaṭok duạr doko sińkakʼ ar jirạukʼ mãhã ạuri cabakʼ hạbicʼ ona do bondge tahenma. Jirạukʼ mãhãre jãhãn bojhage bhitrite alo jemon ạgukʼ ar ona ńel lạgitʼ iń do ińren adom kạmiyạko phaṭok duạr ṭheniń bahalketʼkoa.

1 Samuel 3:13

Iń do uniń menakadea, bedhorom iạte uniren bõsko do jaejug hạbicʼ iń sạjạikoa. Eli doe baḍaekan tahẽkana, acʼren hoponkin do apnartege bohokʼre sạjạikin ạgu akawana, menkhan uni do sontorkin reakʼ bae kurumuṭuleda.

1 Samuel 9:18

Sạul do phaṭok-duạr ṭhen Sạmuele kulikedea, “Dayakate lại ạlińme ńeńelicʼakʼ oṛakʼ do okare.”

Jirimiạ 32:8

Unre Probhu Isorakʼ katha leka iń kakaren hopon Hanamel do pahradarkoakʼ racare iń ṭhen hecʼkateye metadińạ, ‘Benjamin ṭoṭhako reakʼ Anathotre ińakʼ oka jumi menakʼ ona do amge hataome. Ona chaḍao ar dokhol reakʼ hok ạidạri do amakʼ kangea onate amge ona do kirińme.’ “Ińiń baḍaekan tahẽkana noa do Probhu Isorakʼ katha kana: