1 Samuel 6:14 - সান্তালী বাইবেল

¹⁴ Bet-semesre hecʼkate sagaṛ do Josuạwakʼ khet talare mitʼṭecʼ maraṅ okocʼ dhiri aṛere teṅgoyena. Ar Israelko do ona sagaṛ reakʼ kaṭte unkin gại do Probhu Isor ńutumte jeredokʼ samaṅokʼakʼko samaṅkeda.

1 Samuel 6:14 Referans Kwoze

2 Samuel 24:22

Arowna do Dạude metadea, “Ińren mạlik maharaj oka bhagem hudisetʼ onage ińakʼ nonḍe khon samaṅme. Jeredokʼ samaṅokʼakʼ lạgitʼ ḍaṅgra do nonḍege menakʼkoa ar sahan lạgitʼ hõ enokʼ paṭako ar ḍaṅgrakoakʼ arãṛ menakʼa.

Bikʼcạrko 21:4

Dosar hilokʼ ạḍire hoṛko do mitʼṭecʼ pinḍko benaokeda ar jeredokʼ samaṅokʼakʼ ar sulukren samaṅokʼakʼko samaṅkeda.

1 Rapajko 19:21

Onate Elisa do uni bạgikateye ruạṛ calaoena. Uni do acʼren ḍaṅgrae gurketʼ kinạ ar nahel kaṭte jele isinketʼte hoṛkoe ematʼkoa ar onko do onako jomkeda. Ar ona tayom do Eliạ sãote calakʼ lạgitʼe oḍok hecʼena ar uniren sapʼ dapʼicʼe hoyena.

2 Samuel 24:25

Ona tayom do Probhu Isor ńutumte onḍe mitʼṭecʼ pinḍe benaokeda ar jeredokʼ samaṅokʼakʼ ar sulukren dãṛẽkoe samaṅketʼkoa. Nonkate disạm lạgitʼ koejoṅ hoyen khan Probhu Isor doe ańjomketʼtakoa ar Israel disạmre mahamạri hõ thirena.

2 Samuel 24:18

Enhilokʼ Gad do Dạud ṭhen senkateye metadea, “Am do Jebusiạren Arownakʼ khạrạite senkate Probhu Isor ńutumte onḍe mitʼṭecʼ pinḍ benaome.”

1 Samuel 20:29

Uni doe metadiń tahẽkana, ‘dayakate sen ocoạliń ben; ente ạliń bõsren hoṛko do nagrahare mitʼṭen samaṅokʼakʼ porobko porobokʼ kana ar ạlińren dada do onḍe hạjir tahen lạgitʼe hukum akawatʼlińa. Onate ạliń cetanre daya menakʼtaben khan sen ocoạliń ben jemon ạlińren boehako liń ńel ạguko daṛeako.’ Ona iạte uni do maharajakʼ bhojre bae hecʼ daṛeakada.”

1 Samuel 11:5

Ar unre Sạul do gupi ṭạnḍi khon ḍaṅgrakoante oṛakʼteye ruạṛ hijukʼkan tahẽkana. Uni do, “Cetʼ hoyakana menteye kuliyana? Ar cedakʼ hoṛ doko rakʼeda?” Unre Jabesren hoṛ do okako lại oṭokatʼ onako baḍae ocokedea.

Bikʼcạrko 6:26

Ona tayom ona jaega cetanre amren Isor Probhu Isor ńutumte mitʼṭen mońj okocʼ pinḍ benaome. Ar ona tayom onem makʼ giḍiakatʼ Asera muṭhạn reakʼ kaṭte dosaricʼ ḍaṅgrate mitʼṭecʼ jeredokʼ samaṅokʼakʼ samaṅme.”

Exodus 20:24

Ape do iń lạgitʼ hasa reakʼ mitʼṭecʼ pinḍ benaope, ar ona cetanre jeredokʼ samaṅokʼakʼ dãṛẽ ar sulukren samaṅokʼakʼ ḍaṅgra, merom ar bheḍa samaṅkope. Ar okako ṭhạ̃ire ińakʼ ńutum disại lạgitʼ iń bondobos ona jaegare hecʼkate apeń bhorapea.

1 Samuel 6:13

Unre Bet-semesren hoṛko do buru tala otetre guhumko gegetʼkan tahẽkana. Arko koyokʼketʼ khan sindukko ńelńamkeda ar ạḍiko kusiyena.

1 Samuel 6:18

Onko mõṛẽ goṭen rapajko tabere Philisṭikoakʼ do mõṛẽ goṭecʼ pạcri esetʼ nagraha ar onako são reakʼ begor pạcri atoko khon sonaren goḍoko kolletʼkoa. Philisṭikoakʼ ṭoṭha do tahẽkana Bet-semesre Josuạwakʼ khet tala reakʼ maraṅ dhiri hạbicʼ, one ona cetanre onko do Probhu Isorakʼ sindukko pheḍ doholetʼ tahẽkan. Ar ona do teheń hạbicʼ hõ onḍege menakʼa.