1 Samuel 7:1 - সান্তালী বাইবেল

¹ Unre Kiriat-Jearimren hoṛko do hecʼkate Probhu Isorakʼ sindukko idikeda. Onko do sinduk idikate buru cetan reakʼ akoakʼ nagrahare Abinadabakʼ oṛakʼreko dohokada ar ona ńel todarot lạgitʼ Abinadabren hopon Eleasar do Probhu Isor ńutumteko begarkedea.

1 Samuel 7:1 Referans Kwoze

Jesaea 52:11

Ma oḍokokʼpe, men ona jaega khon oḍok hijukʼpe. Ar chutakʼ jãhãn jinisko alope joṭeda. Ape okoe Probhu Isorakʼ bhajankope gokʼ idiyetʼ ape do ona jaega khon oḍok hijukʼpe ar saphakʼpe.

Sereńko 132:6

Abo do Ephrata khon gokʼakʼ sinduk reakʼ bon ańjomleda, ar Jayerakʼ ṭạnḍirege ona bon ńamleda;

1 Samuel 6:21

Ona tayom onko thoṛa hoṛkoante Kiriạt-Jearimren hoṛko ṭhenko roṛgotʼkada, “Philisṭiko do Probhu Isorakʼ sindukko ruạṛgotʼ akada. Ar pheḍ hijukʼte sinduk do ape ṭhen idipe.”

Josuạ 18:14

Ona tayom ona simạna do Bet-Horon dạkhin buru reakʼ pạchim secʼte senkate dạkhin secʼ ạcur calaoena ar Kiriot-Bakʼal, metakʼme Kiriot-Jearim hạbicʼ calao idiyena. Kiriot-Jearim do tahẽkana Jihudạ gusṭikoakʼ mitʼṭecʼ nagraha. Noa do hoyokʼ kana Benjamin gusṭirenkoakʼ pạchim senakʼ simạna.

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

1 Samuel 7:2

Probhu Isorakʼ sinduk do Kiriat-Jearimre dohoyen tayom ḍher din do paromena, metatʼme bargel bochor paromena. Onako oktere Israelko do Probhu Isor ṭhen ruạṛ hijukʼ lạgitʼ jiwi do ragokʼkan tahẽkantakoa.

1 Bõsbudạ 13:3

Dela bon, aboren Isorakʼ goha sunduk do abo ṭhen bon ruạṛ ạguiyma; Sạulakʼ rajokʼ oktere abo do sinduk secʼge babon lutur akawatʼ tahẽkana.”