1 Samuel 7:14 - সান্তালী বাইবেল

¹⁴ Ekron khon Gad hạbicʼ Israelkoakʼ oka nagraha ar atoko Philisṭikoko ạidạrian tahẽkan Israelko do arhõ onako ńam ruạṛkeda. Ar Israelko do Philisṭikoakʼ ti khon beṛhaeteakʼ sanam jaegareko rukhiyạ dohṛakeda. Nonkate Aramrenko ar Israelko talare suluk tahẽyena.

1 Samuel 7:14 Referans Kwoze

Sereńko 106:34

Isorakʼ hukum bebataokate onko do eṭakʼ jạtrenko bako maraoletʼkoa,

Bikʼcạrko 4:17

Ar Sisera doe ńir paskaoente Kenini Herobren bạhu Jayelakʼ tạmbureye boloyena, unre Hasorren raj Jabin ar Kenini Herobakʼ bõsrenko talare gate tahẽkana.

Dosar Biboron 7:16

Aperen Probhu Isor apeakʼ tire okoe jạtrenkoe jimạko onko dope marao utạrkoa. Onko do daya hõ alope dayawakoa ar onkoren debotako hõ alope sewawakoa, ente ona do apeakʼ jhampa lekako hoyokʼa.

Dosar Biboron 7:2

Ar aperen Probhu Isor do tinre apeakʼ tireye jimạkoa unre sanamkope marao utạrkoa. Onko sãote jãhãn bondobosge alope dohoya ar onkore daya hõ alope dayakʼa.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Josuạ 10:5

Niạ katha ańjomkate onko mõṛẽ goṭen Amori rapajko, metakʼme Jerusalem, Hebron, Jarmut, Lakhis ar Eglonren rapajko do akoren lạṛhại phạdko jarwa mitʼketʼkoa. Ar ona tayom do akoren lạṛhại phạdko soṅgekate Gibeon sor senkateko ḍerayena ar nagrahako akromonkeda.

Josuạ 15:11

Ona tayom ona simạna do Ekron utạr reakʼ dhasna secʼ senkate Sikron secʼ ạcurente sojhe Bala buru secʼ calao idiyena ar Jabneyel seṭerkate jalapuri hạbicʼ mucạtʼena.

1 Bõsbudạ 18:1

Dạud do Philisṭikoe bhagaoketʼkoa ar acʼakʼ gobolreye dohoketʼkoa. Uni do Philisṭikoakʼ ti khon Gat ar ona aḍepase reakʼ atokoe hat ruạrkeda.