1 Samuel 6:9 - সান্তালী বাইবেল

⁹ Ar noa sinduk do apnar disạm reakʼ ḍaharte Bet-semeste calakʼ enḍekhanpe bujhạu daṛeakʼa, noa duk do Probhu Isor secʼ khonge hecʼakawatʼ bona. Menkhan ona horte baṅ calakʼ enḍekhan bujhạupe abo cetanre niạ duk do uni khon baṅ hecʼakana, noa do emontege abore paṛao akana.”

1 Samuel 6:9 Referans Kwoze

Josuạ 15:10

Ar Bala khon pạchim secʼ ạcurente ona do Seyir buru secʼ rakapʼ calaoena; ona tayom do Jearim buru, metakʼme Kesalon utạr reakʼ dhasna secʼ senkate Bet-Semseste pheḍ hecʼente Timna hạbicʼ calaoena.

Luk 10:31

Khan bhạg leka mitʼṭen naeke do ona horteye calakʼkan tahẽkana. Menkhan uni hoṛe ńelkede khan naeke doe sa paromena.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

2 Samuel 1:6

Uni koṛa doe menkeda, “Iń do unre Gilboa reakʼ burureń tahẽkana ar Sạul do acʼakʼ borlomre ṭenḍarkateye teṅgo akan tahẽkana. Ar un jokhecʼ rãt gạḍi ar aswariko doko khudạu tiyokʼ idiyedekan tahẽkana.

1 Samuel 6:3

Onkoko menkeda, “Israelkoren Isorakʼ sinduk kol ruạṛpe menetʼ khan ekenakʼ do alope kol ruạṛkakʼa. Ape do khạṭige uni ṭhen mitʼṭecʼ dos- samaṅokʼakʼpe kola. Enḍekhan ape do mońjpe tahena arpe baḍae daṛeakʼa, cedakʼ uniyakʼ keṭecʼ ti ape cetan khon baṅ ocogokʼ kana mente.”

Amos 3:6

Nagrahare sakwa reakʼ saḍe ańjomle khan hoṛ do cetʼ bako botorokʼa? Probhu Isor bae hoyocole khan nagrahare cetʼ muhin do paṛaokʼa?

Jesaea 26:11

E Probhu Isor, amakʼ ti do coṭte tul akan tahen kana, menkhan onko do ona bako ńeleda. Amren hoṛko lạgitʼ amakʼ ãṭ baṛeko ńelma arko lajaokʼma; ar seṅgel do amren bạirikoe jom cabakoma.

1 Samuel 6:10

Onko do unre onkageko kạmikeda. Hoṛko do toa emokʼ barea gại ạgukate sagaṛreko joṛaoketʼkinạ ar unkinren mĩhũ do oṛakʼreko aṭkao dohokatʼkinạ.

1 Samuel 6:12

Ar unkin gại do unre leṅga ar jojomsa secʼ ghańjeṛ baṅkate bhokrao bhokraote sojhe ḍaharte Bet-semes secʼkin calao idiyena. Ar Philisṭiren disạm cakʼlaoko hõ sagaṛ tayom tayomte Bet-semes reakʼ simạna hạbicʼko calaoen.

Exodus 8:15

Pharao do roṭe khon rukhiyại ńamketʼ khan uniyakʼ mon do arhõ keṭecʼ ruạṛentaea ar unkinakʼ katha do bae moneyada. Probhu Isor cetʼlekae menletʼ onkage hoyena.

1 Rapajko 4:9

Makas, Salbim, Bet-Semes ar Elon-Beth-Hanonren Bin-Deker.

2 Bõsbudạ 25:21

Ona iạte Israelren raj Jehoahas do onkoe akromonketʼkoa. Uni ar Jihudạren raj Amasiạ do Jihudạ reakʼ Bet-Semesrekin samna sạmniyena.