1 Samuel 7:4 - সান্তালী বাইবেল

⁴ Niạ katha ańjomkate Israelko do onkoren Bakʼal debota Astarat muṭhạnkoko ocokʼ giḍikatʼte eken Probhu Isorge sewawaeko ehopʼena.

1 Samuel 7:4 Referans Kwoze

Hosea 14:8

E Ephrayim, boṅgako sãote amakʼ do jãhãn sompokge bạnukʼa. Ińge amakʼ koejoṅ reakʼ roṛ ruạṛiń emama ar amiń jotonmea. Iń kangeạń soṛa Saro dare do; amakʼ jo do iń khonge hijukʼkana.”

Hosea 14:3

Ạsur do bae bańcao daṛealea; ale do lạṛhại sadom cetanre bale bhorsakʼkana. Aleakʼ titele benao akatʼko boṅga murhutʼko do ar tishõ bale metakoa, ‘aleren debota kanape,’ ente ṭũạr amarko do am ṭhenge dayako ńama.”

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

Bikʼcạrko 2:13

Ar nonkate onko do Probhu Isor bạgikate Bakʼal debota ar Asṭoret debiko sewawae kan tahẽkana.

Bikʼcạrko 2:11

Ar Probhu Isorakʼ mẽtʼre oka bạṛicʼakʼ kan onageko kạmiyetʼ tahẽkana. Onko do Bakʼal debotako sewawae kan tahẽkana.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

1 Samuel 7:5

Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”

1 Rapajko 8:48

Ar ona disạmre mon ar ontorte am secʼko ạcur ruạṛokʼ ar okaṭakʼ disạm do onkoren hapṛamkom emakatʼko ona disạm secʼ, amem bachao akawan nagraha secʼ, am lạgitʼ benao akatʼ niạ oṛakʼ secʼ samaṅkate am ṭhenko koejoṅ,

1 Rapajko 11:5

Uni do Sidonikoren debota Astoret ar Amonikoren debota Milkom sewawạkine ehopʼena.

2 Rapajko 23:15

Nabatren hopon Jerobiam Israelko cetʼlekae kại ocoyetʼko tahẽkan ar Bethelre oka pinḍ ar than boṭkocʼkoe benaoletʼ Josiạ do onako hõe marao giḍikada. Josiạ do ona than boṭkocʼkoe rạputʼ gejerkeda ar Asera khunṭi do seṅgelreye atarkada.