1 Samuel 7:16 - সান্তালী বাইবেল

¹⁶ Uni do jao bochor Bethel, Gilgal ar Mispare senkate Israelkoakʼ bicạretʼkan tahẽkana.

1 Samuel 7:16 Referans Kwoze

Sereńko 75:2

Am dom meneda, “Ṭhik okteń bachao joṅa, ar ińge hok reakʼiń bicạra.

Bikʼcạrko 12:14

Uniren do pongel hopon ar pegel goṛomtetʼ koṛako tahẽkana. Onko do eaegel gadhakoreko decʼ baṛaekan tahẽkana. Ar Adbon do irạl bochor Israelkoakʼe bicạrketʼtakoa.

Bikʼcạrko 10:4

Jayirren do pegel hoponko tahẽkantaea; ar onko do pegel gadhare decʼkateko dãṛã baṛaekan tahẽkana. Gilead reakʼ pegel ato do onkoakʼ gobolre tahẽkana. Teheń hạbicʼ ona atoko do Hawot-Jayirko metakʼ kana.

Bikʼcạrko 5:10

Ape okoe do ponḍ gadha eṅgare decʼkate ar kombol reakʼ godire duṛupʼkate hortepe calakʼkan, ape do niạko reaṅ baṛe sereńpe.

Genesis 28:19

Ar ona jaega reakʼ ńutum do Bethele dohokeda (metakʼme, “Isorakʼ oṛakʼ ”). Noa jaega sor reakʼ nagraha do Lus ńutum tahẽkana.

Genesis 35:6

Jakob ar uni soṅgeten sanamkoge Kanan disạm reakʼ Lus nagrahate, metakʼme Bethelreko seṭerena.

Josuạ 5:9

Ona tayom Probhu Isor do Josuại metadea, “Misorre oka henostarepe tahẽkan teheń ona do ape khoniń sạṅgińkeda.” Ar onate teheń hạbicʼ hõ ona jaega do Gilgolko metakʼkana.

Josuạ 5:10

Israelko do ona cando reakʼ gelponakʼ din reakʼ ạyupʼ jokhecʼ Jerikho ṭạnḍi reakʼ Gilgolre bańcaokʼ porobko porobena.

1 Samuel 7:5

Unre Samuele menkeda, “Mispare sanam Israelko jarwakope. Iń do ape lạgitʼ Probhu Isor ṭheniń nehõrokʼa.”

1 Samuel 11:14

Unre Samuel do hoṛkoe metatʼkoa, Dela, abo do Gilgolte senkate Sạulakʼ raj hudạ reakʼ katha arhõbon lại jạhira.”

Amos 5:5

Ape do Bethel se Gilgal se Ber-sebate alope calakʼa, ente Gilgalren hoṛ do khạṭige bondikate eṭakʼ disạmteko idi ocokʼa ar Bethel do ạuṛiyakʼge hoyokʼa.”

Josuạ 18:26

Mispa, Kephira, Mosa, Rekem, Irpeyel, Tarala, Sela, Ha-Eleph, Jebusikoakʼ nagraha Jerusalem, Gibea ar Kiriotko ńamleda. Onko do jotote gel pon goṭecʼ nagraha ar ona aḍepase reakʼ joto atokoko ńamkeda.

1 Samuel 10:17

Tayomte Samuel do Mispare Probhu Isor samaṅre Israelkoe hoho jarwaketʼkoa.

Hosea 5:1

Probhu Isore meneda, “E naekeko, noa katha ańjompe. E Israelren hoṛko, moneyakʼpe. E raj bõsko, luturakʼpe baṛe. Noa ray do ape upạrtege emocokʼkana, ente ape do Mispare jhãmpa leka ar Taborre do tase akatʼ jhạli lekape hoylena.