1 Samuel 8:11 - সান্তালী বাইবেল

¹¹ Uniye menkeda, “Okoe do raj lekate ape cetanreye rajokʼ uniyakʼ beohar do nonka hoyokʼtaea; uni do aperen hoponko lạṛhại phạdko lekate kạmireye lagaokoa; onko modren adomko do rãt gạḍi cakʼlaokoko hoyokʼa, ar adomko do aswariko hoyokʼa ar adomko do rãt gạḍi laha lahateko dạṛ idiya.

1 Samuel 8:11 Referans Kwoze

1 Samuel 14:52

Sạulakʼ rajokʼ oktere Philisṭiko sãote maraṅ lạṛhại hoylena. Jãhãe daṛean hoṛ se birbanṭa herel hoṛe ńelle khange uni do lạṛhại phạdreye hataoedekan tahẽkana.

1 Samuel 10:25

Unre Samuel do rajosṭi ḍanṭao reakʼ niạm lekate hoṛko ṭhene lại jạhirkeda. Uni do onako mitʼṭecʼ puthire olkate Probhu Isor samaṅreye dohokeda. Ar ona tayom hoṛko do apan ạpin oṛakʼteye bidạkatʼkoa.

2 Samuel 15:1

Noa tayom Absalom do acʼ apnar lạgitʼ rãt gạḍi ar sadomkoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bahalketʼkoa.

1 Rapajko 10:26

Solomon do ạḍi utạr rãt gạḍiko ar sadomkoe jogaṛketʼkoa. Uniyakʼ rãt gạḍiko do mitʼ hajar ponsae ar sadomkoakʼ lekha do gelbar hajar tahẽkana. Uni do onako rãt gạḍiko dohoy lạgitʼ nagrahako ar Jerusalemre acʼ ṭhene dohoyetʼko tahẽkana.

1 Rapajko 18:46

Unre Probhu Isorakʼ daṛe do Eliạ cetanre hecʼena. Uni do acʼakʼ kicricʼko ḍanḍareye rebetʼketʼte Ahab lahate Jesreyelteye ńir calaoena.

1 Rapajko 12:10

Onko juạnko doko roṛ ruạṛadea, “Okoeko hoṛ amren ạpumakʼ hamal arãṛ rawal reakʼ kathako menetʼkan am do onkom metakoa, ińren ạpuńakʼ ḍanḍa khon hõ ińakʼ sicʼ kạṭupʼ do moṭagea.

1 Rapajko 12:4

“Amren ạpum do ale cetanre mitʼṭecʼ hamal arãṛe lade akawatʼlea, menkhan ńitokʼ ale cetanre lade akan ona hamal arãṛ baṛe rawal kataleme; enḍekhan ale do amle sapʼ sorama.”

1 Rapajko 1:5

Hagit hopon Adoniạ do acʼte usulokʼte roṛ baṛaeye ehopʼena, “Ińge rajiń hoyokʼa.” Ar noa menkate uni do rãt gạḍiko ar aswarikoe jogaṛketʼkoa ar acʼ laha lahate calakʼ lạgitʼ mõṛẽgel hoṛe bachaoana.

1 Samuel 8:9

Ńitokʼ do onkoakʼ katha manao takome; menkhan onkom sontorkoa arem galmarao akoa, onko cetanre okoeye rajokʼa uni do onko cetanre cetʼ lekae colona mente.”

1 Rapajko 14:27

Onate Rehobiam raj do onako bodolte rupạ reakʼ ḍhalkoe benao ocokeda. Ar raj dolan reakʼ duạr ṭhen okoe lạṛhại phạdko horhoyetʼ tahẽkan onkoren senaputi ṭhen onako rukhiyại lạgitʼ bhare emkeda.

1 Samuel 22:7

Uni do onkoe metatʼkoa, “Benjamin gusṭiren hoṛko ańjompe, Jisạiren hopon do cetʼ jaega-jumi ar darkha bagwankoe emakatʼpea? Uni do cetʼ hajarko cetanre ar sae saeko cetanre subedare bahalpea?