1 Samuel 7:2 - সান্তালী বাইবেল

² Probhu Isorakʼ sinduk do Kiriat-Jearimre dohoyen tayom ḍher din do paromena, metatʼme bargel bochor paromena. Onako oktere Israelko do Probhu Isor ṭhen ruạṛ hijukʼ lạgitʼ jiwi do ragokʼkan tahẽkantakoa.

1 Samuel 7:2 Referans Kwoze

Mathae 5:4

Dukokʼ kogeko bhạgana, ente onko do jiwi raṛecʼko ńama.

Jirimiạ 31:9

Onko do rakʼ rakʼteko hijukʼa; ar tinre onkoń ruạṛ ạgukoa unre onko do koe koeteko hijukʼa. Onko do otte ar gaḍa dakʼko secʼteń taṛam ocokoa; onḍe onko do bako tohodokʼa, ente iń do Israelren, metakʼme Eprayimren apat kạnạń ar uni do ińren pạhil janamicʼ hopon kanae.

Jirimiạ 3:13

Am do eken amakʼ ghạṭko aṅgocʼme, amren Probhu Isor upạrtem hul akada mente, ar hạṛiạṛ dare buṭạkore debotako do amakʼ dulạṛem em akawatʼkoa ar ińakʼ aṛaṅ hõ bam ańjom akada.’

Bikʼcạrko 2:4

Probhu Isorren goḍet do tinre Israelko ṭhen niạko kathae menkeda unre onko do ãṭ aṛaṅte rarakʼko ehopʼena.

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

1 Samuel 7:1

Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.

1 Samuel 7:3

Onate Samuel do sanam Israelkoe metatʼkoa, “Apeakʼ goṭa ontorte arhõ Probhu Isor ṭhen ruạṛ hijukʼpe menetʼ khan ape tala khon eṭakʼ jạtren debotako ar Astaratakʼ muṭhạn ocokʼ giḍikakʼpe ar Probhu Isor secʼ apnarakʼ mon ṭarhaokate eken unige sewawaepe. Enḍekhan uni do Philisṭikoakʼ ti khone rukhiyạpea.”

1 Bõsbudạ 13:3

Dela bon, aboren Isorakʼ goha sunduk do abo ṭhen bon ruạṛ ạguiyma; Sạulakʼ rajokʼ oktere abo do sinduk secʼge babon lutur akawatʼ tahẽkana.”

Jirimiạ 26:20

Kiriyat-Jearimren Semaya hopon Uriạ do ar mitʼ nạbi hoṛe tahẽkana, uni do Probhu Isor ńutumteye nạbiyetʼ tahẽkana. Uni hõ Jirimiạ lekage noa nagraha ar noa disạm upạrte onkageye nạbileda.

1 Bõsbudạ 13:5

Onatege Kiriat-Jiyarim khon Isorakʼ sinduk ạgui lạgitʼ Dạud do Misor reakʼ Sihor gaḍa khon Homat reakʼ simạ hạbicʼ sanam Israelkoe jarwa mitʼketʼkoa.